يابنات مو مصدقه اللي شفته واللي عرفته 00 بقولكم القصه من البدايه
امس وداني زوجي عند خالتي عندها عزومه :angry: وبعد ماتعشيت وخلصت دقيت عليه وقلت له تراني جاهزه تعاااااال 00
الا وحس الرجال مو على بعضه 0
مره يقول ابجيك بكره ومره يقول تعالي مع اخوك 00عاااد انا هنا عصبت :angry2:
وقلت له مو هذا اتفاقنا انت وش قصتك 0000 هنا هو حس على دمه قااال خلاص اجهزي وانا بطريق جااااي
عاااد انا هنا عشعش براسي مليون علامه استفهام وش فيه الرجاااال
00والمهم يجي :arb: وانا اركب معه بالسياره ونمشي شوي ويقول حبيبتي بنزلك بااقرب سوق انت وولدك وشوي راجعلكم عااااد انا هنا انهبلت :23:
قلت والله ماانزل من السياره رجلي على رجلك
قال شوفي انت ماتبين تنزلين بكيفك بس ياويلك اذا فتحتي فمك باي سؤال وخليك ساكته
:44: انا وافقت اهم شي ماينزلني طبعا 0000
ونكمل طريقنا وندخل في حاااره مظلمه حيل وفيها زي الاستراحات المهجوره
انا هنا دوروني ماتلقوني حاظنه ولدي واسمي واقرأ المعوذات والله يابنات مكان مرعب قليله في حقه لدرجه اني قلت ياليت ذابني على اقرب رصيف اهم شي مااشوف ذا المنظر وندخل وندخل وزجي ماشاء الله عليه عارف المكان حته حته مع انه ضيق ومظلم وشوي ونوقف عند بيت مهدوم وله بااااب حديدي ابيض وينزل والمكان مافيه الا نور السياره وقام قفل ابواب السياره زين وانا انهبلت من الخوف : فلان تكفى لاتخليني وين تروح يمه يمه لاتروح
هو رحمني قالي خلاص انا قفلت الابواب لاتخافين دقيقتين وجايك000 والله جو رعب الله يسامح زوجي بس 00المهم طق الباب طلعله واحد اسمر لابس فانيله وسروال مااشوف ملامحه 00دخل 00 ودخل زوجي وراه انا هنا تأكدت ان السالفه فيها مخدراااااااات ولا ليه هالمكان وهالتصرفات من زوجي بس قاعده افكر بالقصاص والسجن والله وسوست
ولدي من قوه ماني ضاغطه عليه قاعد يصيح وانا والله ماني عارفه اهديه ولا اهدي نفسي
00 زوجي تأخر مرت عشر دقايق ماجاء ناظرت بجوالي الا بطاريته فارغه كيف اتصرف مرت ربع ساعه وانا على نار شوي ويطلع لي وكأنه يعرج انا هنا ماصدقت اشوفه توقعت سواله شي ذاك الرجال
ويركب ونمشي وانا 00فلان وين رحت فلان ممين هذا ووش تبي منه حرررام عليك مخدرررات مره وحده نسيت ان فيه قصاص وسجن وانها خراب بيوت وين اروح انا وولدك00 ليش00 ليش تسوي فينا كذا 00وقاعده اصيح :icon33:
ماحسيت الا وعلبه المنديل صاكه بوجهي 00 قاللي يالخبله يالمهبوله يالمجنونه وشفيك مين اللي جاب طاري المخدرات
قاللي لحظه خليني اتعدا هذا الدوار واقولك السالفه قلت خلاص مايمديك ترقع ودني لهلي مخدرات مره وحده
المهم ويهديني شوي ويقولي السالفه تبووون تعرفون وشي السالفه ولا اخليها بالحلقه القادمه خخخخخخخخخخخخخخ مسويه تشويق
طلعت السالفه ان هذا المكان المظلم مزرعه والبيت اللي وقفنا عنده هذا بيت نحاااال اللي يربي النحل وكااان مصري
ووش يبي زوجي منه00؟
كان يبي منه انه يلسعه بكم نحله برجوله علشان تنتفخ وتتورم وبعدين يستأذن من دواااامه بعذر :42: ان رجوله تعوره
وخاااصته انه كان متفق ويا الشباب يروحوا مشوااار مهم والمديره مررره شديد ماينفع معه الا هيك حيل
بس تصدقووون يابنات انا طارت عيوني ماكنت ادري ان عندهم حيل 00 اخبر بس ان الحيل عندنا يالحريم 00 بس الظاهر ان خبري عتيق
وفعلا اليوم راح مع خوياه انطلت الحيله على مدير الغفله بس الله يعين زوجي على ورم رجوله هههههههههه (من بغى الدح ماقال اح )
هههههههههههههههه اخيرا بنات اسفه على الاطاله والعنوان حبيتكم تحسون معي باللي حسيته مو احنا اسره وحده هههههههههه 000 ان شاء الله ماتزعلون مني بااااي
دانه التركي @danh_altrky
عضوة فعالة
يلزم عليك تسجيل الدخول أولًا لكتابة تعليق.
ام عمار و عامر
•
ههههههههههههههههههههههههههههههه والله انك فله انت و زوجك
ههههههههههههههههههههههههه الله يرجك بس حرااااااام عليك تفاولين علئ زوجي كذاااا ~يسسسسسسسسسسسسسسسسسسلمو~خيتو دمتي بحفظ الله ورعايته ....
لذة حب
•
معليش وش يحس به زوجك
مالقى الا هالحل والي ماسويته لو وشووو
فيه مليون طريقه وطريقه ولا اعرض نفسي للخطر
ممكن النحل ينقض عليه وقرصه لمى الموت
.. ولا ترمو بأيديكم الى التهلكه ..
الله يهدي هالرجال وبس اذا بغو الشي سوو المستحيل
مالقى الا هالحل والي ماسويته لو وشووو
فيه مليون طريقه وطريقه ولا اعرض نفسي للخطر
ممكن النحل ينقض عليه وقرصه لمى الموت
.. ولا ترمو بأيديكم الى التهلكه ..
الله يهدي هالرجال وبس اذا بغو الشي سوو المستحيل
الله يسامحك بجد قصه غريبهالله يسامحك بجد قصه غريبه
لااله الاالله محمد رسول الله..
الصفحة الأخيرة