يمكن تتغير نظرتكم عن الزوجه الثانيه شوي ... تعالو وشوفو

هل اناظالمه ام مظلومه



ان كنت ظالمه فما ظلمت الا نفسي



ماابغى منكم نصايح ولا تهجم لا علي ولا عليها بس اكتب قصتي من آلمي



قصتي بكتبها اخيرا بعد تردد دام طويلا يمكن تغير من نظرتكم للحياه




تزوجت زوجي وهو متزوج من 18 سنه وله اولاد ماشاء الله



الله يحفظهم له ولامهم



انااانسانه اخاف الله في تعاملي مع الكل



لماتزوجت قلت لزوجي بيتك له حق اضعاف مضاعفه عن حقي مو ضعف ومو انتقاص من حقي بس خوف من الله



قلت يكفيني يومين او ثلاثه في الاسبوع واكثر وقتك لبيتك وعيالك



امازوجته فلها قصه ولا تقولون الرجال يكذب انا عشت حياته وشفت اللي تسويه فيه



مقصره في الفراش وفي البيت وتربية العيال لدرجة انها ماتقول لهم قومو صلو ولا تهتم ان ذاكرواو نجحو ولا تهتم في زوجها ملابسه تنغسل وتنكوى في المغاسل اكله من برى



همها الوحيد وناستها وطلعاتها واهلها طويلة لسان متسخطه ماتقول الحمدلله ابد



تزوج زوجي قبلي بثلاث سنوات وزوجته قومت الحرب عليهم وطلق زوجته الثانيه بعد شهر لانه اصلا ما ارتاح معاها



هل تعدلت زوجته لا والله الا تمادت وصارت تقول ماحد يتحملك غيري ومافي وحده ترضى فيك الاانا



ومافارقته فكرت الزواج اصر عليها وخطبني وتزوجنا وعشت معاه احلى ايام عمري ماكانت تعرف بيتي على الرغم من محاولاتها



لما نقلت بيت ثاني عرفته وصارت تلح على زوجها تجي تتعرف علي



وبعدالحاح من زوجي وافقت عشان يرتاح مع اني ماكنت راضيه



دخلتب يتي واكرمتها واعتبرتها اخت وكنت عاذرتها في تصرفاتها صارت تسولف سوالف تبغى تبينلي انهم عايشين في سعاده



وتتكلم معاه عن بيتهم واولادهم وانا ساكته وصابره اتأمل هالانسانه كيف تقدر تمثل وان ا للي عايشت حياتهم ومشاكلهم وسمعت باذني وشفت بعيني



وطلعت من بيتي اخر كلمه قالتها الله يسعدك ويهنيكي وانا رديت عليها بالمثل



واعتبرتهااخت وتأملت خير اننا راح نرتاح ونصير مثل الاخوات



قلت لهاوطمنتها اني ماابغى اخذ منها زوجها ولا بيتها وما ابغى لها الا كل خير



كنت اقول لزوجي اذا طولت لسانها عليك لاترد وتكبر المشاكل اصبر عشان عيالك اطلع من البيت وتجاهل كنت اوصيه كيف يتعامل معاها ومع اولاده

كنت اذكره كل فتره انك لازم تطلع اولادك حرام من زمان ماطلعتهم

وهي بلسانها تقوله انه تغير من لما تزوجني صار اهدا وباله طويل


احتسبت وقلت عملي ماراح يضيع عند رب العباد



كلمتهاوقلت لها ابغى اعزمك وارسل لك هديه اذا ماعندك مانع



تدرون وش سوت اتصلت على زوجي وصارت تسب وتلعن وتتسخط وتقوله قول لزوجتك تبعد عني ومالها شغل فيني



ارسلت لها قلت انتي ماتبغي فيني أي علاقه وانا فهمت واسفه اذا ازعجتك



ربي اللي يعلم اني كنت ابغى راحة زوجي مو اكثر



وهو زعل مني وقال ابعدي عنها وفكينا من مشاكلها



قلت له انت اللي جبتها بيتي ليش ترضى تدخلها علي وانت عارفها وعارف تفكيرها



وعذرتهايمكن الغيره اقوى منها



وطردت زوجي من بيته شهر وجلس عندي وصارت ترسل رسايل على الجوال تسبني وتدعي علي



اني اناالسبب في خراب بيتها واني انا من يد رجال للثاني وماحد قبل فيني الا زوجها



علىا لرغم من اني موناقصني شي الحمدلله بس كلامها لاني كنت مطلقه



تصالحوبعد شهر ورجع زوجي لبيته



وتغيرعلي مليون درجه



نقص في حقوقي كثير وعلى الرغم من انه اعطاها حقوقها وحقوقي فوقها



الا انهاصارت تهدده انها بتطلق وتروح لاهلها وتحرمه من عياله اذا ماطلقني



بتقولو ياخذ عياله



بسا لاولاد يحبو امهم ويبغو يروحو معاها



وعشان يرضيها قالها انه طلقني ونقلني من البيت وصار يجيني لكن مايبات



تغيرت تدرون وش تغيرت فيه



صارت تقوله جيب ملابسك الشغاله تغسلها ولو غير ملابسه برى بتقوم عليه الحرب


وتطبخ وتجبره يجي ياكل عندها عشان مايجي عندي



كل نص ساعه تتصل تسأله وينك صارت جالسه في البيت لاطلعات ولا روحات



واذا اخل بواحد من هالشروط تحرق البيت وتقلبه فوق تحت اولادها مرضو نفسيا



وصارويقولو لابوهم يابابا اجلس في البيت عشان ماما ماتعصب علينا



وهوحياته اولاده


عزمت اهله على العشا عرفت سوت مشاكل في العيله وبينه وبين اهله حتى اهله انسحبو من حياتي عشان مايخربو على ولدهم

اشوفا لهم في عيونه والمرض وفاقدني وخايف اجي اقوله مااتحمل طلقني




يقولي لوالف الدنيا مالقى زوجه مثلك لكن تحملي واصبري ان شاء الله ربك يفرجها



واناصابره ومتحمله وادعي ربي ومايئست



بتحمل لاني جربت الطلاق وماابغى اعيشه مره ثانيه



نست ان فيه رب اقوى منها ومن ظلمها وان عندها بنات ممكن في يوم يعيشو اللي عشته بسببها

الحين انا زوجه مهجوره محرومه من ابسط حقوقها بسببها لكن اسأل الله لها الهدايه ان كان فيها خير وصلاح وان كان مافيها صلاح اسأل الله ياخذ لي حقي منها




بنات لاتفهموني غلط انا مااقول كل زوجه اولى ظالمه ومقصره ولا اقول كل زوجه ثانيه بنت حلال ومظلومه

فيه زوجات ضحو وتحملو ازواجهم سنين وسوو المستحيل عشان يرضوه وفي الاخر جازاها بالزوجه الثانيه

الله ينصر كل مظلومه