~~ يمــــــــة أبي اتـــزوج ... تعالوا شوفوا خيبتي مع أمي ~~عاااجل

محتاجة مساعدتكم





ابي طريقة اقول فيها لامي اني ابي اتزوج

البعض بيقول يا عيباه بنت تقول ابي اتزوج بالعادة الولد يقولها بس البنت صعبه

لكن انا حالتي ووضعي مع امي غير كل البنات مع امهاتهم


امي من النوع اللي ضد الزواج غير مقتنعة فيه ما ألومها شافت العذاب بالزواج تجربتها كانت سيئة

امي من صغرنا انا وخواتي تكرهنا في الزواج وانا فعلا كرهته من كلامها

مبدأها في الحياة البنت تدرس وتشتغل بس :( الزواج شر

طبعا هي مدلعتنا اخر دلع ابوي متوفي واحنا صغار ربتنا واحسنت تربيتنا بس الخجل فينا زايد صح ماقصرت ماديا معنا بس معنويا احس فيه حواجز بينا امي ماتعرف تظهر عاطفتها لنا بالتالي صرنا نستحي نتكلم معها في امور هي ربتنا على انها عيب ومايجوز


ما تتخيلون اشكثر استحي منها واخجل كثير عندي اموت ولا اطلب منها شي اشوفه محرج

وهي من النوع اللي يحب يتطنز كثيرررررررررر

طبعا الامور البناتية عيب بعد


لو اقولكم الاشياء العيب في حياتنا ماتصدقون هي عادية عند الناس بس امي تشوفها عيب وربتنا انها عيب

بنت تفتح موضوع زواج مصيبة عيب وطر جيب

المهم كبرت وعمري قرب الثلاثين ولا احد طق بابنا ما نختلط بالعالم والناس ولا لنا معارف انا وخواتي رغم اننا والحمدلله ماقاصرنا شي ومتأكده لو الناس تدري عنها بيصفون طوابير :)


المهم امي ممنوع احد يقرب من بناتها اي وحده تلمح مجرد تلميح رغم انها ماصارت الا يمكن مرة او مرتين على طول امي تسد الباب وتقول البنات محجوزرات لعيال عمهم ( رغم اننا ماعندنا عيال عم ) بس تصريفة

امي تصرف من غير حتى ماتعرف ولا شي عن الناس

في احد الايام دقت وحده وانا اعرفهم معرفة سطحية اعرف ولدهم بشكل سطحي وقالت لامي تبي تخطبني لولدها طبعا هذي اول مرة بحياتي احد يطلبني بالاسم للخطبة وامي نفس الشي اول مرة وحده تطلب من بناتها

امي على طول صرفتها بس الحرمة اصرت الا تشوفني وقالت لها امي يصير خير وقفلت السماعة من هنا وقطعت خط التلفون من هنا عشان الحرمة ما تتصل

كانت امي ميتة رعب

بالعادة الحريم يفرحون لو احد خطب بناتها بالعكس بعض الحريم تدلل على بناتها الا امي :( ليه يا يمه بس

امي صارت ترجف من الخوف مع ان الحرمة ما راح تخطفني ههههه بس قالت بتتعرف علينا وتخطب بس

انا بصراحة احترقت من الداخل ودي افرح نفس البنات ودي انخطب بحياتي ماصارت لي خطوبة ولا كأن لي وجود بهالدنيا اخيرا احد حس بوجودي مع ذلك امي حرمتني فرحة هاللحظة :(



الحين الحرمة وولدها مصرين يجون يخطبون رغم موقف امي معاهم وتصريفها لهم بطريقة ابدا مو حلوة

وقاعدين يضغطون علي يبون يتصلون على امي ويحددون موعد يشوفوني فيه


انا مدري وش اقول لامي كيف افاتحها بالموضوع واقولها الحرمة تبي تتصل؟؟؟ انا قايلة لهم لا تدقون لين ابلغكم بالوقت المناسب لان اخاف امي تصرفهم او ترد عليهم رد يزعلهم

مو عارفة كيف افاتح امي واقولها بس يمه خليها تخطب بس

لساني منربط والشاب مو منتظر حضرة جنابي امه بتشوف له غيري وانا ماعندي امل ولا واحد فيه المية اني انخطب اصلا هالناس مافكروا يخطبوني الا صدفة وانا كنت دور في هالصدفة


والفرص بالحياة قليلة


ان ضاعت مني هالفرصة ما اتوقع فيه شاب اعزب بيتقدم لبنت ثلاثينية !

كيف افتح المووضوع مع امي وانا في غاية الاحراج شلون اقولها ابي اتزوج


اصلا حتى ماعرف اقولها خلي الناس يخطبون مجرد خطبة يمكن اصلا ما اعجبهم الناس اذواق

امي حسستني ان اللي يخطب خلاص بيخطف البنت ويهج !!

انا عن نفسي ضعيفة شخصية وماعرف اتكلم بمواضيع جريئة والزواج اجرأ موضوع ممكن اتكلم فيه

والله مو قادرة انام الليل ومنحرجة من الناس اني قلت لهم يأجلون شوي لين افاتح امي الناس مستعجلين يبون بس على الاقل يشوفوني ماطلبوا شي اكثر

وهم ناس طيبين ماودي اردهم واجلس متحسرة طول عمري على فرصة ضيعتها


ودي افرح اني انخطبت

اااااااخ لو تشوفون كيف بيتنا انقلب يوم الحرمة تدقت على امي

امي معصبة
واختي غيرانه ومحترة هذا اللي بان من كلامها وعيونها

محد وقف معاي

رغم اني حاولت ابين لهم اني ابي الموضوع يتم ابي انخطب بس بطريقة غير مباشرة حتى امي عصبت زيادة يوم حست اني مع الزواج مش ضدة ( كأنها تقول وين تربيتي فيك وين تكريهي لك في الزواج راح مع اول خطبة ) انا من ثلاث سنوات ودي اتزوج وادعي ربي نفسي يكون عندي طفل بحياتي لكن امي ماتدري بهذا الشي وتعتقد ان ولا وحده من بناتها تبي تتزوج

حتى عمرها مادعت لنا بالزواج ولا عمرها جابت طاري الزواج مرات اقولها انا زهقت من حياتي ماعندي شي اسويه ابيها تحس وتقول ان شاء الله تتزوجين بس ابدا مستحيل تنطقها

وبنفس الوقت متناقضة يوم تسمع باللي اصغر منا تزوجوا تقول اي احسن شي الواحد ما يخلل بناته خلهم يروحون لنصيبهم بس يوم تجي عندنا لا يتغير المنطق!!! ليه تأيد الزواج لكل البنات بس بناتها ترفض!! رغم اننا بصراحة اشوف اننا عالة عليها لا احنا من زود بر فيها ولا نعطيها من معاشاتنا الا الشي البسيط والنادر ولا احنا نهتم فيها ذاك الاهتمام لانها ماشاء الله مهتمة بالكل ماعدا نفسها

بس احسها بزود معاي انا

يعني مع خواتي الباقيات احس ممكن تتقبل احد يخطبهم بس انا تحديدا لا

من صغري كانت تسمعني انتي بنيتي اللي بتقعدين معي انتي بنيتي اللي ماراح تتزوجين بتقعدين مع امك :(



علموني وش اسوي دلوني ساعدوني مابي ازعلها ولا ابي احرج نفسي ولا احرجها والناس منتظرين ردي عشان يتصلون عليها وش احسن حل؟؟