الســـــــــــــــلام عليكم ورحمة الله وبركاته ..،
كيفكم بنات وستات ؟ ان شاء الله بخير وصحه ..,
كيف الحر معكم ؟ الله يعين بس ..، هذا ولسه ما دخلنا اوقست ..،
الله يبعدنا وأهلنا عن عذاب جهنم قولوا آمين ..،
اوكي بنات ..، هو اللي بتكلم عنه أكثر من شي مو بس هالكريم ..
وتقريباً تقدرون تقولون كلامي مخصص للي بشراتهم دهنيه او مايله للدهني .. بس ما يمنع للي بشرتهم عاديه ..
في البدايه بتكلم عن السواد ..، بنات يا ليت تبعدون عن الليفه والحجر ..
هذا أكثر شي يسمر ..، ودكتورة جلديه ممتازه قالت لي هالكلام ..
اذا تعرفون الليفه اللي تكون مثل قماش المنشفه .. اللي تلبسونها يإيدينكم ..
هذا المفروض تستخدمينه .. والليفه العاديه مو اللي مره خشنه .. تكون مره بالشهر ..
غير كذا بالنسبه لـ بشرة الوجه ..،
بنات اتمنى انكم تستخدمون يومياً cleansing pads
ممكن من اي ماركه بس ما تتعدى 10% وما تتعدى مره وحده باليوم ..،
انا استخدم اللي نصحت فيه احد الاخوات هنا اسمه glycolix
وسعره 85 ريال .. والحمدلله مرتاحه عليه ..
فيه بعد انا اللحين استخدم مقشر مدته 7 أيام .. معه علبه صغيره مكتوب عليها pads من DDF
هي سائل وتحطينها على قطن خاص مقطع دوائر ونحيف وفيه فتحات .. يطلع وصخ بالهبللللللل
بس بسأل لكم اذا هو من ضمن برنامج التقشير او ممكن نستخدمه لحاله ..،
يعني المهم تستخدمون اي cleansing pads ترتاحون عليها لان لازم التنظيف يومياً ..
ثانياً بالنسبه للي تعاني من المسامات او حب شباب "خفيف" او آثار حب شباب ..
او اللي تبي تحمي بشرتها من التجاعيد وخاصه للي وصلت 35
فيه كريم حلو وممتاز .. وبنسبه خفيفه مره .. اسمه Acretin 0.025%
هذا كريم فعلاً ممتاز وطبي ..
في البدايه تستخدمينه يوم ايه ويوم لا .. لحد ما تتأكدين ان ما عندك حساسيه منه ..
ويا ليت تقرأون الروشته اللي معه عشان اذا كان عندك نوع من الحساسيه من أحد مركباته ..
وبالنسبه للحوامل .. اذا فوق الـ 6 شهور مو مشكله .. انا خالتي حامل بالشهر السادس .. الله يقومها بالسلامه يا رب
وقالت لها الدكتوره استخدميه يوم ايه ويوم لا .. وبعدها اذا ما فيه حساسيه استخدميه على طول .. طول الحياه .. لانه يحمي من التجاعيد بإذن الله ..، بس ما ينحط عند منطقة الهالات وطبعاً هو كريم ليلي يعني ما تحطينه وتطلعين للشمس
وهو بعد يقشر على خفيييييييييييف يعني شي مستحيل تحسينه او تلاحظينه ..
وغير كذا النتيجه ما تطلع بـ اسبوع او اسبوعين .. لان النسبه خفيفه .. هو فائدته أكثر على المدى البعيد ..،
وسعره ما اذكر بالضبط بس ما يتعدى الـ 40 ريال ..،
وغير كذا ما أوصيكم على كريم واقي الشمس .. ترا الشمس هي السبب الأول والأهم في التجاعيد .. وحتى للبنات الصغار .. انا للحين ما صرت 19 واستخدم بشكل دائم .. لان من اللحين لاااااااازم تبدأ العنايه .. ويصير تقبل واستجابة البشره لأي تعديل أحسن
بالنسبه للحوامل للمره الأولى
الله يقومكم بالسلامه يا حلوات قولوا آمين .. وان شاء الله ربي يصلح لكم عيالكم ويسخرهم لكم
طبعاً ما يحتاج نتكلم عن السمار اللي يصيب الحامل .. وطبعا هالشي نتيجة الهرومات اللي تتغير .. ويكون فيه قابليه للسمار أكثر من المرأه العاديه ..
فـ في فترة الحمل أرجوكم لا تستخدمون مبيضات في منقطة الإبط او المنطقه الحساسه أبد "ممنوع"
في المناطق الثانيه ممكن .. بس انا نصيحتي لكم .. أولدي بالسلامه ان شاء الله واقعدي 4 شهور
بعدين لاااااااااااااازم تروحين لدكتورة جلديه .. لا تسكتين عن نفسك ابد من أول حمله
عشان اكبر غلط هي اللي تسكت عن نفسها لكن مو معناته انه مستحيل الحل بالنسبه للي ما اهتموا
المهم الفكره اللي ابغى أوصلها لأي حامل تشتكتي من السمار ..،
ان هذا شي عادي .. ولازم تروحين لدكتوره عشان تصلحين اللي افسده الحمل ..
وحتى ما تستمر معك المشكله الى المدى البعيد ويصير حلها أصعب ..،
بالنسبه للي تعدوا الـ 25
بنات أنصحكم بماركة vichy
ماركه ممتاااااااازه .. كريم الصباح والمساء داوموا عليه ..
ولو سمحتوا ابعدوا عن لانكوم وديور ولارينكس وجيرلان وهالماركات لانها ما تفيد ..
حتى طبيبات الجلديه نفسهم يستخدمون هالماركه لأنها أفضل شي فعلاً ..
اي سؤال يا بنات انا حاضره .. لان من كثر ما اروح لـ دكاترة جلديه .. وترا اغلبها بس دلع او عنايه ما عندي مشكله اللحين الحمدلله .. فـ صارت عندي فكره لا بأس بها .. :)
عموماً يا حبيباتي اتمنى فعلاً اني قدرت أفيدكم .. واذا استفدتوا أتمنى انكم ما تنسوني من دعائكم ..،
اختكم ..
يله يا بنات .. كــريم تستخدمينه مدى الحياه ..,لـ حب شباب ، تجاعيد والمزيد بالداخل :)
20
13K
يلزم عليك تسجيل الدخول أولًا لكتابة تعليق.
بلوبيبي :
:26: :26: :26: مشكورة حبيبتي عللى المعلومات الحلوة:26: :26: :26: مشكورة حبيبتي عللى المعلومات الحلوة
مشكورة على هالنصايح الروعة بس منتجات فيشي وين نلا قيها
ياليت لو تعرفين في الدمام او الخبر اكون شاكرة لج لاني من زمان ادورها
ياليت لو تعرفين في الدمام او الخبر اكون شاكرة لج لاني من زمان ادورها
الصفحة الأخيرة
مشكورة حبيبتي عللى المعلومات الحلوة