كوبونات الراقية تسجيل الدخول

احساسه

يمكن تقولي عادي ...لكن ماتدري عن المخفي..

الأسرة والمجتمع •

بسم الله الرحمن الرحيم

راح ابداء موضوعي واتمنى من الاخوات مشاركتي بالموضوع لان فيه بعض النساء غافلات عن هذا الشي وبالذات الحريم الكبار :(

وهوتبدى بوصف وحده امام رجل سواء اب ولا أخ وحتى الزوج <<ويمكن الزوج بطريقه غير مباشره او كل ما شفتي وحده قمتي وقلتي هذي تشبه فلانه والرجال هنا مايصدق خبر ويبدي فعلن يتخيلها او يحطها في باله

انا ما كتب هالموضوع الا لاني شفت وسمعت كثير من المشاكل اللي تصير بسببه

المهم
راح اقول اول موقف وصار لي جارتي الله يهديها طالعه هي وزوجها المهم شافت أخوي عند الباب وزوجها يسال معقوله هذا اخو فلان قالت لا اكيد اخو المره يشبها مره وسالتني قلت ايوه اخوي عندي وقالت انا قلت للفلان انه يشبهك انا الصراحه انصدمت لاني مو متعوده اوصف او امدح اي وحده قدام زوجي حتى لوفيها عيوب الدنيا مستحيل اقول فلانه وفلانه...

ثاني شي ....اللبس

وهذي قصة وحده جارت صديقتي المهم انها استعارت فستان من عند وحده من البنات وقتها زوجها سالها من وين قالت هذا حق فلانه وبعدها الرجال ما شال عينه عن الفستان ..وبعدها بمده قصيره سمعت انه خاطبها وراح يتزوجها وكل هذا بسب الفستان لانه بدى يتخيلها وكانه راسمها قدامه ..يعني اللي تاخذ من وحده شي لاتقول هذا لمين :42:


ورح اختم بقصة وحده من صديقاتي

صديقتها دايمن تمدح فيها قدام خالها المهم وصفتها توصيف لخالها لدرجة ان خالها تعلق فيها وراح خطبها واهلها رفضو بسب الوظيفه ومن وقتها وصديقتي تعبانه وكانها في نفسه ولا احد تقدم لها لكن الحين الرجال توظف وخطبها المهم تمت الموافقه والله يسهل عليها وييسر دربها..

وياريت الحريم ينتبهو لكلامهم لان الرجال يتخيل

وبالذات العجايز والحريم الكبار وقولو أمييييييييييين ان ام زوجي ما تجيب هالسيره قدامه لانها فضيحه لو جت من عرس ماعندها غير فلانه وش لابسه وفلانه ايش مسويه

وان شالله اكون افدتكم...
24
2K

يلزم عليك تسجيل الدخول أولًا لكتابة تعليق.

تسجيل دخول

نقطة نون
نقطة نون •
ايه ياربي فيه حريم جاهلات..سبحان الله واضح الرجل ينتبه للكلام هذا خااصه
عابرةسبيل222
عابرةسبيل222 •
والله انك صادقة
زي وحده راحت تخطب لولدها ورجعت البيت وتوصف البنت لولدها وابوه قاعد والظاهر عجبته المواصفات قاله لولده ماتصلح لك البنت دور وحدة ثانية وراح هو تزوجها
سمو إحساس
سمو إحساس •
ايوه والله فيه رجاال لماحين وبسرعه يلقطون السالفه
يعني لو توصفين وحده قدامه وبعد فترة تجي سيرتها يقول هذيك اللي ...... انتي تنسين وهو فاااكر
وفيه حريم فااااغرات تحكي لزوجها كنه صديقتها او حرمه ..

وعلى قول اخواتنا المصريات
يامأمنه للرجاال .. يامأمنه للميه في الغربال ههههههههههههههههههه
naoumah
naoumah •
مشكوره
{البندري}
{البندري} •
عابرةسبيل222 عابرةسبيل222 :
والله انك صادقة زي وحده راحت تخطب لولدها ورجعت البيت وتوصف البنت لولدها وابوه قاعد والظاهر عجبته المواصفات قاله لولده ماتصلح لك البنت دور وحدة ثانية وراح هو تزوجها
والله انك صادقة زي وحده راحت تخطب لولدها ورجعت البيت وتوصف البنت لولدها وابوه قاعد والظاهر عجبته...
اشكر صاحبه الموضوع انا موقف صارلي ام زوجي جلست تمدح وحده من جماعتنا عند زوجي وانا ماأدري المهم خطبها ولد عمي جيت قلت لزوجي فلان خطب فلانه وهوفي الأصل مايعرفها قالي معقوله هو موحلو كيف يأخذ وحده حلوه والله مايستاهلها عاد بدأ التحقيق والله ما انسى هذا الموقف لو اموت