يله يابنات الرياض نبي ترشيحكم ؟؟؟؟؟؟؟؟؟؟؟؟؟؟؟؟؟؟؟

السلام عليكم ابدا انا معكم
1-مطعم جزيرة الاحلام (الجلسه حلوه - والاسعار مرتفعه-والاكل الصيني طبعا حلو).
2- مطعم شيراز الايراني (الاكل يجنن-الجلسه رايقه).
3- والكوفي شوب ستار بوكس وبس.

في مطعم انستازيا في برج المملكة الدور 77 والله رهييييييييييييييييب ورومانسي :27:
وزي ما قالت الاخت الحياة ممله مطعم شيراز اموت فيه
واذا ماعجبك في حوش بيتكم :hahaha: :booo: خخخخخخخخخخخخخخخخخخخخخخخخخخخخخخخخخخخخخخخخخ
على فكرة انا تركت الرياض من كم شهر :( وحاليا في كندا الطفش برضو :icon33: .

مع الاعتذار لصاحبه الموضوع أنا بالمررره مستغربه منكم يابنات وشلون تقولون أن مطعم شيراز أفضل مطعم بل هو أسواء مطعم دخلته قبل 3أشهر وعساها روحه ماتنعاد الاسعار جدا غاليه على قل سنع ولايوجد به ذره من النكهه الايرانيه طلبت أرز برياني على الطريقه اليرانيه وللاسف جا رز عادي مع نصف دجاجه بارده وعلى كلام زوجي لو اكلناها من بخاري كان أصرف لا وسلطتهم خيار وصماطم ويقول سلطه إيرانيه والبوضه الايرانيه عباره عن أيس كريم الربيع وكنافه نيه والحساب ثلاث ميه ريال وياليت على طعم ولاتزعلون مني يابنات أنا أستغرب لما تمدحون هالمطعم لاني مارحت له إلا بناء على كلام بنات المنتدى الله يهديهم فحبيت أوضح للي ماراحو وسلامتكم .

اهلين حبيبتي يمكن رحتي فرع ثاني انا اتكلم عن فرع التحليه اكله مررررره حلو اطلبي الكباب الايراني يجي مع رز شكلين وعصيراتهم مره حلوه وشوفي شلون الكباب اللحم مره لين زي الزبده والسلطات جنان (ولولا اختلاف الادواق لبارت السلع)

فيه عندك المنتزهات وش كثرها...
واذا اشتقتي للبحر عندك منتزه السلام فيه بحيره كبيره

وعندك الله يسلمك الاسواق ماليه الرياض كله

وش بعد؟


وش بعد؟؟
وعندكم حديقة الحيوان بالملز اكبر حديقه

وش بعد؟؟

اذا ذكرت بكتب لك,