أحلى من كلمة حلا
•
اكيد صارت كثير مواقف سبحان الله عسى ان تكرهوا شيئآ وهو خير لكم وعسى انت تحبوا شيئآ وهو شر لكم فالخير فيما اختاره الله
افتكر موقفين ورح اقولها لكم ..
1 / اول موقف لما كان عمري 16 و 7 شهور سمعت ماما تكلم وحده وتقولها خلاص بخبرها واشوف ردها حسيت بغصه قلت اكيد في احد يخطبني وبالفعل جات ماما كلمتني وقعدت ابكي وقالتلي الزواج مو دحين وانو كلام حريم لسى مافي شي رسمي و لما تتخرجي من الثانوي رح يصير الزواج بعدين استخرت صحيت حسيت اني مرتاحه وماابغى اتناقش بالموضوع واليوم الي بعدو دقو اهل الولد وجو خطبوني بشكل رسمي يعني فجأه ماكنآ متوقعين انو الخطوبه رسميه وقلت خيره من ربنآ ودحين متزوجه ليا 6 سنين :)
ولله الحمد
2 / الموقف الثاني ولدي كان عندو عمليه وقبل العمليه بيومين لازم الدكتوره تشوف اذا عندو كحه او زكمه لما كشفت قالت الولد مريض مارح نسوي العمليه عشان البنج رح يأثر عليه ومره زعلنا انا وزوجي لانو لنآ 4 شهور ننتظر موعد العمليه وقلت خيره وسبحان الله بنفس التاريخ الي المفروض ولدي يسوي العمليه فيها انا رحت المستشفى عندي مراجعة حمل والمفاجاه الجنين بدون نبض ولازم انا اسوي العمليه والله جسمي اتقشعر يعني عرفت انو مرض ولدي خيره لانو صعب انا وهو نسوي عمليه بنفس الايام والحمدلله انا سويت عملية التنظيف وبعد شهر ونص كانت عملية ولدي قد انا شفت العافيه وبخير
والله يعوضني على مافقدت
هذي المواقف الي افتكرها لو افتكرت شي تاني برجعلكم
1 / اول موقف لما كان عمري 16 و 7 شهور سمعت ماما تكلم وحده وتقولها خلاص بخبرها واشوف ردها حسيت بغصه قلت اكيد في احد يخطبني وبالفعل جات ماما كلمتني وقعدت ابكي وقالتلي الزواج مو دحين وانو كلام حريم لسى مافي شي رسمي و لما تتخرجي من الثانوي رح يصير الزواج بعدين استخرت صحيت حسيت اني مرتاحه وماابغى اتناقش بالموضوع واليوم الي بعدو دقو اهل الولد وجو خطبوني بشكل رسمي يعني فجأه ماكنآ متوقعين انو الخطوبه رسميه وقلت خيره من ربنآ ودحين متزوجه ليا 6 سنين :)
ولله الحمد
2 / الموقف الثاني ولدي كان عندو عمليه وقبل العمليه بيومين لازم الدكتوره تشوف اذا عندو كحه او زكمه لما كشفت قالت الولد مريض مارح نسوي العمليه عشان البنج رح يأثر عليه ومره زعلنا انا وزوجي لانو لنآ 4 شهور ننتظر موعد العمليه وقلت خيره وسبحان الله بنفس التاريخ الي المفروض ولدي يسوي العمليه فيها انا رحت المستشفى عندي مراجعة حمل والمفاجاه الجنين بدون نبض ولازم انا اسوي العمليه والله جسمي اتقشعر يعني عرفت انو مرض ولدي خيره لانو صعب انا وهو نسوي عمليه بنفس الايام والحمدلله انا سويت عملية التنظيف وبعد شهر ونص كانت عملية ولدي قد انا شفت العافيه وبخير
والله يعوضني على مافقدت
هذي المواقف الي افتكرها لو افتكرت شي تاني برجعلكم
الصفحة الأخيرة