السلام عليكم بنات
انا متزوجه صارلي ٣ سنوات كنت ساكنه لحالي ٦ شهور بعدين هو شاري بيت قالو لك شقه واخوه شقه واحنى تحت قلت اوكي ولما جينا بنقل انصدمت لاشقه ولاشي دور ومقسمينه على كيفهم المجالس خذوها اخوانه الكبار وخواته وانا المطبخ وغرفتين وصاله قلت يالله مافيه اي خصوصيه يدفشون الباب دفش وزوجي يطلعني ويدخلني مع بابهم تكلمت معه رفض وامه قالت لو اشوفكم ترحون مع باب هذاك الخاص ازوجه او اطرده رغم ان البيت بيته وراتبه كله يروح اقساط والله مايبقى منه الا ٣ الاف وكل ماجبنا اكل من مطعم ماتطبخ ماتفعل راحت فلوسك على مطاعم وماجبت لنا وكل ماتقضينا يجون خواته من باب الميانه يفتحون الاكياس وهو يضحكلهم هذي عادتهم بس انا انا ماحب كذا والله حتى غرفك نومي يدخلونه خواته واخوانه اقوله عيب عيب يقول انتي حقوده وله اخو صغير بكل اكل او جلسه يجلس بوطنا وينوم معنا بالفراش ويحبه مره حتى لو جو اطفال اقاربه يدخلهم غرفتنا هو يموت بالاطفال بس انا انقرفت ومااقدر اتكلم وفوق هذا ماعجبه وتزوج علي وطلق ورجعلي وصارت ماديته صعبه اكثر البيت فاضي ثلاجتنا فاضيه وربي حتى المويه ماعندنا ماغير نازله من تحت اجيب اغراض لبيتي يقول عادي اهلي واهله عادي يقولن مافيه شي خذي واذا جاء احد قالو سراقه سراقه من باب المزح بس انقهر من هالاسلوب اقول عزني وعز نفسك يقول اهلي ومانعني من الوظيفه ومن صديقاتي ويقول لو فكرتي بالوظيفه روحي بيت اهلك احسن قلت اصرف علي قال الموجود احمدي ربك عليه هو طيب بس مليت من هالوضع حتى لو مشوار بطلعة الروح يطلعني بس يبني بالبيت ابي اشيل نفسي وولدي واطلع اشوف الناس مليت من جلسه البيت كني سجينه
None-ali @none_ali
عضوة جديدة
يلزم عليك تسجيل الدخول أولًا لكتابة تعليق.
بيت الشجرة "*
•
الله يكون بعونك اقنعيه مليون مره لين يوافق تتوظفي وبعدين انقلي من هذا البيت
يارب تكون بعونك ماأدري وش أقول بس الخصوصيه بنظري من أهم أمور الزواج وخواته وأخوه الصغير فهميهم إن هذا عيب وإذا مانفع لاتعطينهم وجه وسحبي بهم ياما يكرهون الميانه مو لهاالدرجه عيب والله وأكثر البنات ماحصلو أحد يردعهم يتمادون الله يصبرك عليهم حاولي لعل وعسى
يارب تكون بعونك ماأدري وش أقول بس الخصوصيه بنظري من أهم أمور الزواج وخواته وأخوه الصغير فهميهم إن هذا عيب وإذا مانفع لاتعطينهم وجه وسحبي بهم ياما يكرهون الميانه مو لهاالدرجه عيب والله وأكثر البنات ماحصلو أحد يردعهم يتمادون الله يصبرك عليهم حاولي لعل وعسىيارب تكون بعونك ماأدري وش أقول بس الخصوصيه بنظري من أهم أمور الزواج وخواته وأخوه الصغير فهميهم إن...
+
الصفحة الأخيرة