يكرهوني ويجرحوني اعينوني

السلام عليكم حبايبي في عالم حواء
العالم الذي كلما ضاقت بي السبل اجد متنفسي ومخرجي فيه
بعد ما تعبت نفسيتي من هذي المشكله وبحكم اني ما اقدر اتكلم للي حولي استشيرهم قلت ما لي الا الله ثم انتم

مشكلتي بالعربي وباختصار
فيه ثنتين من قرايبي من تصرفاتهم واسلوبهم ونضراتهم وكلامهم يبين انهم يكرهوني
واحس انهم يتمنون اني ما اكون موجوده على الارض بعيد الشر عني

بس من جد سوالفهم ما تنتهي معاي كل وحده طبعا مشكلها شكل وكل وحده تبخ سمها وتجرحني بشكل مختلف هم طبعا ما يقربون لبعض ابد الا اذا يعتبر كرههم لي صلة قرابه

يمكن تقولون اني ابالغ والله اني ما ابالغ لدرجة اني لما اروح لزياره اكون مجهزه نفسي ومتهياه اني اباخذ لي لدغه والا ثنتين وتتحول زيارتي الى جحيم مع العلم اني عمري ما رديت لانهم يجيبوها باسلوب ما تقدرين تردي عليهم فيه وانا وحده مسالمه ما اعرف ارد وبعدين على الاقل احترم الناس اللي مضيفيني ما ابغا اسويلهم مشاكل طبعا لدغاتهم واضحه للي حولي ويعرفون اهم من يقصدون

ولاكثر من مره وحده منهم تحاول احراجي واظهاري بمضهر السيء قدام قرايبي اما عن طريق انتقاد لبسي بطريقه غير مباشره وتراني مو من النوع اللي يلبس عاري او قصير بدون ما البس تحته شي يستر ولله الحمد يعني انا لبسي انيق وبدون مدح انا اعتبر من اكثر بنات العايله اناقه واهتمام بنفسها مو غرور والله بس هذا اللي معروف عند الكل والاغلبيه يقولون لي كذا

والثانيه تكيدلي من داخل البيت يعني تحرض اقرب الناس علي بس الحمد لله الى الان ربي ما نولها الي في بالها بس كلماتها الجارحه هي اللي تاثر فيني مع انكم تقدرون تقولون ان لولا الله ثم انا ما كانت صارة في هذا البيت

والله لو تشوفو نفسيتي اليوم كيف من بعد ما صار لي موقف معاها والله اني جلست ابكي واللي الان ابكي ودايم اقول في بالي ياليتني مو طيبه ياليتني اعرف ارد عليهم واخذ حقي ولا اني اكون مقهوره والله اني تعبت

دايم اسال نفسي هل انا بيوم قلتلهم شي ممكن يخليهم يكرهوني كذا ماعمري يا بنات سويت لحد شي انا معروف اني هاديه واداري الساس يعني بحالي ما احب اغث احد اللي دايم يبكيني ليش هم من اقرب الناس لي ويكرهوني كذا ليه ما القى اجابه ؟!!!

اعذر وني على الاطاله ويمكن ما اقدر اوضح المواقف كثير لان اخاف ان احد يعرفني ولا تقولون ابعدي عنهم وتجنبيهم ما اقدر لانهم قرايبي من الدرجه الاولى وحده منهم ساكنه جنب بيتنا يعني مو من بعيد ما اقدر اذكر ايش بالضبط يقربون بس اعتقد انكم فهمتوني

شورو على علموني شي يخفف من حالتي كيف تتصرفون لو وحده تكرهك وتجرحك متعمده بكلامها وتهينك قدام العايله كلها يعني الكبار بيفهمون ويقدرون لكن الصغار هذا اللي قاهرني يقللون من احترامي قدام حتى اطفال العايله كيف اتصرف


هل تنصحوني اصارحهم بالموضوع وارتاح واريح قلبي وعيوني من البكا والاكيف اتصرف