يا بناااات يا جميلات يا نشيطات يا سنعات


أبي أضيف لجدولنا الإهتمام بالجانب الديني والجانب الجمالي


مثلاً أول ما تصحي من النوم بعد صلاة الفجر وقبل ما تبدأي في الشغل تقرأي 5 صفحات من القرآن أو أكثر على حسب اللي تقدري عليه ( هدفنا نختم القرآن هالشهر )
بعد كل فريضه تقرأي لك كم صفحه وبكذا يكون كل يوم قرأتي جزء
لما تبدأي تنظيف شغلي سورة البقرة أو حتى قبل تنامي شغليها مثلاً بالصاله و روحي نامي


اما بالنسبه للجانب الجمالي ( مثل تزييت الشعر وقت الشغل ، بعد ما تخلصي شغلك شبي ع قهوتك وروحي البسي وتكشخي وتعطري وبعدها تقهوي وأنتِ مستانسه )


اللي عندها افكار وخلطات وكذا تشاركنا

انا لشعر دابر املا
ووللوجهه زبادي وشوفان وحليب
لجسمي اي صنفره استخدمها عادي

رجعت لكم .. 👋
اليوم .. بديت التنظيف العصر
* اولاً .. غرفه النوم :
1- فتحت الشباك علشان التهويه .. نفضت مفرش السرير ورتبته
2- شلت كل شي طايح بالارض .. ملابس او مناديل .. حتى تحت السرير شيكت ..
3- كنست الارضيه بمكنسه الكهرب ..
4- جبت منشفه صغيره نظيفه + بخاخ فيه (مويه . شوي ديتول . شوي كومفرت ) ومسحت كل شي قدامي
التسريحه.. الكومدينات ..اطراف السرير .. الشباك .. الافياش.. الباب ..
5- مسحت الارضيه .. جبت سطل صغير .. فيه مويه وديتول وكومفرت شوي .. غطست فيه منشفه نظيفه للارض .. وبديت مسح
6- سكرت الشباك .. وولعت فواحه وسكرت الباب
وبكذا انتهيت الحمد لله من غرفه .. الوقت نص ساعه ..
* ثانياً .. الحمام + المغسله :
1- نظفته بمطهر والعملاق الاخضر وشطفته ونشفته
2- غسلت المغسله مع المرايا بالمطهر وشطفته ونشفته
3- السيب تبع الغرفه والحمام كنسته ثم مسحت السيراميك ..
وبكذا انتهيت من تنظيف الحمام اللي عند غرفه النوم .. الوقت .. نص ساعه ...


* ثالثاً .. الصاله مع الاسياب :
1- كل شي مثلا لقيته طايح من لعب وقراطيس شلته
2- شغلت المكنسه وكنست كل السيراميك والاسياب وتحت الكنب ..
3- سطل مويه + ديتول وكومفرت ومسحت الارضيه
4- بخاخ الديتول + منشفه صغيره .. كل شي قدامي مسحته ..
( الطاوله +افياش + شباك + ابواب ومسكات الابواب )
وبكذا انتهيت من الصاله الحمد لله الوقت .. تقريبا 20 دقيقه ..
( غرفه العيال نظيفه فمااحتجت انظفها اليوم ..)
المغرب .. سويت قهوه وتقهويت مع زوجي ..
العشاء .. ركبت العشا الساعه 9 تعشينا ..
* رابعاً .. المطبخ :
1- غسلت صحون العشا
2- ببخاخ فيه مويه وديتول .. مسحت رف الدولاب .. وكل ادراج الدولاب من برا .. + الثلاجه ..
3- نظفت الفرن ومسحته ..
4 - شطفت الارضيه ..
وبكذا انتهيت الحمد لله من المطبخ ماشاءالله .. الوقت تقريبا ساعه الا ربع ..
الساعه 11 نومت عيالي ..هم لسى صغار مايدرسون .. لكن معودتهم ماشاءالله على النوم بدري علشان اخذ راحتي وافضى لنفسي .. ماشاءالله وانا انام بعدهم بساعه او ساعتين . على حسب .. واحيانا اسهر للفجر
..

تصحيح ..الوقت لتنظيف الحمام ربع ساعه / مو نص ساعه 😊

ما شاء الله عليكِ خيتو عساكِ ع القوة حبيبتي ما شاء الله إنجااز أنا بعد العشاء شلت الصحون وكنست الصاله ورتبتها لأن تكركبت من ولدي الله يهديه متعبني اليوم ودخلت المطبخ ولعت فحمه وغسلت الأواني ورتبت فوق الكاونتر حوسة الطبخ وبخرت الشقه