يلا بنات علاج لحب الشباب 💪🏼

صباح الخير ع الحلوين 🌞
..
عامليــن ايه 🖖🏼❤
اليوم جايبه لكم شئ خورافي لعلاج حب الشباب وتصفية وتفتيح البشره
طبعاً انا من وانا عومري 16 سنه وانا اعاني من حب الشباب وكانت تطلعلي حبوب مره مخيفه بحجم حبة الحمص تتكاثر بشكل فضيع حتى المناسبات كرهت احضرها بسبتها 😣 الهم ماخليت كريم ولا خلطه م استخدمتها وربي م خليت ولا شي كل م سمعت عن شي انه يوخر الحبوب ع طول كنت اجربه بشرتي صاارت حقل تجااارب 😂😂😂
لين جاء يوم وجمعت لي كم قريشات ورحت على عيادة كلينك عند الدكتور محمد خلدون طبعاً دكتور غني عن التعريف ولمن دخلت عليه شاف بشرتي وكتب لي على حبوب بس الحبوب هذي قويه مره وتاثر على الكبد اذا استخدمت بدون استشارة الطبيب عطاني ورقه عشان اسوي تحاليل اذا طلع كل شي تمام يعني عادي استخدم الحبوب سويت التحاليل بمستشفى حكومي لان التحاليل عندهم غاليه وارسلت له التحاليل ع الواتس والحمد لله كلشي تمام واستخدمت الحبوب لمدة شهرين عيبها انها تنشف لك بشرتك مره يعني كل شوي لازم ترطبين بشرتك وتكثرين من شرب الماي لازم حتى عيونك تنشف مره وممنوع تلبسين العدسات بفترة العلاج ولاتتعرضين للشمس كثير المهم الحمد لله بعد شهرين كان لي موعد ثاني بس م احتجت اني اروح لان الحبوب شبه اختفت بس بقي اثار خفيفه وكل البنات بالجامعه كان يسالوني وش استخدمت ..
المهم بعدها بفتره قلت لازم اعالج الاثار واسوي تقشير للركب وقررت اروح عيادة الموج وسويت ليزر كربوني بكج كامل 6 جلسات وجلستين تقشير للركب كلفتني حوالي 3000 ريال بس للامانه م حسيت بنتيجه مرضيه يادوب بشي لايذكر 🌚 .
المهم قبل شهر طحت بحساب الحب شيراز 😍
واستخدمت خلطه من خلطاتها والله العظيم ي بنات اني م ابالغ بشرتي تغيرت 180 درجه ما شاء الله تبارك الله صفت مره وفتحت من اشياء بسيطه ماكلفتني 50 ريال
الخلطه عباره عن :/
# (( لبان ذكر تنقعينه في موية ورد واضفت من عندي مر عشان تعطي مفعول اقوى نقعتها في عليه حقت ماي بس تكون فارغه ونظيفه نقعتها يوم كامل وجبت قطعة قطن صغيره وغمستها بالمحلول ومسحتها ع بشرتي لمدة نص ساعه بعدها اغسل وجهي واجففه وامسح بقطنه فيها اسكينول بالبيايا بعدها اغسل وجهي وامرر عليه قطعة ثلج عشان تتسكر المسام واخر شي ارطب بشرتي بمرطب فازلين الوردي موحد اللون استمريت عليها مدة شهر ومن ثاني اسبوع راح تلاحظين الفرق 😎
....
(( بالنسبه للمر كيف تعرفين اذا مغشوش او لا اذا الحجر نفسه كان لونه بني غامق ع سواد هذا مغشوش ✋🏼 افضل شي يكون لونه عسلي ))
م ابي الا دعواتكم لي بظهر الغيب بالتوفيق والسعاده وصلاح الذريه 💜💜😎
×××××××