مساء النور بقولكم على اللي انجزته اليوم
الصالة تنظيف وكنس ومسح للسيراميك
الحمام تقريبا سويت له تنظيف عميق نظفت ادراجها وهنا بقولكم على فكره ترتب المكان ومنها شكل
اشتري ادراج الحمام اللي تجيك بلاستيكية تلقينها بايكيا وبطيبة للي بالريااض
او تقدرين تشترين ارفف حسب اللي يعجبك
انا جبت الدروج احبها في منها الوان وانا اخترت حمامي سماوي لانه لون فاااتح عشان يعطي مساحة للحمام
فيها ٤دروج
وحده لي احط فيها شامبوهاتي والشاور جل والغسولات والصنفرات وبابل باث ♥️ وحاطه ببييي اويل ومرطباتي


الثانية لولدي احط فيها شامبو واحد وليفته وصابونه وكولونيا وبيبي اويل ومرطب كلهم من جونسون صح طلع عليه كلام لكن حاليا اشتريه ويمكن اغير لسيباميد


الثالثه لزوجي فيها ادوات حلاقة واغراضه


الرابعة لمنظفات الحمام( ديتول وفلاش وكلوركس والعملاق واحط بنفس الدرج شموع وفواحات لان ماعندي مساحة ثانية وما احب البانيو يكون مليان فوقه)


هذا بالنسبة للحمام
غرفة نومي رتبت السرير


المطبخ ماسىويت شيء الله يقدرني واقوم اخلصه


فتكو بعافية♥️

مسآء الخييير ع النشيطات السنعاتأنا نومي ملخبط ورآح أبتدي الشغل من الآن وبعد ما أنتهي راح أكتب لكم إنجازاتي ,لكن عندي طلب وأتمنى تسآعدونييوم الخميس راح يجوني أهل زوجي وبينامون عندي ، أبيهم يجون والشقه تلق لق من النظافه والترتيبف أبي جدول بجانب الجدول اليومي حتى أنظف الشقه كلهاا في 5 أيامللعلم شقتي تتكون من غرفتين مع حمامهم ومجلس بحمامه وصاله ومطبخ ومخزن صغيييير ،

هبه
اهتمي بالمجلس والحمام الاول ابدئي فيهم من اليوم من الي وقفليها كويس ليوم الخميس تهويها وتعطرطها
وان شاء الله بكره نظفي غرفة من الغرف مع الحمام تنظيف عميق
الاثنين رتبي غرفتك عالسريع بس شغل مميز بحيث اللي يدخل يلقيها نظيفه وجمعي كل الكركبة مؤقتا بمكان مخفي ولمعيها كويس وشوفي جزء مالمطبخ
الثلاثاء والاربعا للمطبخ والمخزن وشوفي اللي ناقصك
الخميس الصالة مع تلميع الشقة وتهويتها وتعطيرها
ادخلي كل غرفة واعملي قائمة بكل اللي محتاج تنضيف عشان تركزي عليه
وقائمة ثانية بالطبخات اللي بتعمليها والحلا وشوفي اغراضك واطباقك وكل احتياجاتك

ماشاءالله عليكم
انا اليوم قمت الصباح وجمعت الاطباق وخلصت المطبخ احب ابداء فيه هههه
وبس رتبت البيت وغسلت الارضيه والحمامات تنضيف عميق غسلت الجدران عندي حمامين
وبعدين بخرت وروقت على قهوتي وذاكرت لاولادي وخلصت جزء من الكوي
وطلعت صله رحم
صراحه اليوم كان عندي وقت عشان حسيت يومي منظم وانجزت ونشيطه
قبل كنت مستحيل ابدا الصباح الساعه 12
ان شاءالله نكون شعله من الحمااس

السلام عليكم انا دوبني رجعت من عند اهلي كنت نايمه عندهم بحكم اني ساكنه بعيد عنهم بس ومو كل أسبوع أبات عندهم يعني مرات ومرات أرجع بيتي سويت العشاء والآن ببدا في المطبخ المواعين والارضيه والحمامات الله يكرمكم غرفتي والصاله الحمدلله مرتبه بس بمر عليها مرووور اسعدني تواجدي معكم اذا انتهيت أرسلت لكم
اللهم صل وسلم على الحبيب محمد