يلي اولادها ما الهن حدود وجننوها تدخل 😦

صباح الخير للامهات الصامدات المناضلات خلينا نواسي بعض ونساعد بعض شوي بعرفكم عن حالي مريانه من فلسطين 21 سنه عندي ولدين الله يحميهن لكبير 3 سنين ونص ولصغير سنتين بالزبط وحامل حاليا بالشهر الثاني ربي يثبتني ويثبت كل الحوامل..مشكلتي مع ولادي ما بسمعو كلمتي بالمره وما عندهن نظام ابدا راح افش خلقي واحكي لانو الوضع زاد عن حدو احنا بشهر رمضان والصوم متعب الي والطبخ وشغل البيت بس كلو كوم وولادي كوم بسحر وباذن الصبح وهني صاحيين وينطو ويلعبو ويكسرو لعبهن فوضى كتير وصوتهن عالي وما بردو وانا بحاجة نوم بطلت اتحمل صحيت جوزي حتى ينيمهن جاب نتيجه مع لكبير ونام لانو اصلا تعب وبطل فيو حيل من كثر ما غلبني ولصغير اسا اسا لحتى نام الساعه 5 الصبح مش حرام؟! حرام هني وحرام انا ..هني بصحو الضهر الساعه 2 احيانا 3 وانا ما بقدر اقوم وحامي نوم كلو وجوزي عم بشتغل بالبيت تجديد وهيك بغلبو كتير ..بطعميهن كل واحد سندويشه وبرتبهن وبخليهن ينزلو عند ستهن يلعبو برجع بنام شوي واحيانا ما بنام بروح اتفرج ع جوزي عشان ما يزهق ...كل مره كل مره بعشي ولادي بشبعو ع الاخر الحمدلله وبحممهن وبشغللهن المكيف بغرفتهن وبعملهن جو نوم بيجنن الساعه 10 بنامو وبصحو الساعه 12 كلهن طاقه ونشاط وبصير الي بصير وانا بضل ابكي واصرخ عليهن واحيانا بضربهن بس ع الفاضي ما بفهموووووو ساعدوني دخيلكون والله صابني شلل نصفي ووجع بقلبي اسفه طولت عليكون بس بدي مسااااعده لا حدا يطنش ارجووووكم