كل وحده تعطينا تجاربها و افكارها و خبراتها
في تعليم طفلها على الحمام
انا في رايي
ان الطفل ما يحس بالحاجه للذهاب للحمام
إلا لو تضايق من البلل
والدراسات الحديثة اظهرت ان
كل ما تطورت الحفاظات وصارت اكثر امتصاص و راحه
كل ما تأخر الطفل في التعلم على الحمام
اكيد طبعا لانه مرتاح وآخر وناسه و مو محتاج الحمام اساساً
خلوني أبدا بتجربتي
--------1--------
علمت طفلي من بعد السنتين ونص ان في شي اسمه حمام
و بعد ما اغير له الحفاظ اخليه يجلس على الحمام شوي واحيانا يسويها واصفق له
وكان المفروض من السنه الاولى اعلمه هالشي
--------2--------
وقت الجد و وقت التدريب ... نلغي شي اسمه حفاظه
اعتقد هذا المفروض لكن
صعبه تعودين طفلك على الحفاظ سنين وفجأه تقولين له انساها ..
الله يعينك على المسح والتنظيف
و اياكي ..ثم اياكي .. ثم اياكي
تعصبي كثير او تضخمي الموضوع لو حدث و غلط طفلك وسواها على الارض
بيني له ان هذا غلط بكل هدوء وانك زعلانه بس بدون عصبيه زايده
حتى ما يتعقد الولد ويكره الحمام وساعته:eek:
ولو عندك سجاده ..
نصيحه مني ..اطويها اريح لك
--------3--------
زينت الحمام
بالونات
صور حلوه قصيتها من مجلات
و لوحة ارقام حلوه بالصور من المكتبه .. لان ولدي يحب الارقام
وصور طبعتها وغلفتها ببلاستك من الانترنت
صور منوعه لشخصيات يحبها
او اطفال لان الطفل يحب يقلد اللي في عمره
فقاعات الصابون طبعا
تسليه وتخليه يحب الحمام
وياليت ولدي يحب القصص كنت اخذت له قصه او مجله وقرأتها له
المهم ان ما يكون الحمام مكان ممل
--------4--------
لما اروح الحمام اقول له و وصيت زوجي بعد
كل مره يروح الحمام يقول له
لان الطفل يحب التقليد ويتعلم
ولو فيه عنده اخوان بيتعلم منهم اسرع واسرع
--------5--------
المكافئه لا تنسونها
حلويات او بسكوت
طبعا الشي المفيد يكون احسن
وجبات مفضله
طلعه و نزهه برا البيت
برنامج او رسوم متحركه
لعبه مو شرط جديده
حتى لو قديمه تخبينها عنه فتره يوله عليها
و بعدين تكافئينه فيها
ادعولي يتعلم بسرعه .. لانه عنيد ومجنٌني
ويا ليت تعطوني افكاركم لاني ما عندي خبره وهذا اول ولد لي
الله يحفظه ويخليه
وانا عندي بنت وعديت المرحله وباقي كم شهر واعلم الثانيه والله انها اكثر مرحله حرجه لكن يبغى لها صبر وطوله بال...........