السلام عليكم
أخواتي أنا بأكتب مشكلتي وياليت تواسوني وتفيدوني الله يجزاكم خير
أنا زوجي لما خطبني سألت عنه بنات اخته ومدحولي فيه وقالوا انه طيب وماعمرهم شافوه معصب
واستخرت الله كثير وحلمت فيه انه مبسوط ويبشر امه وابوه اني وافقت وحلمت حلم ثاني ناسيته ذحين
المهم يعني تزوجته وانا مقتنعه فيه بعد زواجي منه كنت مبسوطه معاه طبعا في مشاكل بسيطه زي اي
مشكله لإثنين توهم متزوجين بس صارت مشكله كبيره بعد ماولدت بنتي يمكن بشهرين وما اقدر اذكرها
وبدأت بعد هاذي المشكله طريق طويل مليان هموم مع زوجي والله يابنات ما نروووق شويا ونفرح مع بعض
الا تطلع مشكله جديده وجلست على هذا الحال 3 سنين وصابني اكتئاب وتغيرت شخصيتي كثيييييييير وماعلمت احد من اهلي الين ماصارت مشكله كبييييره بعد ماولدت ولدي عاد وقتها انا انفجرت ودخلت ابويا في
الموضوع وطلبت الطلاق لاني صرت بأنجن منه أدور السعاده معاه ماني لاقيتها والمشكله متأكده مليون بالميه
محبته الكبيره ليا بس افعاله ما اتحملها وانا يعلم الله اني احبه بس تعبت عشان كذا طلبت الطلاق وهوا انصدم
وجا لابويا وقاله انا غلطان وبنتك غاليه عليا وو الله يابنات انه كان يعايرني يقول اتحداكي تسيبيني اصلا ماتقدرين
عشان بنتك يعني كان ذالني عشان كذا انصدم لما عرف اني طالبه الطلاق ووالله انه حتى دموعه نزلت قدام ابويا
وهوا مو اي شيء يبكيه المهم رجعت بيتي وطبعا فرحنا فتره بسيطه ورجعت المشاكل والهموم ومن يوم مارجعت انا لاحظت اني تغيرت من ناحية علاقتي مع الله عزوجل يعني اول انا الا الصلاة عندي الحمدلله اصليها
بخشوع واحس بعدها راحه اما من يوم رجعتي للبيت وانا ماني قادره اخشع وزادت ذنوبي يعني استهون الذنب
مثلا اتفرج فلم عاااادي اما اول اجاهد نفسي ما اشوف وطبعا زادت ضيقتي وزوجي صارت معاه مشاكل نفسيه
ياناس ريحوني هل هاذي علامات حسد من يوم ما تزوجت ولا سبب مشاكلي معاه بعدنا عن الله يابنات انا خايفه
من ربي انا خايفه وافكر بأشياء غلط زي ان يمكن ربي مايحبني انا وزوجي عشان كذا تايهين بطريق الضلال
والله اني اكتبلكم هذا الكلام وقلبي يعورني لاني احب اهل الخير بس مدري ايش فينا احس اني من يوم مارجعت
بيتي وانا حالي معاه للأسوأ طبعا في ايام حلوه بس قليلة وصار زوجي دائما يردد ويقول احنا مو طبيعين اكيد فينا عين او محسودين شوروا عليا تشوفون من قصتي ان فينا عين او حسد شوروا علي يا وخيييييييييياتي تكفون
وسامحوني كلامي مقربع جالسه اكتب بسرعه
أحبكم
يلزم عليك تسجيل الدخول أولًا لكتابة تعليق.
اليدي من الخبر
•
طيب سهلة شغلي سورة البقرة بالبيت مرة في صباح ومرة في الليل ومرة وحدة تكفي ولا اقري يا الغالية ... والعين حق اختي وياليت تلتزمين باذكار الصباح والمساء والاستغفار.
اللهم يارحمن يارحيم اصلح والف بينهم
اللهم ان كانت مبتلات بحسد فاشفها
اللهم اشفها اللهم اشفها
اللهم ان كانت مبتلات بحسد فاشفها
اللهم اشفها اللهم اشفها
طيب سهلة شغلي سورة البقرة بالبيت مرة في صباح ومرة في الليل ومرة وحدة تكفي ولا اقري يا الغالية ... والعين حق اختي وياليت تلتزمين باذكار الصباح والمساء والاستغفار.طيب سهلة شغلي سورة البقرة بالبيت مرة في صباح ومرة في الليل ومرة وحدة تكفي ولا اقري يا الغالية ......
ان شاء الله بأحاول أقرأ سورة البقره بس ما ادري تشوفين فيني اعراض حسد او عين؟؟
واشكرلك مرورك حبيبتي
واشكرلك مرورك حبيبتي
اللهم يارحمن يارحيم اصلح والف بينهم اللهم ان كانت مبتلات بحسد فاشفها اللهم اشفها اللهم اشفهااللهم يارحمن يارحيم اصلح والف بينهم اللهم ان كانت مبتلات بحسد فاشفها اللهم اشفها اللهم اشفها
آآآآآآمين الله يجزاكي ألف خير وربي يسعدك زي ما اسعدني مرورك
الله تعالى اعلم بس كل شي وارد و ادري انه شي بسيط ممكن يزول بقراءة القران والتزام بقراءة القران وبذات بسورة البقرة ! بتوفيق غاليتي
الصفحة الأخيرة