يليت تساعدوني

حبيبتي اذا تقصدين رتن A فهذا يعمل تقشير للحبه فقط بس يترك اثر مثل البقعه الحمره بعد زوال الحبه

يعني اذا فيك بقع من الحبوب ماراح يخفيها بالعكس راح يكبرها لان راح يقشر مكانها وتصير مثل الحرق مكانها احمر

مثلي انا يقشر الحبه ويترك اثرها ماتروح الاثار الا بعد مده طويله

انتي حاولي انك تلاقي مزيل الى هالاثار من الصيدليه او الطبيب واذا استفدت خبرينا لاني محتاجه لاخفاء اثار الحبوب

وربي يوفقك:27:

حرام عليك بشرتك وحسيت انك محافظة على بشرتكولكن رتن aبصراحة لو استعملتيه لا تتعرضين للشمس ولا للنار لو حصل لا قدر الله يشرتك بتلتهب بس روحي لوحدة اسمها اماني ارائعة في التنظيف هي بجدة
وشكرا:32:

:26:

حبيبتي علياء اول شيء شلونج، شوفي انا خبرة ويا الرتن اي واذا تبين نصيحيتي رتن اي واااايد حلو للبشرة لان انا صادتني عين على بشرتي الحلوة كانت صافية وناعمة مثل الاطفال وظل الكل يحسدها وطلع فيني حبوب وراحت الحبوب بس الاثر بقي وحدة صديقتي تدرس في كلية العلوم الطبية للجامعية الامريكية وامها صيدلية خبرتني عن هالكريم وفعلا مااكذب عليج استخدمته والله روعة واذا تبين الطريقة راح اقولج،

اذا كنت راح تستخدمينه حق تقشير بشرتج معناته لازم تستخدميه اسبوعين مدة كافية للتقشير وفيه ناس تطول مدة اكثر من اسبوعين يعني ثلاثة اذا كانت بشرتج دهنية وايد ولازم تستخدمينه بالليل تحطين على ويهج كامل وهو نظيف وعلى طول تطفين النور لان النور يسبب له نتيجة عكسية, وبعد لازم بالصبح تغسلين ويهج ولما تطلعين لازم تحطين واقي شمس وتكون SPF فوق 25 % يعني 30 وطالع,

اذا لاحظتي وانتي تستخدمي الرتن اي وفيه حبوب تطلع معناته ان الكريم قاعد ينظف بشرتج من الداخل وانج تحتاجين اكثر وقت معاه يعني 3 اشهر مدة العلاج للحبوب والاثار،,,

راح تسحين في فترة التقشير بالحرارة والحرقان يعني ان الكريم قاعد يستوي مفعوله وهو التقشير والعلاج، اذا حسيتي بعد يومين او ثلاثة ايام بحرقان وجهك يؤلمك من القشور اتركيه يوم واحطي فازلين غير معطر لانه يعمل على التقشير وبعد يومين تابعي التقشير من جديد. وفي فترة التقشير لا تحطي لا مكياج ولا كريم معطر على ويهج عشان مايصير تهيج للبشرتج.

أنا جربته للحبوب والاثار بدون استشارة طبية بعد ماممليت منهم وفعلا صفى بشرتي ورجعها مثل الاول واحلى بعد لان كريم رتن اي يحتوي على فيتامين أ الي يعمل على تجديد البشرة وتغذيتها وانا الحين استخدمه بين كل شهرين لتقشير بشرتي مو لاني فيني اثار لاااااااء بس تجميل وهو حلوووووو وآسفة على الإطالة واذا عندج اي سؤال اسأليني .

سلامي :26:

ما شاء الله عليج يا هدوله البحرين والحين شو بشرتج انشاء الله حلوة :26:

شوفي يا عيوني الرتن استخدميه مخلوط مع الدوكين اللي هو كريم مبيض مع شوي من كريم الحساسية واسألي عنها اي طبيب او صيدلي هذي وصفة الاطباء لتصفية البشرة ..
ونصيحتي لك استخدمي بدله مجموعة اكسترادام لأنها تصفي بشكل رائع .