يليت إلى عندها رأي تعطيني وكأنها هي صاحبه المشكله

السلام عليكم ورحمه الله وبركاته
قصتي طويله لكن بحاول اختصرها قد ماقدر ع انها مالها اختصار
من تزوجت وانا بعد يمكن سنه او اقل والله ماذكر بس ان مو بعد فتره طويله من زواجي كنت اشوف ورق ألقاه متخبا ببعض الأماكن بالبيت ولكن ماكنت اعرف وش هو المهم قلت يمكن شي يخفف ضرر التدخين لأن زوجي اصلا كان لاعب على يدخن من قبل لانتزوج ومحد يعرف حتى أهله حتى انا كنت قبله أرفض اي شخص مدخن المهم اني همشت الموضوع ولابينتله اني ادري انه يدخن المهم كانت تحيرني كثير هذه الأوراق وليه تتخبا المهم كنت ابرر بداخلي انه مسكين اكيد انه يبي يخفف ضرر التدخين المهم مرت ٨سنوات أو أكثر لين ماجا ذاك اليوم لاحظت ع زوجي يخبي شي بالغرفه يدخل يقفل ع نفسه وكذا المهم حسيت ان الامر فيه شي خطير لأن ابد مو عادته المهم رحت اشوف الا القى شنطه فيها سحاب مخفي وافتحه واحصل شي لونه اسود المهم استغربت طيب هذا لو انه شي عادي ليه يتهيأ وبعد مابحثت توصلت لأنه حشيش ولاتقولون اني ادور ورى زوجي لا مو من فراغ زوجي عصبي مايتناقش بأي مشكله مايهتم بنفسه ريحه العطر نادر اشمها الا ان جا يطلع المهم وقتها انصدمت حتى من قوه الصدمه دموعي مو راضيه تنزل تسكرت الدنيا بوجهي المهم تحسبون تكلمت قلتله شي لا سكتت ولابينت له شي ويمكن هذا غلطي المهم جت الصدمه إلى بعدها وهي أنه وانا ابحث عن أضرار الحشيش حصلت الأشياء الي تستح م باستعمال الحشيش ولقيت نفس الورق إلى كنت اشوفه مخصص للحشيش لاغير إذا تعرفونه عليه علامه تاج واسمه ورق الشام
المهم كتمت غصتي يجوفي ع اني صبرت ع جفاف زوجي العاطفي
عقب جت الصدمه إلى بعدها خلاص طبعا ماعد أثق يعني معقوله ١٠ سنين وهو خادعني ولو اني عرفت كان لحقت ع عمري المهم طبيعي ماعد أثق جا فجأه قال بسافر مع خويي للطايف عنده شغل بخاويه شكيت بالموضوع صرت اراقب جواله اكتشفت انه بيروح مع خويه للبحرين وخويه مرسله مقطع صوتي أن البنات موجودات وكلمتهم وزوجي ماعلق المهم حصلت زوجي بجواله فيه بحث عن مسكر وأماكن الشراب بالبحرين انا هنا كانت بالنسبه لي الامه الكبرى كيف يعني عيالي كذا ابوهم وقعدت اقول يليت ويليت و ع أن الندم ماعد ينفع قام فجأه قال يله مع السلامه انا مسافر مع خويي للطائف سكتت ع أن لو وحده مكاني مايجيها صبر كل الي سويته حاولت اخلي أهله يمنعونه وعلمتهم بالسالفه وكأن فاعل خير هو الي بلغهم ماقدر ا يمنعونه وسافر وكلها ٣ايام لكن كل يوم قلبي كان يتقطع اتخيل وضعه ووش كان يسوي المهم وضحتله اني وصلني عمايله ومابينت له اني اتابعه أو عرفت بنفسي
المهم بحاول اختصر بعدها بفتره تحسبون قابل سكوتي بالمعامله الطيبه لا مره كنت نايمه بغرفه عيالي لاني باختصار عندي خيبه امل فيه وإن اصلا بغرفه النوم بس ع الجوال صحاني قال تعالى رحت الغرفه ومره فيني النوم المهم انسدحت جنبه قلت ان ترى معي العذر قام قال بصوت عال اطلعي براااااااااا ونادى ولدي ينام معه
المهم طلعت وليلي للصباح اصيح ولاحس فيني
المهم
آخر سالفه صارت عقبها معاملته بدأت تتغير للأفضل بكثير لحد الان ماعرف السبب
المهم اني انبسطت وبنفس الوقت ماعد قدرت اغفرله وضحتله طبعا قبل أن ترا فرصة عندي قليله ويمكن لو غلطه وحده خلاص بطلب الطلاق المهم سبحان الله كنت استخير على حياتي معه كل لحظه والثانيه لاني انسانه متردده
يتبع لأحد يرد يتبع