قوافل النور @koafl_alnor
محررة
يكرم ضيفه 3 ايام ثم يسطره كف ويودعه.!.!.!
حبيباتي ألبي يالحوائات<----ترى متعوب على هالكلمه :D
كعادة والدي الحبيب (حفظه الله)لما يبي ينصحنا في شي من أمور الحياة لازم يبدأ موضوعه بقصه وتعليق وبعدين يدخل في صلب الموضوع
فكان عندنا هذاك اليوم عشاء كبيررررررر وراحوا الناس فحبينا انا واخواتي والماما الله يحفظهم نطلع نغير جو في حوش(فناء)بيتنا وطبعا كان الجو جنااااان
وإحنا جالسين نشرب الشاي جانا أبوي وجلس معانا وسولف ويانا وقال :ماسمعتوا برجل كريييييم يكرم ضيفه3 أيام وقبل مايودعه يسطره بكف ؟قلنا أشلون :confused:
قال هذا سلمكم الله كان رجل مشهوووور بين الناس بشدة كرمه كريم كريم إلى أبعد درجه وكان كل مانزل عنده ضيف يكرمه أجمل واحسن إكرام ولما تنتهي مدة إقامة الضيف يمشي وياه لحد أسوار المدينه وبعدها يسطره بذاك الكـــف الحامي ويروح ويخليه
فكان الناس يستغربون من هالانسان ليش وداعه من نوع خاص عجيب وغريب؟؟!!
فلما سمع بقصته واحد وهو بعد من كرماء العرب قال أنا بأكتشف سره
وراح لم الرجل اللي يسطر ضيوفه :biggrin: وجلس عنده 3 أيام وحان موعد الرحيل وأقترب موعد التسطير وكل مامشى خطوه قال الضيف الحين بيسطرني
وتفاجأ ان المضيف ودعه بكل حرااااااره وراح فأستغرب الضيف وقال تعال نسيت شي ..قال المضيف وش هو؟؟!! :confused: قال ماسطرتني كف<==مستعد لها من ساعه مسكين شكله متعود على التسطير :as3:
قال المضيف لا لا :as4: مستحيييل أنت من أكرمك فهو الكريم وماأهانك يوما إلا لئيم <==منتدى المرأه أأعفوا نكمل القصه
قال طيب واللي قبلي ليش كنت تسطرهم وانا لا؟؟
قال اللي قبلك كانوا يردون كرمي لهم فمثلا لما أجيب لهم المسند عشان يستندوا عليه قاموا وحلفوا اني مااجيبه ولا تعب نفسك انا مرتاح كذا !!
وإذا جيت أبي اعطيهم من افضل انواع التمور عندي قالوا:لا والله لاتجيبه خله عندك بناكل من اللي عندنا لاتتعب حالك خلك مرتاح
وإذا جيت أبي اجلسهم في احسن مكان عندي في البيت قالوا:لا لالا :as4: مرتاحين هنا خلنا في هالمكان أفضل أنت بس لاتتعب نفسك
وإذا جيت أطيبهم من أفضل أنواع الطيب عندي :قالوا :لاوالله ماتطيبنا لالا الله يهيدك لا لا ارتاح وريح نفسك
يعني كل ماجيت اكرمهم ردوني عن كرمي فيستاهلون اسطرهم كف ومن قلبي
لكن انت كريم أطيبك وتتطيب وتكثر بالخير ...أعطيك المسند وتنسند عليه ..أجلس في احسن مكان في بيتي وتبادلني الكرم بكرم نواياك تشرب من اللبن اللي اعطيك إياه بدون حلف ولا تحليف
وهذا سر الكف اللي اسطرررر به ضيوفي
عموما ترى ماادري القصه صدق اول لا
.................................................................................................................
الزبده من هالقصه وقصة حياتي والسااااالفه ذي كلها :
1 إذا رحتي عند ناس ومعزومه عندهم وقالت لك المضيفه تعالي أجلسي هنا لا تقولي واللــه مااقوم لا خليني مرتاحه لاقومي بكل لطف واجلسي في المكان اللي طلبت منك تجلسي فيه لأن1 يمكن في مكانك الاول شي ماتبيك تشوفينه...2.يمكن الباب قدامك ويكشف على شي في البيت ماتبيك تشوفينه..3أو تخاف يطلع احد من محارمها ويشوفك..
2)لما تيجي المضيفه تصب لك القهوه او الشاي او تمد لك من التمر لا تقولي لا مرسي مااحبه مااشربه وتحيري المضيفه لا خذي من ايدها وقولي تسلم ايدك الله يعطيك العافيه وحتى ان كنتي ماتحبي القهوه خذي فنجان واحد اغصبي نفسك عليه إرضاء لها يعني هي تعبت في المطبخ وتبي تكرمك وترديها يعني صعبه :mad:
3)لما تتطيبك لا تردي الطيب الا في حاله كنتي واثقه من انك بتمري برجال او بتروحي السوق عندها لك الحق ترديها وأما غير كذا تطيبي تلقيها جالسه ساعه في غرفتها تفكر وش تطيبك به من احلى عطوراتها وقولي لها(طاب طيبك وعاش حبيبك :biggrin: وجعل الله الجنه نصيبي ونصيبك)
آمين
4)خليك مرنه معها اذا اعطتك شي خذي منها وتكثري لها بالخير وادعي لها بالبركة المال
5)اذا كنتي معزومه ومسويه ريجيم جاملي المضيفه وبطلي رجيم بس مااقولك اهدمي اللي بنيتيه :as4: لكن خذي القليل واتركي الكثير
أتمنى اكون افدتكم يابنيات بهالمعلومات اللي احس(من وجهة نظري)مهمه لكل وحده فينا بحيث تكرم ضيوفها وتكرم مضيفوها وهذي خلاصة نصائح البابا
***********************************************************************************************
أخيرا بعد هالتعب ياويل اللي تدش وتقرا الموضوع ولا تعلق بأسخط عليها :mad: (وجه يبتسم ويقول أمزح)
330
20K
يلزم عليك تسجيل الدخول أولًا لكتابة تعليق.
مشكووووووووووورة بس حلوة سطرت الكف هههههههههههههههههههه علشان كذا رديت خفت تسوييين زيه <<<<<<<<<<<خخخخخخخخخخمشكووووووووووورة بس حلوة سطرت الكف هههههههههههههههههههه علشان كذا رديت خفت تسوييين...
ههههههههههههههههههههههههههههه
الله يسعدك والله ضحكتيني
الله يسعدك والله ضحكتيني
هههههههههههههههههههههه
روووووووووووووووووووووووعة
والله استفدت من هذي القصة
أحيانا تقولين لا ماتبغين تتعبين صاحبة البيت .
بس من اليوم غيرت تفكيري .
قوافل النور قولي لأبوك يعطيكم حكايات أكثر نبغى نستفيد .
مشكووووووووووووووووورة
روووووووووووووووووووووووعة
والله استفدت من هذي القصة
أحيانا تقولين لا ماتبغين تتعبين صاحبة البيت .
بس من اليوم غيرت تفكيري .
قوافل النور قولي لأبوك يعطيكم حكايات أكثر نبغى نستفيد .
مشكووووووووووووووووورة
الصفحة الأخيرة
بس حلوة سطرت الكف هههههههههههههههههههه
علشان كذا رديت خفت تسوييين زيه
<<<<<<<<<<<خخخخخخخخخخ