يمكن اللي بسويه غلط بس خوفي ع اهلي يجبرني اتصرف

مالي في المقدمات بقولكم ع الموضوع وانتو احكمو اذا اللي بسويه صح اوغلط من اسبوع اهلي سكنو شقه جديده وطبعا عارفين حوسة السكن الجديد فما مدى امي تتعرف ع الجيران العماره مكونه من ثلاث شقق كل شقه بمدخل مستقل واهلي في الدور الثاني وتحت شقتين وحده في سكان والثانيه فاضيه تمام قبل يومين انحرقة الشقه اللي تحت اهلي والحمدلله انو كانو صاحين ويستعدو لصلاة الجمعه والا كان راحو فيها لان اصحاب الشقه خرجو منها بدون مايقولو لاهلي شي واهلي حسو لما الدخان دخل عليهم فخرجو بسرعه بملابسهم اللي عليهم لدرجة انو اول ماخرجو شافو شبابيك الشقه اللي انحرقت تنفجر والنار طالعه منها ممكن تقولو الحريق قضاء وقدر وانا عارفه بس المشكله انو المستأجر عندو نوع من انواع التخلف العقلي وهو زوجته الله يشفيهم وعندهم اطفال واحد بس اللي سليم عشان كذا ماعرفو يتصرفو وحتى ماخرجو الا في اخر لحظه هذي ثاني مره ينحرق بيتهم يعني حياتهم لوحدهم خطر ع انفسهم وع اللي حولهم اخوان الرجال كلمو واحد من اخواني وقالو اذا شقتكم متضرره بيصلحونها ع حسابهم بس الحمدلله شقة اهلي ماجاها شي وطلب من اخويا انو مايقول لصاحب العماره لانو مسافر وهم بيصلحو الشقه من اثار الحريق ولا من شاف ولا من دري بس انا افكر اجيب رقم صاحب العماره واقولو عن اللي حصل اولا خوف ع اهلي وثانيا خوف ع العايله نفسها لانو ناس في ظروفهم مايسكنو لوحدهم وفي نفس الوقت اخاف انو مايلاقو سكن خصوصا انو ام لولد متوفيه وابوه متزوح وشايل يدو عنها وماقايم فيه الا خوانو والزوجه ماعرف ايش ظروفها عشان كذا جيت اخذ رايكم ولاتواخذوني موضوعي مو مرتب لاني متوتره واهلين شاغلين بالي وكمان داخله من الجوال