يمكن احد يقدر يساعدني

السلام عليكم
سامحوني انا ماني عارفه ايش ابدا وايش اقول بس الموضوع مرررا متعب نفسيتي ما ادري يمكن بعضكم يحسه عادي ماهي مشكله بس انا وصلت لحد اني افكر بالانتحار او اني اموت حالتي النفسيه زي الزفت واحس نفسي وحيده ماعندي احد اشيكله
مشاكلي مررا كثيره واول مشكلة اني مملكه ولي 3 سنوات وانا ابغا اطلق ولا راضي يطلقني الين ما ادفعه 20 الف فوق المهر متخيلين الموضوع واهلي مو واقفين معايا كانها مشكله عاديه الحين عمري 23 سنه لاني متزوجه ولا مطلقه وكل من سالني اقولهم اني طلقت محد من الناس يدري اللي لحد الان في محاكم اتجرجر في الحماكم واللي ممكله عليه الله لا يوفقو اتزوج وكون بيت علشان يحرق قلبي وانا لسا ع ذمتو ...
الحين قدمت ع بعثه ما ادري كيف ع امل اني اتطلق والمحكمه تطلقني لكن رفضو قضيتي وماني عارفه ايش اسوي حتى صحابات ماعاد صار عندي امي ماتهتم لموضوعي اخواتي ماهم دارين عني حتى ابويا ماهمو الموضوع مع انو هوا اللي زوجني ومدحلي الولد في النهايه انا اللي اكلتها في جميع النواحي 3 سنوات وانا اسوي نفسي قويه لحد ما انهرت الحين ماعاد قادره افكر في شي غير اني اموت ولا افتك منه ليش الظلم ليش الحكمومه والمحكمه ماتاخد حقي !!!! ليش كدا يصير فيا لاني عايشه بالسعوديه ولاني بنت !!! حتى لما اروح المحكمه كل شيخ يرميني لشيخ وكااني جايه اشحت من عندهم اخر مرا روحت لشيخ واتكلم معاه في نص كلامي معاه يدق جوالو ويرد ع المكالمه وانا كااني جدار ماكأنو مسأله وقضيه مهمه
ما اقول الا حسبي الله ونعم الوكيل الله يتقم منهم فرد فرد
انا انسانه صح مقصره في صلاتي وفي اشياء كثيره بس احس كفايه عليا كدا الحمدالله صح اني بصحتي وعافيتي وعند اهلي لكن راحة البال ابدا ماهي عندي وخاصه اني تخرجت من الجامعه ولا لقيت وظيفه والفراغ صاير يأكلني اعطوني حل يمكن احد يقدر يساعدني اقل شي بالدعاء
سامحوني ونصيحتي لكم لا تتزوجو بسرعه وبعدين تندمو احسنو الاختيار اهم شي والله يوفقكم