يلناس زوجة اخوي غاثتنا بشكل ماهو طبيييييييييعي

السلام عليكم ياأحلى بنات
بأدخلكم في السالفه على طول بدون لف ولا دوران قبل ماينفجر راسي من كثر الظغط تصدقون ياناس انها كرهتني في بيت اهلي اول شي بأعطيكم نبذه تفصيليه عنها عندها اربع عيال اشقياء بشكل ماهو طبيعي ساكنه جنب اهلي واربع عشرين ساعه عند اهلي لدرجه ان اخوي فتح باب من الحوش على بيتهم عشان الهانم ماتصير تجي مع الشارع وتاخذ راحتها علىالاخر تجلس عند اهلي لأخر الليل ماتحب شي اسمه بيتها كل يوم تشيل عيالها وقشهم وتجي عند اهلي ويليت تجيب معها ترمس قهوه مانبي حلا ماتطبخ في بيتها كل اكلهم عند اهلي تخيلوا حتى رمضان ماتفطر هي وزوجها اخبر الوحده تحب الاستقلاليه لكن هي لا كله عشان ماتشتغل ماا اقدر أخذ راحتي عند اهلي ابي اجلس انا امي وخواتي بدونها انا اتجنب آجي اهلي كثير عشان مااغثهم بعيالي امي عندها السكر وابوي عنده الظغط وعيال اخوي مايقصرون صراخ وازعاج على كيفكم هذا يخرب هنا وهذا يرفع في صوت التلفزيون من هنا وخرابت بيوت درجه اولى حاولت تكره اخوي في ابوي تقول مايحبك يفضل اخوانك عليك بتقولون كيف عرفتي باقولكم كيف مره تهاوش معها وراحت بيت اهلها عاد هو قريب مني جاء عندي اليت متضايق على الاخر منها ويقول انها منافقه وانها حاولت تكرهه في ابوي حسبي الله عليها ومره كرهت زوجة اخوي الثاني فيني تقول اني مااحبها واستثقلها والمره هذي عرفت لاني شفت زوجة اخوي متغيرها علي تحاول تتجنبني وانا مااذكر اني غلطت عليها ارسلتلها وحده تمون وقالت لي السالفه كذا وكذا ياربي هذي كيف اتعامل معه نطنشها انا واخواتي وماحرك فيها شي تحب المشاكل بشكل غريب لا تفكرون اني اكذب عليكم ولله ان هاذي شخصيتها مو عشاني مقهوره منها وبصراحه مالقيت الأ المنتدى افضفض فيه لانه لا غيبه لمجهول تكفون ساعدوني بحل لاني مليييييت
آسفه على الأطاله