اظهار الحب والتقبيل امام الابناء على حسب مااعتادو عليه من الوالدين سواء بعد سفر او بدونه
ام كونها حاله غريبه لم يعتادو عليها الابناء ففيه حرج لانها قد تطول المعانقه حسب طول مده الغياب
فقد تتجاوز الى مراحل اخري امام الابناء.

دايم اظهر لة علامات الاحترام وتقدير وسلم على راسه بعد ..

بس في حدود االمعقول ..

بسسوطة الموضوع مهم لا زام الابناء يشعرون بالحميمية بين الابويين ما يولد لهم الشعور بالامان والاستقرار والهدوء النفسي ..

لا ياعمري يااحلى شمرية ..ققصدت الاول العادي ..بس ترا عندنا مثلا عند اهلنا مهوب عادي ..
والله اني اذكر ان ابوي الله يرحمه يوم اني بزر ..مرة سافر ويوم جا سلم علينا بعدين راح المقلط يسلم على امي ..ليه ..والله لو يسلم الابو على المرة عادي قدام العيال ..ان يصير الموضوع عادي ..
فيه ناس يستغربون ان الرجال يحط يده على كتف مرته وهم يطالعون التلفزيون مثلا ويعتبرونها قلة ادب قدام العيال .. تصرفات كثيرة احنا نحبسها ونخليها من ضمن العيب ..والممنوع ..وانتوا عارفين ان الممنوع مرغوب ..فما بالكم اذا كان هذا الشي حلال بس حنا حرمناه ..وخلينا عيالنا يعتبرونه عالم ثااااني ..والبنت ترسم صورة لفارس الاحلام اللي يعيشها بها الجو ..لو هم شبعانين منه بالبيت كان ملوا ..وصار روتين ..


تخيلوا بنت عمي الله يغفر لها ..كانت تشوف مسلسل مكسيكي (( طبعا القنوات والمسلسلات هذي الدمار الاكبر ..))..ومعاها رجلها واصغر عيالهم ابو اربع سنين ..جت لقطة الرجال تخيلوا بوسة خد ..تقول الولد طالع ابوه وقال بوس ماما ..بذمتكم ..بوسة خد لفتت انتباه البزر ..اش معناه ..معناه انه اعتبرها شي غريب ويلفت الانتباه..

صح احنا علينا نوفر ابنائنا البيئة النظيفة اولا الخالية منوسائل الفساد كاالقنوات الهابطة والنت بلا رقابة واصدقاء السوء ...لكن بعد يتبقى هذا الجانب لازم نشبعهم منه ..عشان المجتمع برا البيت مش مفلتر زي مااحنا مفلترين بيوتنا حسب شروطنا وقيمنا ..لأ..مسير الاولاد يختلطون بالمجتمع برا ..

فلازم نسوي لهم حصانة لو شافوا شي ..مايستغربون منه واجد ومش اي شي يثيرهم ..اتمنى تكونون فهمتوني

بودرة ..ياحلوك وين مخلية توم وجاية ..مارقدتيه ..

ياعمري الله يرزقك بكل اللي بخيالك وفوقهم الجنة يااارب

معنى الحب ..

غريبة حال صديقاتي ..؟؟
غريب الي عنه يتحاكون ..
يقولون ..
تعالي ..اركضي تكفين ..عندنا لك اعظم سر ..
تعالي ..اركضي ..وشوفي ..وش مكتوب ..بهاالمكتوب ..
تعالي ..ادخلي ويانا ..عالم الحب ..
اي عالم ..ايش مكتوب ..بهاالمكتوب ..؟؟
هذي رسالة غرام ..آآه..حب وهيام ..انتي ماتعرفين معنى الهيام..؟؟
هذي من فلان ..فارس ولا كل الفوارس ..بسهام حبه ..خط لفلانة ..احلى الكلام ..
احلى الكلام ..؟؟
وين ذا احلى الكلام ..؟؟...وين ذا الحب والغرام .
يابنت ياطفلة ..كيف ماتقرين مانقرا..كيف ماحسيتي بالمعنى ..اه
انا مش طفلة ..انا انسان ..
انا نبتة طرية ..مرتوي عودي بكلام من احلى الكلام ..
انا نبتة طرية ..مسقي ترابي حب وحنان ..
وين هذا الحب اللي تشوفونه ..
وين هذاالغرام ..
احبك ..كلمة قديمة متواردة عندي ..
احبك ..كلمة معانيها متجددة عندي ..
احبك يافلانة (( هذا هو همس ابوي ..لاجمل حضن عندي حضن امي ))
احبك يافلان (( هذي نظرة امي ..لاغالى البشر عندي ..ابوي ))
احبك يابنيتي (( هذا هو سقاي ..مروية منه لازم من اغلى اثنين عندي ))

كيف بعد هذا برايكم ..استعظم ..حب وغرام ..وهيام ..فلانكم هذا ..وهو مايسوى شي بنظري .
شفتوا كيف غريبة هي حال صديقاتي ..





هذي خاطرة كتبتها ..تمنى تعجبكم ..