يلا نفيد ونستفيد من بعض علمونا ♥️🙄

يلا نخلي غيرنا يستفيد 😊
خلونا نسولف مع بعض اشياء سويتيها بداية الزواج وندمتي عليهاا او شي كنتي تسويه مع زوجك وبعدين ندمتي
راح ابدأ انا
اول شي كنت بكل شي استأذن منه واعطيه تفاصيل التفاصيل ماسوي شي الا يكون قبلها عارف حتى لو شي يخصني ! يعني مثلاً هو مسافر وانا معطته خبر من قبل اعطيني فلوس بشتري هديه لصاحبتي وبروح ملكتها تلقيني بيومها اكتب له بروح الملكه وبروح اغلف الهديه وامر السوق الفلاني من باب الاستأذان وذا اكبر غلط حسيته صار يتحكم بكل كبيره وصغيره وبعدها استوعبت وصرت ماستأذن يعني اكتفي اني ارسله بروح الملكه وصار يشوف بتصويري اني رحت غلفت واني مريت سوق مايحتاج اكتب له لاني معلمته من قبل وشوي شوي تعود وللأسف اذا كنت عند اهلي وبروح مشوار مع اخواني كنت لما ارسله انتظر رده ايه او لا يعني اتصل عليه يعطيني مشغول انتظر لما يرد اللحين صرت يعطيني مشغول اطلع بدون لا انتظر لانه لو رافض راح يكتب لا كنت ماطلب طلبيه الا لما اوريه ولما نطلع نقضي احس مالي رأي مثلاً شي ماعجبه ارجعه اللحين صرت احط بالسله واذا بيرجعه اقول انا ابغاه لنفسي كنت بكل شي هو اللي له رأي مثلاً مطعم هو يختار اذا بغى شي انا مثله اذا عجبه شي اقوله صح مستحيل اقوله لا بعدين صار يقولي نفسي تقولي لا ! اللحين تغيرت انا اللي اختار المطعم اذا مكان ماعجبني اقوله لا مابغاه اذا هو اختار شي اقوله براحتك خذه بس انا لا ابغى ثاني بصراحه ذا شي بسيط من المواقف ذا الشي اقدر اقول غير اشياء كثير كثير خفف تحكم زوجي من نواحي كثيره صار متعود اول كان لو شي بسيط ماقلت له يتكلم وليه ماعلمتيني لما صرت احطه قدام الامر صار يسكت ومايستغرب طبعاً اسوي الشي بثقه بدون لا ارجع له واذا تكلم اطنش لاني ماسويت شي غلط لما تعود وقاعد يتحرر شوي شوي وكل مره اعوده على شي ثاني صار بكل شي ياخذ رأيي كلمتي مسموعه عنده لدرجة حتى لو مزكم يسألني وش رايك اخذ الحبوب اللحين ولا لا ( ماشاء الله ) اختلفت شخصيته ١٨٠ درجه معاي اول كنت اسولف مايسمع لي اسأله مايعطيني جواب كان اذا سألني وجاوبته يحسسني جوابي غبي ! لاني كنت اجامله واهم شي مشاعره حتى لو على غلط كان يحس جوابي مو مقنع اللحين لو سوا شي وحسيته غلط اقوله تراك غلطت مفروض تسوي كذا وصار يسمع لي اللحين مايسوي شك ابره الا يسولف لي نصيحتي احنا اغلب البنات اذا حبينا ننعمي ونصير خاتم نصيحه اذا تبغين زوجك يمشي صح لا تكوني وراه وإمعا معاه كوني لك شخصيه مستقله عنه واللي بعقلك قوليه لا تجاملي بس بأسلوب حلو ينقط عسل تحمست بالسوالف 😭😂 يلا قولو لنا وش الشي اللي ندمتي عليه خلو غيرنا يستفيد ♥️