سوري ع الاخطاء الاملائيه لاني بكتب من الجوال وكنت مستعجله

روحي دكتوره واكشفي على نفسسسسك
قسم ب الله مب صاحيه !!!شلوووووون تاخذين حبوووووب بدون استشاره طبيه وشلووووون !!!فهميني وانتي بكرر وماسبق لك الانجاب
حبيبتي انتي ... هذا اكبر خطأ تاكلين حبوب بدون تحاليل طبيه وكشف سونار على الرحم ..
والله انا ما انصحك تحملين من وراه ابد
وما انصحك تكتبين له كروت ..
ليش !!
لانه وبكل بساطه هاااذا جسمك انتي
وهاذي حياتك انتي اعتقد انتي حره وناضجه وعاقله انه تاخذين قراراك بنفسك وتفرضين رأيك على شريك حياتك...
الحياه الزوجيه شراكه بين اثنين واتفاق بكلللل شي ومن رضاا تام بين الطرفين ..
لكن انتي !!!
تلبي طلباته فقط
ومو راضيه وزعلانه
اجل ليششش متزوجين ؟؟؟
الحل :
تروحين دكتوره للكششف والتحاليل
ثانيا تقولين له يكشف على نفسه ايضا اذا هو انسان قادر على الانجاب او لا لاسمح الله
ثالثا الدكتوره هي الي تحدد تستمرين ع الحبوب او لا
رابعااا ماله حق يجبرك تاكلين شي يضر بصحتك
ممكن يسوي عزل او يلبس واقي
يدبر عمره من بغا الدح مايقول اح
ونفسسسي اعرف كم عمرك وكم عمره ؟؟؟
لانه واضح انكم صغاااار ..
ويبي يعيشش حياته على حسابك ..
انتبهي لعمرك وانا اختك محد نافعك ...

أشور عليك بمراجعة طبيبه والتأكد من سلامة صحتك وقدرتك على الانجاب
والتحاور مع زوجك بأنك
1- تريدين طفل
2- ستوقفين استخدام الحبوب لأجل صحتك
3- منع الحمل سيكون من طرفه إما استخدام عازل أو على ما أظن يوجد مانع للرجال فهي بما انها رغبته فليتحمل هو جانب المنع وتوابعه

اول راجعي طبيبه وتأكدي ان وضعك الصحي سليم ومافي شيء ممكن يأخر الحمل
بعدين قولي غريبه اللي اعرف ان الرجال يتمنون الخلفه وأي زوجين طبيعي يتمنون الذريه بصراحه شككتني ان عندك مشكله او عقيم لازم يعيد حساباته البنون زينه الحياه الدنيا الله يرزقكم ويسخر لك زوجك

الله يجزاكن كل خير يارب والله ارتحت من تعليقاتكم وبالنسبة للأهل مايبون يتدخلون بيننا يخافون تكبر ويقولون لي توك صغيرة اذا صغيرة ليه تزوجون اجل
انا ماتزوجت عشان اخدم احد واغسل وانظف انا تزوجت ابي اسرتي الخاصة فيني
اضافة الى ان كل الي بعمري والي اصغر مني صار عندهم اسرة واطفال
يزوجونا من رجال مانعرفهم واذا صارت مشكلة قالو مانبي نتدخل عشان ماتكبر !
وانا انسانة ينربط لساني لاجيت اطلب شي لاني تربيت على كلمة لا ومليت منها صرت اسوي الشيء بدون مااشاور احد سواء طلع صح علي او غلط
وحركة الكروت كنسلتها لاني ادري انها بتصير عندهم كلام فاضي
لاحول ولا قوة الا بالله ادعولي يابنات والله الحرمان من الأمومة اصعب من اي شي بالحياة خصوصا اذا كان المانع شخص مو مرض
الله يفرج لي همي وهموم المسلمين جميعا امين