والله فكرة اجنان واحب اشارك فيها اذا ما عندكم مانع
امبارح افطرت سلطة ذرة + شيبس+سبموسة جبنة + شوربة فريكة بالفطر + صينية كبة بالفرن وطبعا عصير بارد وكان فيمتو لأني بحبة كثير

والحلو كان كنافة بالجبنة

واليوم يمكن اعمل جاج محشي بالفرن (الحشوة بتكون رز بالقوانص لذييييييذ جدا)
وشوربة كريمة بالفطر وكبة مقلية وسلطة طبعا لازم عروسة الصفرة ما بستغني عنها

الحلو يمكن يكون بسكوت بالقشطة لأنه خفيف وما بيغلب

ويلا الكل لازم يشارك حتى الي بتحتار شو تعمل تاخذ من الأفكار المكتوبة وتعملها
ورمضان كريم للجميع يارب

روزانا

هلا فيكم جميعا.. هذي طبعا فكرة حلوة عشان تذكرنا ببعض الاكلات اللي ناسينها..

بالنسبة لي أتنقل مع زوجي وقت الفطور مرة بيت الوالد ومرة بيت العم (الله يخليهم)

لأنه هذا الشهر حل علينا مثل الغريب وكم يوم وبيروح واللمة حلوة طبعا.. ومرات

نفطر بروحنا في بيتنا.. والبارحة فاطرة فريد بالدجاج وعيش (ارز) مع السمك وشوربة

خضار.. وطبعا العصير.. اممممممممم نسيت اللي احبه وهو اللقيمات بالدبس..

هلاااااا و ترليووون غلاااااا خواتي الغاليات ...........

عجبتني الفكرة و حبيت أشارك معاكم......
الفطور اليوم كان كالتالي :

شوربة كويكر باللحم
معكرونه بالخضار
برياني دجاج
تشريب لحم
لقيمات
فطاير خضرة
بيتزا
سلطه بالصلصة الفرنسية
وطبعا الرطب أما المشروبات فاقتصرت على القهوة.

واحنا بالكويت عندنا عادة حلوة في رمضان وهي انه مابين الساعه 9 والساعه 12

لدينا وجبة ثالثة نسميها ( الغبقة )
ونقوم فيها بصنع أنواع من الحلويات منها حلو القهوة والحلو البارد والفطاير و الجريش أو الهريس و أنوع من المشروبات و ما يتبقى من اللأفطار
يجتمع عليها أفراد العائلة وأحيانا الجيران.

وتقبلوا فائق الإحترام و التقدير ،،،،

أخباركم بنات والله اشتقت لكم لكن وش أسوي كنت مشغولة هاليومين شوي ..
بصراحة فكرة روعة يا shuaa وتسلمين .
وهذا فطوري اليوم :
شوربة القمح + معكرونة بالدجاج + سمبوسة باللحم + فطائر بيض + حلى التوفي + كريم كراميل + عصير برتقال + كفتة التونا + واكيد راح تكون مع القهوة والتمر .
والله يعيني أنا وإياكم على الجلسة في المطبخ بالعصرية .

فكررررررة رائعة...يا shuaa..كروعتك:):)......

و الله كنت أفكر أطرح هدي ا لفكرة...بس انشغلت:)...:29:

بالنسبة لي أنا فقد فطرناالبارح....عيشة باللحمة + شوربة حب+ لقيمات+ قطايف بالمكسرات و القشطة+وفي شيء تاني بس نسيته:21: ....مين يذكرني..+و العصيرات و القهوة و التمر كما هو معتاد...
و تسحرنا ماكرونة اسباغيتي........

أما اليوم ...
الحيسة + سمبوسك بجبنة الكيري +الكنافة +البف امممممممممم +كمية بسيطة من فطائر الجبن + شوربة حب +رز برياني + طبعا عصير الفيمتو و عصير قمر الدين و القهوة لابد منها و ما أطعم تمر((روتانة)) :26: المدينة....اممممممممممم..

بكرة ...ناوين نسوي سمبوسك البر...روووووووعة ...لكنها متعبة كل حبة تسوي عليها زي الضفيرة من الجنب...و عليها طعم إنما إيــــه...وما أدري إيش كمان.......

أصعب شيء ...هو السحور.....الواحد يحتار إيش يطبخ ......و خاصة مع البرررد و النوووووم ......الله يعين.....أنا لو علي آكل جبنة و زعتر و لبن ....لكن المشكلة لمن يكون معاك ضيوف يجوك على غفلة كمان:34: .....فجأة كدا يجي أخوية و يقول معاية واحد و لا اتنين:)....طيب ما تقلنا من بدري عشان نحسب حسابهم...ربنا يعين:)....

تحياتي لكم
أختكم / روتانة المدينة
:27: