احس بطفش رهيب العيد هالسنه ممل نوعا ما....صلينا العيد واجتمعنا مع الاهل وثاني يوم اجتمعنا باستراحه ...بس زوجي تاركني عند اهلي وماسألأ عني له يومين وادق عليه ومايرد واليوم دقيت عليه واخيرا رد يقول طالع يتمشى ومبسوط؟؟ انقهرت ليش مايرد على اتصالاتي وليش تاركني كذااااااا حتى ماجبت ملابس ابدل ..تهاوشت معه وتنكدت ...وكان واعدني ياخذني نسلم على اهله بالعيد وراح لحاله وماخذني !!!اقوله ليه ومايرد علي !!انا في مره حسيت انهم مايبوني ويوصونه مايجيبني :(..يالله موطايقته ......حسبي الله عليه

اليوم كنت عند اهلي و كانت اختي الصغيره الله يخليها حق زوجها و ولدها
كانت قاعده تسبح البيبي مع الهنديه وانا دشيت شفته واهوا مفصخ
بنات و الله شكل البيبي الصغير يهبل واهوا مفصخ و خايف من الماي ما يحب يتسبح ما شاء الله الحين وصل عمره 45 يوم :) الفال لنا ان شاء الله

ويو بنات الجيران خوات ثنتين ما شاء الله ثنتينهم عندهم عيال
وحده فيهم اكبر مني بسنه .. تقول لي ما عليج باجر تحملين انا تميت 3 سنوات بعدين الله رزقني بالبنوته هذه ( اهي عندها بنت صغيره )
وقعدت تنصحني اني ما اكل و لا اتعب من الادويه و الابر و المراجعات و انصحتني اني ما اهمل بالعلاج

واختها قعدت تنصحني و تدعي لي بالذريه .
وامي قعدت تبجي
و اختي الكبيره قعدت تدعي لي

و غصبوا علي اني اشيل البيبي وادعي ربي

شوفوا شكلي شلون صار يعني انقلب العيد حزن وبجي و دعاء :)

و بعدين جاؤا ناس من اهلي و نفس السؤال !!
ها ليش ما حملتي ؟ سمعنا انك حملتي و سقطتي اكيد في ضعف عندج !!

انا سكت قلت لهم انا طحت من الدرج و ما كنت ادري اني حامل ( الظاهر اللي وصل لهم الخبر ما وصل الخبر عدل وصله ناقص !! )

وقعدوا البنات كل وحده تنصحني و تقول لي على طبيب سمعت عنه انه زين . و اللي تقول لي جربي العلاج الشعبي !
واللي تقول الدكتوره سعاد الفضلي الكل يمدحها روحي لها بس اهي شوي غاليه
و اللي تقول لي في وحده بمنطقه الجهرا تعالج بس قرقشي فلوسج !! يعني 800 دينار وفوق !!
كل النصايح هذه و البنات اللي عطوني النصايح غير متزوجات و انا سكت :) ما عرفت شنو ارد عليهم

قلت بقلبي يا الله يبون الخير ويبون ينصحوني و اكيد ما تكلموا الا واهم عندهم معلومات سابقه من رفيجاتهم المتزوجات :) و قعدت بقلبي احاول اهدي نفسي عشان لا تنط دموعي و الناس قاعده فشله ما تسوى علي ... شنو يقولون ! سكت و بلعت غصتي وسكت

و اهم طالعين نفس الدعاء مسكوا ولد اختي و الكل يقول ان شاء الله العيد الجاي يكون عندج بيبي يا رب
و اختي الكبيره الله يخليها لي يا رب ويرزقها الزوج الصالح قالت قدامكم انا ناذره لو اختي ( انا ) على عيد الاضحى كانت حامل و الله لاذبح ذبيحتين و اوزعها لله سبحانه وتعالى شكر على النعمه هذه

انا اهني ما قدرت اقعد في الصاله معاهم رحت انخشيت في الحمام و قعدت ابجي
بنات احس باحراج كبير
و الله مو بيدي ادري يحبوني بس الاحراج مو بيدي مو قادره امنع نفسي من اني ابجي لما احد يدعي لي او يسألني عن الحمل !!

مع ان و الله يا بنات في بنات متزوجين من زمان وما حملوا ابد بس انا احس نفسي ناقصه و الله احس نفسي ناقصه وما ارتاح الا لما اقعد اسولف لكم و افتح قلبي لكم

حتى امي ما اقدر اكلمها ولا اقدر اقول لها اللي بخاطري لانها تقعد تبجي عاد انتم عارفين الام شلون تحب حق بنتها الخير

عندج وعندي خير نفس القصه
بس الفرق اني قلت له اول يوم العيد نروح انا و انت عند اهلي
ما يصير انا اروح بسيارتي و انت تلحقني بسياره ثانيه !! بعد جم ساعه
قال ما يخالف . خليني انام
وطقها نومه من 2 الظهر للساعه 7 المسا على اساس انه كان سهران بالليل ومو نايم
و امي كل شوي تدق ! وينكم ؟ وينكم ؟
اهلي يبون يطلعون آخرتها على 6ونصف امي دقت قالت لي لا تجون حنا طالعين .

قعدت زوجي الساعه 7 من النوم قال لي يا الله قومي عشان نروح حق اهلج ؟
انا صرت ابجي قلت له ما ابي اروح

و الله يا بنات اول يوم العيد و ثاني يوم العيد ما دش بطني الا ( الحب الصغير المالح ) و علي الدوره ولازم اكل
وكل ما اقرب الاكل من فمي اتذكر موقفه معاي انقهر قهر .. احس بطني تعورني و ان زاهده بالاكل !!

اليوم نفس القصه راح عند اهله على شان خواته جايين من السعوديه ويبي يقعد مع رجاجيلهم .
مع العلم ان اول يوم العيد اهوا مصلي العيد و قاعد عند اهله و خواته ورجالهم من الصبح للساعه 2 الظهر جاني ميت بس يبي ينام :(

اليوم الثاني من العيد . حضرته نايم في بيت اهله وانا قاعده بروحي !! الظهر انا رحت حق اهلي
امي سألتني وين زوجك ؟
قلت لها عند اهله عشان ابوه مريض وقاعد معاه و يبي يسافر اليوم عشان يودي اخته السعوديه يردها حق زوجها .
والحين انا قاعده بروحي قبل شوي على الساعه 1 الفجر دق زوجي يقول يبي يطلع على السعوديه الحين مع اخته و عيال اخوه عشان يوديهم السعوديه حايل .

وانا قلت له ما راح تجي تسلم علي ؟

قال لي محتاج فلوس محتاجه شي ؟

من غبائي قلت له لا ما ابي الا سلامتك

الاخ ما صدق قال ليش اجي خليني اختصر الوقت و اسافر بسرعه

انا زعلت وقلت له : انا امس و اليوم ما اكلت شي و انا مشتريه ربيان من شرمبي لاني ادري انه يمووت على الربيان وعلى شرمبي بالتحديد و الله الاكل قدامي ما ابي آكل الا لما اهوا يجي .

سكت قال لي ليش ما تاكلين . قلت له ما ابي ابيك تجي

جاء بسرعه بسرعه ما قعد اكثر من ربع ساعه سلم علي و قال لي ارد يوم الجمعه او السبت :(
ووصاني من باجر اروح حق اهلي و اقعد عندهم مني ليما يرجع .

هذا العيد معاي شفتوا شلون العيد مرات يكون قاسي

امس و اليوم بس قاعده ادعي على اهله و الله خلوها حسره بقلبي وكله ما اقول غير عسى الله لا يوفقهم لا اخوانه ولا خواته شقول خليها بالقلب احسن

ياعمري يابمبه وحبوبه والله ضيقتوا صدري

الله يسخر لكم رجاااااااااااالكم يارب وتكونون المتربعات على قلوبهم دنيا وآخره

وترى لازم هالحركات منهم اسالوني كم لي متزوجه سنين خبره

بس وسعوا صدوركم والله هم ما يدروون عنكم من يحط راسه على المخده وهو غرقان في النوم وانت تحترقيييييييين

تراني زيكم هههههههههههههه بس على بالي انصحكم


احنا يوم العييييييييد عند اهله كالعاده ثم رحت لاهلي وراح لاصدقائه ورجع المغرب واخذنا

بس طبعا طلع





طبعا طلع وماسويت لا حركات رومنسيه ولاا خراط فاضي

عاد الييييييييوم هو بس ياكل ويطلع



حتى

لما البنات طلبوا منه يطلعون ويشوفون فعليات العييييييييد قال :: حرام الاختلاط !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

اصلا من متى وهو يهتم !!!!!!!!!! استغفر الله بس ما يبغى يودينا وخلاص

عاد افكر اطلع بكره مع السواق والبنات وبكيفه والله يستر لا يوقف ويرفض رووحتنا لحالنا لانه الاوقات الزحمه هذي يكره ركبتنا مع السواق

علياااااااااااااااا ء :::::::: ههههههههههههههه الظاهر كل البنات كذا الدوره هالسنه متسلطه وبقوه على بنات حواء ههههههههه

بنت ناس :::::::::::::::: واقطعي الشك باليقين وسوي تحليل ما احب الجلسه كذا بدون لا ايه ولا لأ يعني علشان ما ابني آمال على الرمل او انتبه لنفسي اذا كنت حامل واقول ياليت اللي جرى ما كان وان شاء الله تبشرينا بالحمل انت والمااااااااسه