نجيب بصلة نقطعها صغير جدا وفصين توم مفرومين وننزلهم على حبة زيت بسمنة يتشوحوا وياخدوا لون وننزل عليهم بطماطمايه متقشرة متقطعة مكعبات وجزرة مبشورة وفلفل اخضر رومي وحامي لو عاوز الأكل مشطشط
ومعلقتين صلصة عشان تدي لون حلو للرز
ننزل عليهم بهارات فراخ رشة من الكركم وقرفة وورق لورا وحبهان وملح وفلفل وعشر دقايق وننزل عليهم بالفراخ وتكون متقطعة ونقلب ونزود ماية تغطيها ونقفل عليها
لحد ما تستوي
قرب ما تستوي هنكون ناقعين رز بسمتي في المايه شويه بعد ما غسلناه
ولما نطلع الفراخ هننزل بالرز في الحلة مكان الفراخ ولازم المايه متكونش قليلة عشان الرز يستوي يعني ممكن نزود مايه لو حسينا انها قلت ونسيب الرز يستوي
هنحمر زبيب ومكسرات بحبة زيت واللوز بيتننقع الأول ٥دقايق في ماية مغليه وبعدين يتقشر ويتحمر
هنعمل الدقوس
٢ طماطم بصلة صغيرة فص توم قرن فلفل حامي او رومي بارد وعودين تلاتة كزبرة ملح وفلفل وبهارات ومعلقتين خل ولمونة هنضربهم مع بعض كويس في الكبة ونسيبهم
هنحمر الفراخ اللي طلعناها ونحطها فوق الرز وبألف هنا 😍
