يمكن انا حكمت غلط ابيكم انتوا تحكمون؟!

بنات..ولد حماتي ملج الشهر الي طاف.... قبل الملجه امه عزمتنا وقالت تزهبوا حق الحفله ولما قربت الحفله وما بقى الا اسبوع تقريبا وصت اختها(حماتي الثانيه) انها تبلغنا ان اهل العروس قرروا انهم بيسوون حفله محفوفه ما فيها الا القراب حيل وان احنا الجناين يصير خير انن شالله اذا سووا عرس يعزمونا(اشوه اني ما كنت شاريه بدله)
وراحت السالفه ومحد ياب طاري عرس!! المهم..الاسبوع الي طاف بالصدفه وانا قاعده اسولف مع مرت حماي جان تقول لي شريتي بدله؟ قلت لها حق شنو؟ جان تقول حق عرس ولد حماتي ..قلت لها ما عندي فكره عن الموضوع جان تطب حماتي الثانيه(مو ام الولد..اختها) وتقول اي نسيت لا اقول لج احتمال يسوون عرس اخر الشهر قلت لها وين جان تقول لي ما ادري؟
وامس يتني حماتي الثالثه وسالتني نفس السؤال شريتي بدله؟ قلت لها متى العرس قالت لي التاريخ بالضبط وهو يصادف اخر الشهر
مع العلم بان ام الولد كانت موجوده بالغرفه وسمعت وما تكلمت..ولا فسرت الموقف ولا حتى رقعت وعزمتني!!
انا انصدمت ان محد بلغني وام الولد ما عزمتني واصلا الحين ماكو وقت اني اخيط بدله على مستوى
اشرايكم ازعل وما اروح العرس ولا شسوي؟
انا وايد انصدمت!