"بابك مفتوح يا ربّي... وأنا ما إلي غيرك" 🕊️💙
تخيّل... قلبك مليان وجع، والناس مشغولين، أو يمكن مو فاهمين شعورك... بتدور على حضن، على كلمة "أنا معك"، على راحة تهدّي قلبك... 💭💔
بتوقف، بتطلع للسماء، وبكل صدق، بتنادي من أعماقك: "يااا رب..."
وهون بصير شي ما بينوصف...
راحة بتنزل فجأة، دمعة تنساب، وكأنك بتسمع صوت الأمان يهمس بقلبك: "أنا سامعك... إحكي، فضفض، أنا أقرب إلك من نفسك" 🫂🌙
ربنا ما بيمل، ولا بيقول "كثرت طلباتك"، بالعكس... إذا سكّت وما سألت، بزعل!
تذكر كلمات الشاعر:
❝لا تسألن بني آدمَ حاجةً، وسل الذي أبوابه لا تُحجبُ
الله يغضب إن تركت سؤاله، وبني آدم حين يُسألُ يغضبُ❞
حتى دعاءك عبادة، سؤالك إله دليل حب وثقة، مو ضعف! 🤲🏼✨
يا الله، شو هالدلال اللي عطانا إياه ربنا؟!
بتخليك كل ليلة، قبل ما تنام، تهمس من قلبك:
💬 *"يا رب، أنا تعبان، بس متطمن إنك شايف وراحم، وما رح تتركني..."*
خلي بينك وبين ربك موعد ما يتأخر، مثل النفس... ما بيوقف، وما بيخيبك، مهما طولت، مهما شعرت إنك وحيد، هو قريب بس نادِ عليه: "بابك مفتوح يا ربّي..." 🌌🤍
🩷تمرين اليوم:🩷
قبل ما تغمض عيونك، اطفي التلفون وكل الإزعاج، خد نفس عميق، وفضفض مع ربّك *٣ دقايق بس*... إحكي عن اللي بقلبك بصوت هادئ، بدون خوف، بدون رهبة... بس بإحساس الحب، لأنك محبوب عند ربّك، مو مزعج! 💫🌙
أنت غالي، وأنت دايمًا مسموع... 🕊️💜
#حلا_صبيحات
خـوخــة👸🎀 @khokh_39
عضوة مثابرة
يلزم عليك تسجيل الدخول أولًا لكتابة تعليق.
🇸🇦السعوديه🇸🇦
•
صباحك عسل مثلك
الصفحة الأخيرة