مرحباااااا ..
بقولكم اليوم قصة وحده اعرفها وابي منكم الحل بسرعه ...!!!اعرف وحده متزوجه من 5 شهور تقريبا ومن بداية عرسها كان هناك هواش مع زوجها في ايام الملجه وكانت تقول ان اذا كانت معاه بيتغير .. فتزوجوا من 3 يوم في شهر العسل وهي مسافره معاه تهاوشوا على شي سخيف (على تيشيرت )ان هي كانت تبي تشتري تيشيرت وقام يتطنز عليها وعلى التيشيرت فتم يصرخ في المحل فتركت التيشيرت وطلعت من المحل وارجعوا الفندق وهي سكتت عن السالفه وتم هم مايكلمها ومعصب عليها فقالها ان ليش تركتيني في المحل وطلعتي عني قالت له لانك كنت تصارخ وانا تفشلت فطلعت .. فصارت هوشه كبيره بينهم اللي وصلت ان هو يطلع من الغرفة وينام في غرفة ثانيه ويروح يحجز لان يبي يرجع فهو يحجز وهي تكنسل عن كلام الناس وتمت تصيح وتقوله اذا كنت بتسوي فيني جذي ليش خذتني وانا هين معاك بروحي وجذي تسوي المهم وعدت اليوم واليوم الثاني كان عادي ..وراحت بلده ثانيه وطاحت مريضه وتمت 2 في المستشفى وقال الدكتور ان احتمال ان فيها الزايده المهم فكانت تبي ترجع وكانت تعبانه وايد فهو يقول لها ان انيت تبين ترجعين علشان هلج وربعج وهو يشوفها شلون تعبانه .. فرجعوا فتمت فتره فصارت هوشه كبيره علشان الخدامه وان هي مب خجامتها خدامة امه (وأمه في كل شي تدخل اذا تغشمروا تدخلت واذا قالت له قوم روح المسجد تدخل تقول ان ولدها تعبان )ويم الهوشه حطوا السبه كله على صديقتي ومب على الخدامه ووقفوا مع الخدامه وحتى هو تم يهاوش زوجته على الخدامه وحتى يوم هدت السالفه ماتأسف منها ولا يراضيها وجات تضمه وتقوله ان هي متضايقه وتصيح وهو ولا موجود فحست انها ماتسوى شي عنده فتركته وراحت تنام على السريروهي تصيح ومقهوره فبعد ماراح ينام يحس فيها انها تصيح وماسالها ولا هدأ من اعصابها ونامت وقامت وماقالت لحد .. والهوشه الثاله على السايق في اول عيد لها معاه راحت تتحنى وكان زحمه في الصالون فاتصلت له علشان ياخذها وكان مشغول واتصلت للسايق مال بيتهم
فقال لها اويك باجي فمرت ربع ساعه واتصلت للسايق وكان في البيت فسالته ليش ماجيت فكلمتها ام زوجها قالت لها انيت تبينه قال لها اي انا من مساعه انطره وكل المكان كان فيه شباب فقال اوكي فتاخر السايق ساعه كامله فااتصلت له وسالته وينه قال لها ان هو في بيت اخو زوجها يوصل الاولاد ان ام زوجها قالت له فاتصلت في زوجها فهاوشها وقال لها هاي سايق بيتنا ولا تجيبين طاري الاولاد على السانج علشان اخوه مايزعل المهم اركبت تاكسي وارجعت البيت ونفس الشي تكررت السالفه في العيد الثاني بس هالمره هي ازعلت منه وهي كانت صايه عرفه وراحت تتفطر عند امها وعدت الساعه بعد الفطور تتصل لزوجها مايرد عليها كلمت ام زوجها قالت لها ان زوجها نايم وقالت لها اذا قعدت خليه يكلمها وصارت الساعه 8 ونص تقريبا هو لااتصل ولاسال واتصل امه وسالته انيت وين قالت لها في بيت امي وقالت لها مب راجعه البيت قالت لها لا ابي رزوجي يكلميني اول وتمت تصرخ عليها ام زوجها انه هي ليش تطلع من البيت ومب راجعه قالت لها لاتصارخين لعي وانا انتظر زوجي يكلمني وسكرت ام زوجهاالخط في ويها.. فراحت امه وقالت لها ان زوجتك تقول مب راجعه البيت وهاوشتني وسكرت الخط في ويهي ،، فززجها لااتصل فيها ولا كلمها وكلنت ليلة العيد فنامت في بيت امها ومرت تقريبا اسوبع وزوجها لا اتصل ولاكلمها ولا سال عنها ولا عمل حساب ان العيد ..وجا عمه ورجعها له على اساس انهم بيتفاهمون وان المشكله كانت على السايق فراح ابو الزوجة وارسل سايقهم لبنته وكان زوجها عندها سيارتين فقالت له زوجته ابي سياره وحده تاخذني الجامعه مع السايق الجديد فعصب وهاوشها وطلع من البيت فهي سكتت عنه قالت حق عمها وبعد فتره رجع زوجها البيت وعطاها سياره بس بعد صراخ وهواش .. واسترت معاه وهي مب طايقته بس غصبن عنها وجات فترة الامتحانات وقدمت امتحانات ووصلت لاخر امتحان فكانت تدرس وتطبع اوراق فسالها زوجها من بيطبع لج اياهم قالت له صديقتي بكلمها وهي بتطبع لي اياهم لانها معاها في نفس الامتحان فاول ماسكرت من صديقتها سالها :تعرفين كم على فاتورتج؟ قالت له اي :509 ريال قال لها لا 800 ... قالت له لا هاي فاتورة شهرين يعني شهر 500 والشهر الثاني 300 فهو جمع فاتورتين فعصب وقال لها يعين انا كذاب قالت له :لا واذا فاتوره شهر انا اسفه وحقك علي ومره ثانيه ماراح اعيدها بس لان اتصل حق المدرسين والبنات علشان الاوراق واسفه واخر مره فعصب وخذ الجوال وقام يسب بكلام وصخ ويضربها فهي تبي دافع عن نفسها فضربته بالغط على وجهه فدخلت امه فامسكت الزوجه وتضمها علشان مايطقها فتم يضربها ويضرب امه فمع الصراخ قام يتصل بالغط حق خلاتها وعماتها فهم اسمعو صراخ فجات جدتها فراحت تضم جدتها وتقول لها خذيني من هني فحاول زوجها يضربها ويردد يقول بذبحها والله اذبحها المهم ارجعت صديقتي بيت امها واتصلت امه لعمتها وتطلب منها انها تيي وتاخذ اغرضها مع عمها فراحت البنت تاخذ اغرضها مع اخوها وعمتها فتمت ام زوجها تقط نغزات وتسبها وماخلوها تاخذ ذهبها واغراضها من المجوهرات ولحد اليوم وهي ماتبيه وتبي تطلب الطلاق منه بس هو مسافر وبيرجع السبت وانشالله خير...ايي بقولكم شي بعد امه دايما تسوي الغط وتركبه لزوجته علشان مايعصب على امه والزوجه ساكته عنها وكلشي ينقط على راسها وحتى لو بررت وقالت الصج تطلع ان هي الغلطانه وانها ماتحب امه وهله ...
وننطر ردكم ياخواتي ... واسفه اني طولت عليكم بس هاي نصف السالفه في اشياء ثانيه المفروض مااقولها..:(
** سلطانه ** @sltanh_3
عضوة جديدة
يلزم عليك تسجيل الدخول أولًا لكتابة تعليق.
iman19
•
حبيبتي الله يهون عليها ويكتب لها الي فيه الخيره خليها تكثر من الدعاء كذا حال النيا يوم لك ويوم عليك\
لا حول ولا قوة إلا بالله
أصلا الولد قليل أدب.. حتى لو ضرب زوجته المفروض مايضرب أمه والرسول قال (بما معنى الحديث) (لو حملها على ضهره وحج فيها ما بيوفي رفسه من رفسات الحمل و الولاده)
أصلا كيف رضيت من البداية تتزوجه!! ماسألو أهلها عنه؟؟
والكتاب باين من عنوانه..إذا كان كذا يعامل أمه أجل كيف تتوقع إنه يعاملها؟؟
بالحب والأحضان؟ وباقات من الورود والعطوووور؟؟
ما أقول إلا الله يكوووون في عونها وييسر أمورها..
واللي فيه خير وصالح لها يسير يارب..
أصلا الولد قليل أدب.. حتى لو ضرب زوجته المفروض مايضرب أمه والرسول قال (بما معنى الحديث) (لو حملها على ضهره وحج فيها ما بيوفي رفسه من رفسات الحمل و الولاده)
أصلا كيف رضيت من البداية تتزوجه!! ماسألو أهلها عنه؟؟
والكتاب باين من عنوانه..إذا كان كذا يعامل أمه أجل كيف تتوقع إنه يعاملها؟؟
بالحب والأحضان؟ وباقات من الورود والعطوووور؟؟
ما أقول إلا الله يكوووون في عونها وييسر أمورها..
واللي فيه خير وصالح لها يسير يارب..
الصفحة الأخيرة