عندي لك حل ... اذا تبين تلبسين ماركات في طريقة .....












انك تشترين اقمشة زي اللي عند الماركة اللي عاجبتك وتخيطين مثلها وبالعكس تقدرين انك بعد تتحكمين بالموديل

يعني اثنين في واحد ... وكذا ماراح احد يعرف لبسك ماركة ولا تقليد وهذا طبعا اذا لقيتي خياطة او خياط كويسين !!!

وبالنسبة للشنط والله الحين التقليد معبي السوق ومايبان هو تقليد ولا حقيقي ...



وسلامتك .. ان شاء الله اكون افدتك ...

افا !
هذا جزء الي يحاول يساعدك اجل ويتحمس لك :29:
وش المقطع الي قلته انسخيه لو سمحتي الي حسيتي اني فيه اتريق لا سمح الله !!

والله يسامحك ياستي انتي وزوجك ! وانما الاعمال بالنيات :26:

..

.

السلام عليكم ورحمة الله...

إختي الخزينه.. صدقيني حتى شلتك هذوله يلبسون ماركات مقلده.. أحياناً
وهذا الحلو في دول الخليج مافي حقوق ملكيه.. والتقليدcopy موجود ب 10 ريالات مثل ما تفضلت الإخت الكريمه.. هههه

والله خساره تشترين أصليه بسعر غالٍ وفي مليون نسخه منها بعشرة ريالات!!

القناعه كنز لا يفنى.. بقولك موقف صار لي .. وصدقيني أنا وصديقاتي أيام الجامعه كنا نلبس ماركات احيانا وكانت أعز صديقه لي وحده على قد الحال بس الشهاده لله إنها أحلى وحده فينا بلبسها البسيط.. تعرفين عاد البنات وسوالفهم.. فمره وحده من راعية الماركات قالت ليش هاي البنت ما تلبس ماركات! مع إنها حلوه! .. صديقتي البسيطه.. تضايقت واايد اشتكت لي وقالت هي ليش تقول عني كذه جدام البنات؟؟
طبعًا أنا من مبدأ الصداقه رحت ورديت عليها وقلت لها في احد مجالسنا.. وقلت لها أنا شفتك بمكان (مصانع عجمان) وطبعًا ها المكان كله ماركات تقليد بأسعار جدًا مناسبه.. واغلبية البنات يشترون من هناك..

فردت : إي أنا كله أشتري من هناك!!!! هنا أثلج صدر ربيعتي .. وصدقيني أنا نفسي ما ألبس ماركات إلا للمناسبات .. أعراس ولا حفلات كبيره .. ولا الأيام العاديه.. اهتم بجمالي الطبيعي فقط وعمري ما سمعت ذم من أحد .. ولله الحمد

وكثير أسمع البنات يقولون هذي لابسه وغيره ولكن ما أعير الامر اهتمام وبالعكس عندي صديقات من راعيات الماركات! وعمرهن ما علقن على لبسي! لأنهم مصادقيني للإعجابهم بلأخلاقي أولاً وأخيراً :)

وهنيئًا لك برضى زوجك.. وهذا الأهم طبعًا .. والبنات مارح ينفعونج بشي كلامهم لا يقدم ولا يأخر .. فنصيحتي خلي شخصيتج قويه (كوول) .. مو تتهز لأي تعليق تافه من حد .. وعسا ربي يوفقج لما يحب ويرضى.. ^__^
وفالأخير أقولج يا إختي (إن أتتك مذمتي من ناقصٍ فهذه شهادة لي بأني كاملٌ) والكمال لله وحده..

والسلام خير الختام...
السلام عليكم ورحمة الله وبركاته،

حبيبتي انتي ما عليج من احد الناس ما بينفعونج و لا بيفيدونج اهم شي انتي و زوجج
و بعدين اذا تبين كشخة سوي مثل ما قالوا البنات البسي الرخيص و المرتب ياما محلات فيها اشياء اسعارها رخيصة و حلوة انتي ركزي عليها و ان شاءالله البنات ما بيقصرون معاج و بيدلونج وين هالاماكن بالسعودية

انا من الناس اللي اهتم بالشي المرتب بغض النظر عن كونه ماركة ولا لا:27:
و حبيبتي لا تنسين انج تدعين لنفسج و زوجج بزيادة الرزق و الله يوسع عليكم

البس مو بالغالي والماركات -

ممكن تحاولي توفري شوي وبعدين تشترين الي تبين مو شرط نفس القميص ممكن في احلى منه