انا بس ابفهم شي واحد ليش هذي الناس المحتالة تدق بيوت بنات الأجاويد
و تسحب وراها امهاتها و اباءها و ترزهم جنبها بالمجالس دام نيتهم الضحك على بنات المسلمين و ترجيع المهر
و ليتها مهور الا طفسة لو اعطاها اي بيت يبون يردونها في وجهه
والله حتى ابوي زعل مني اني وافقت على ذيك الخيبة يقول مو قدرك و لا يكفيك
قلت اهم شي حلول البركة وش اخذنا من تجميع الخلاقين اهم شي أطب في اللي يخاف ربه
و شاريني بقلبه قبل ماله
و آخرتها كل هذي الخزايا و انا ما جيت بيته
سبحان الله قعدت أكثر من أسبوع منهارة على قرار تطليقه لي و عشان قتل
فرحتي و هي ما بعد اكتملت و قلت لو يعتذر بسامحه و احيان ادعي ربي انه ما يطلقني بالرغم انه كسر قلبي
و سبحان الله فجأة ربي اراد انه يرسل رسايله الاخيرة اللي اظهرت حقيقته و طفاسته على المهر
و تهديده ( يعني ما طلع مسحور ، المسحور مبتلش بعمره منكسر يدور علاج ما هو فاضي للفلوس )
خلتني أفرح و أحمد ربي اللي نجاني منه
يعني طلع اكبر محتال و انا احاول اصدق انه مسحور حتى لو مقتنعة احاول أدور له الأعذار
حتى أذكر آخر ما قعدت أبكي و أهري في عمري أمس قبل الفجر
عاد يوم صليت و نمت شفت رؤية بردت الحمدلله على كبدي
شفت اني زرت وحدة من صديقات الطفولة و بنفس الوقت تقرب لي من بعيد و بنفس عمري
كانت والدة رحت ابارك لها جابت بنوتة قمر ماشاء الله و اخذت البنت من يدها و قعدت أضمها
و أبدل ملابسها و ارضعها بالرضاعة ( البنت عمرها في حدود الشهرين ) لدرجة يا ناس كنت أشم ريحة البنت و أحس فيها
و صحيت و انا مبسوطة كإنه حقيقة مو حلم لدرجة ودي يكون حقيقة من كثر حبيت البنت
أساسا زميلتي هذي بالواقع متزوجة وعندها اطفال ماشاء الله تبارك الله ربي يحفظها لهم و يحفظهم لها
بس مدري هل هي فعلا جابت بنت قريب او لا
تكفون من له قدرة بالتعبير لا يتردد يعبر لي و لكم الجنة بإذن الله
و الله كإن هذي الرؤية مسحت ع قلبي و ادخلت السرور فيه صرت بس اتخيل ذيك البنت
و بعد الرؤية بكم ساعة انكشف على حقيقته بارسال رسايله الاخيرة اللي يهدد و يوعد
حسبي الله و نعم الوكيل فيه
لكن بعدها الحمدلله برد قلبي يوم شفت ان ما عليه حسوفة وان ربي بالعكس نجاني منه قبل ادخل بيته الودر اللي زيه
هل يا ترى فيه رابط بين رؤيتي للبنوتة و اكتشاف حقيقته بعدها مباشرة عن طريق رسايله اللي فضحته ؟
و معليش بتعبكم شفت رؤية ثانية اليوم قبل صلاة الفجر بنص ساعة
شفت اني كنت رايحة مع اهلي مشوار و رحنا مكان بعدين ضيعتهم و كان الوقت ليل
و قاعدة امشي في حواري مظلمة شعبية تخوف
و فجأة طلع لي ولد لونه اسود و عمره تقريبا 3 او 4 سنوات سبحان الله حبيته و ارتحت له
قلت له حبيبي تعال معي عشان لا شافوني لوحدي ممكن يخطفوني
قال طيب و مشينا انا وياه في هذي الحواير ابغى ادور ليموزين يوصلني بيتي
و اكتشفت ان الطفل هذا ماشاء الله ذكي و عارف الاتجاهات و الاماكن
المهم و هو ماشي جنبي و انا اتكلم معاه لاحظت ان صندله مقطوع من اسفل
يعني الجلدة اللي تحت منفصلة
قلت تعال حبيبي نروح محل اشتري لك صندل جديد و اشوف اني لقيت محل احذية
الله يكرمكم و مدري هل كان مفتوح المحل و شريت له او لا بس غالبا اني شريت له
المهم اني حبيت هذا الولد و تعلقت فيه و حسيت اني مسؤولة عنه و لا يمكن اتركه
سبحان الله نفس تعلقي بالبنت اللي قبله بنت زميلة الطفولة
ياترى وش التفسير ( لاهل الاختصاص )
اكيد بتقولون لاني متشفقة على الاطفال
اقسم بالله عادي مو ذاك التشفق لاني راضية لو ربي بيرزقني اياهم خير و لو ما هم خير بيقطعهم عني
بدليل إني وافقت على العقيم الودر حسبي الله و نعم الوكيل فيه يعني غرضي مو الانجاب قد
اني أحصل على الاستقرار الزوجي
لذلك رضيت بالعقيم و لكن رضينا بالهم و الهم ما رضي فينا و حسبنا الله و نعم الوكيل فيه
شفت اني كنت رايحة مع اهلي مشوار و رحنا مكان بعدين ضيعتهم و كان الوقت ليل
و قاعدة امشي في حواري مظلمة شعبية تخوف
و فجأة طلع لي ولد لونه اسود و عمره تقريبا 3 او 4 سنوات سبحان الله حبيته و ارتحت له
قلت له حبيبي تعال معي عشان لا شافوني لوحدي ممكن يخطفوني
قال طيب و مشينا انا وياه في هذي الحواير ابغى ادور ليموزين يوصلني بيتي
و اكتشفت ان الطفل هذا ماشاء الله ذكي و عارف الاتجاهات و الاماكن
المهم و هو ماشي جنبي و انا اتكلم معاه لاحظت ان صندله مقطوع من اسفل
يعني الجلدة اللي تحت منفصلة
قلت تعال حبيبي نروح محل اشتري لك صندل جديد و اشوف اني لقيت محل احذية
الله يكرمكم و مدري هل كان مفتوح المحل و شريت له او لا بس غالبا اني شريت له
المهم اني حبيت هذا الولد و تعلقت فيه و حسيت اني مسؤولة عنه و لا يمكن اتركه
سبحان الله نفس تعلقي بالبنت اللي قبله بنت زميلة الطفولة
ياترى وش التفسير ( لاهل الاختصاص )
اكيد بتقولون لاني متشفقة على الاطفال
اقسم بالله عادي مو ذاك التشفق لاني راضية لو ربي بيرزقني اياهم خير و لو ما هم خير بيقطعهم عني
بدليل إني وافقت على العقيم الودر حسبي الله و نعم الوكيل فيه يعني غرضي مو الانجاب قد
اني أحصل على الاستقرار الزوجي
لذلك رضيت بالعقيم و لكن رضينا بالهم و الهم ما رضي فينا و حسبنا الله و نعم الوكيل فيه
الصفحة الأخيرة
الحين قاعد يماطل ما يبي يطلقني يبيني أرجع المهر الطفسة
قال رديه لي و أطلقك
قلت انت اللي عايف و تقول مسحور و ما علمتني من قبل يعني غشيتني
لأنه اعترف انه مسحور من زمان و السحر تجدد ( كذاب )
يعني ما تجدد غير بعد ما أخذ حاجته
و انا مسكتها عليه قلت له يعني من زمان مسحور و ما علمتني
و الله يا بنات ما توقعت انه بهذا الشر يمكن لو ربي كان رايد أروح عنده كان حط لي سم في أكلي
يوم درا اني صرفت المهر انجن و كشر عن أنيابه و جالس يتوعد و يقول اجل خليكي معلقة أطقطق عليك
كإن المهر مو مهري و حقي الشرعي كإنه شايله عندي
حسبي الله عليه و نعم الوكيل ما تعاقب الليل و النهار
و صار يهدد و يقول و كمان تسبين أهلي
لفق لي التهمة يوم قلت حرام عليهم ليش امك و ابوك يجون معك يخطبوني و انت بهذي الحالة
يعني ما هو سب مجرد انتقاد
و مسكها علي و جالس يتوعد
الله يرد كيده في نحره اللهم امين
ملاحظة : كل اللي دار بيننا من كلام و تهديد و توعد لي عن طريق رسايل الجوال
لأنه ما له وجه يسمعني صوته بعد فضايحه
و المشكلة حجته يقول أصلا مو طايق اسمع صوتك و لا اشوف وجهك بسبب السحر
حسبي الله و نعم الوكيل فيه بعدد اوراق الشجر و قطرات المطر و ذرات الرمل
تكفون ادعو لي حاسة اني داخلة حرب الله ينجيني منها و يرد كيده لنحره
نفسيتي تدمرت ما عاد لي خلق نقاش جديد مع الاهل حتى اوضح لهم خسته و نذالته