يمـــــه فديتك من هموم الليالي
يمه فديتـك مـن همـوم اليالـي *****يمه عسى ما شـر شفتـك تونيـن
يمه خذي مالـي واخـذي حلالـي*****يفـداك يـا يمـه وأنتـي تعرفيـن
يمه تـرى منسـى خيالـك قبالـي*****يمه خيالك مسكنـه داخـل العيـن
إليا سمعت الصـوت ينسـر بالـي*****وانسى هموم الوقت وانسى الدواوين
يمه ترى الجنـه معـك والمعالـي*****يمه قدم رجلك أحطه علـى العيـن
أذكـر زمـان اول وانـا فالدَلالـي*****أذكر تعبتـي معـي وانتـي تربيـن
من كثر ما ركض من يمين وشمالي*****واتعبك ما همي سوى اللعب تدرين
وتقولي اجلس يـا وليـدي ومالـي*****وانا مع الشارع ولعـب الوراعيـن
احيان اقول إنـي صغيـرٍ وسالـي*****العب مع الجهال لعـب الشياطيـن
يوم اتذكر وش جرى فـي خيالـي*****مدري عن الأيام وشلـون تمشيـن
يوم إني اكسر خاطـرك مـا ابالـي*****ما همني يمـه صغيـر ومسكيـن
واذكر زماني يـوم اشـق الريالـي*****يوم الهلل والقرش يسوى الملاييـن
يا حسرتي يا وقتي اللـي مضالـي*****يوم(ن) اشوفك طول الأيـام تبكيـن
مدري مرض ولا همـوم تصالـي*****مدري تعب مدري كثر ما تحسيـن
يمه عسى روحي وحالـي ومالـي*****فدوه لدمعك يـوم للدمـع تخفيـن
يمه لـو الأيـام تشـرح سؤالـي*****سألت أنا الأيام وينـك وانـا ويـن
وسألت دمعك يـوم بـل الشيالـي*****يا دمعة تسـوى كنـوز السلاطيـن
وسألت حر الشمس ويـن الظلالـي*****وسألت قمرى الليل ما نورت زيـن
يمه أبي منـك السموحـه ولا لـي*****مطلب سوى تعفين عني وترضيـن
واخذي مـن الدنيـا ودوك العيالـي*****أنتي لنـا الراعـي وحنـا رعييـن
وستأذنك وقتى تـرى مـا صفالـي*****ادعي لمن ضاقت عليـه الفلاتيـن
ادعـي لمنهـو بيدتـه الليـالـي*****عسى زمان راح يرجـع وترضيـن
وصلاة ربـي عـد رمـي النبالـي*****على نبـيٍ وضـح الحـق والديـن
--------------
منقول.
