يمه شوفي دمع جرحي في عين الطفولة
يمه شوفي خط حزني وش قد طوله
يمه اقربي يمي وامسحي دمعي
تعبت ادور قلب غيرك
مالقيت الا العنا والخيانه والجفا
مالقيت الا حب واهم
مايساوي الا حفنة تراب ودراهم
يمه احضنيني وحسسيني
اني اغلى ماتملكينه
وان حبك صادق ماالقى بديله
يمه شوفي صرت اكبر من خيالي
وانا توي في شبابي
كل هذا من زماني
صاير ضدي من يومي صغيرة
يمه ودي احضنك
واكلمك عن احزاني
عن جروح كبيرة
اكبر من حضارات المدينة
يمه قلبي ينزف وده يتكلم
والله انه من جروحة تعلم
يمه امسحي دمعي بيدينك
ودي احس بدفها واحضنك
واقربي يمي وقولي أحبك
يمه اسمعها كثير لكنهم يكذبون
وقت الشدايد يهربون
ماهمهم الا المصالح
وتناسو كل الجوارح
يمه تكفين اغنيني عنهم
ماأبيهم.....ماأبيهم
يمه خوذي قلبي عندك رهينه
وان طلبته لاترجعينه
وان شكى ولاتملل
حلفتك بربك لاتتركينه
لكن انتي يمه ويــــــــــــــــــــــنك؟؟
خاطرة اتمنى ان تعجبكم....كتبتها يوم الأثنين الموافق...23-12-2003
فحرارة كلماتك سرت في مشاعري
لكنني لا أملك مجاراة اللهجة الشعبية
كل ما أملكه من تعليق
أن الأم لا تملك الابتعاد اختيارا
فقلبها أكبر وأكبر مما نتخيل
لكنها ربما تجهل كيف تقترب
جربي أنت ..
فكل أحباب الدنيا لا يمكن أن يغنونا عن حب الأم
شكرا على مشاركتك النابضة يا مشاعل