السلام عليكم
بناااااات شلونكم ؟؟
انا اليوم جاية أقولكم سالفة صارت لي اليوم بغيت انهبل منها طبعا ما ادري اذا موضوعي مكانه هنا و لا لأ لأن مع الخرعة ماعدت قادرة أعرف وين مكانه الصحيح :06:
المهم يا طويلات العمر أنا عايشة بغربة و اليوم احتجت أغراض من السوبرماركت و حنا نروح له عن طريق القطار المهم المنطقة إللي فيها هالسوبرماركت فيها الهنود الحمر إللي طبعا مشهور عندهم الاجرام بشكل غير طبيعي طبعا حنا نسمع بس من غير مانشوف و اليوم لولا لطف الله كنا بنشوفه على أرض الواقع :06: ..
إللي صار انو لمن جينا نرجع و ركبنا القطار ما كان معانا أحد إلا واحد من الهنود الحمر و بصراحة كنت قلقانة من الوضع و اقول لزوجي انا مو مطمنة خصوصا انو الوقت كان عالمغرب المهم طبعا القطار مايمشي على طول يستنى ربع ساعة بعدين يحرك .. المهم هالهندي اللي معانا فجأة وجهه اختبص و صار يسب و يقول كلمهتم المعهودة اللي منتشرين فيها الاجانب و اكيد عرفتوها :35: و قام من مكانه و هو مرررررررة خايف من شي شافه برا المهم جلست اطالع الا القى واحد ثاني و برضوا منهم لكنه يخررررررررررع يا بنات طول بعرض و وجهه كله خطوط :06: << طبعا من اثار الضرب و يدور على احد و بااااااااين انه مترصد لأحد و منتظر قدومه لأنه جالس يطالع من برا بدون ما يدخل يعني مايبي يركب الموووووهيم هذاك اللي معانا شوي و بيسويها من الخوف :hahaha: و تخبى في مكان ما احد يقدر يشوفه من برا و شوي الا راح هذاك إللي يخرع << لا يفوتكم الاسم بس :hahaha: و قلنا الحمدلله زاااااال الخطر و هذاك المسيكين هدي و جلس مكانه مسكين ما لحق يجلس إلا جا ثاااااني هذاك المرعب لا حوووووول و بعدين و هالمرة قرررررب مرررررة من القطار ويطااااالع زييييييييييين من الشبابيك و انا اقول خلاص رحنا وطي و زوجي يقولي اسكتي لا تودينا بداهية المهم تخبا خوينا مرة ثانية في هذاك المكان اللي ما احد يقدر يشوفه و بركة انو هذاك ما دخل و الا اكيد رح تصير مصيبة ..
و شوي الا القطار حرك يا سلااااااااااام ما تتخيلوا وش الشعور اللي جاني و الله حسيت انو بيغمى علي و جلست فترة اطرافي مو حاسة فيها و من يوم مارجعت البيت و احس ركبي يعوروني مدري هي من الخرعة ولا ايش و الله تخيلت انهم يمكسوني كرهينة و انا اصارخ و اقول لهم تكفووووووون عندي بيبي ابغى اعيش عشان أربيه خخخخخخ << و لا افلام الاكشن :hahaha: ..
لكن الحمدلله ربي سترررر طبعا بعد هالسالفة حلف زوجي ايمان مغلظة انو ما عاد نطب هالمكان ..
و بس ..
بغيت أقول لكم انو مافي امااااااااااااااان مثل اماااااااان الوطن اشكروا ربكم على هالنعمة ..
دمتم بود
زوين وبس @zoyn_obs
محررة
يلزم عليك تسجيل الدخول أولًا لكتابة تعليق.
انالونىمكانك كان صارت علوم يمكن وحدة من 2 يااموت من الخوف او اعملها على نفسى انا اصلا خوافة وانا وسط اهلى كيف لو كنت بر اختى يوم سافرت لشهر العسل برى قلت كيف تنامين برى السعودية مانى وجه عز :06:الله يرجعكم للوطن باالسلامة ويدم الامن علينا
ياقلبي عليك والله وضع تحسدين عليه الله يحفظكم في غربتكم ويردكم سالمين غانمين ذكرتيني بنفسي في ايرلاندا كنا نايمين شوي نسمع خبطة قوية على الطاقة الاهو واحد سكران صقع في الطاقة بالغلط وربي اني مانمت من البكى والحر ذبحنا مافي تكيف وانا حالفة على زوجي مانفتح الشباك وان فتحها بلم عفشي وبارجع السعودية مشي ههههههه
الصفحة الأخيرة
من جد فيلم رعب .. الله يستر عليكم
بس اتوقع لو مكانك انا مااخاف باتوقع يتضاربون ويمديني افرك = اهرب
<< مسويه قويه
بس انتم اذا طلعتوا اقروا اذكار الصباح والمساء وحصنوا انفسكم
الواحد صار يخاف على نفسه حتى هنا
ودمتي بود