يمكن موضوعي غريب بس تعالوا ( للأخوات المطلقات او على وشك الطلاق

حبيياتي كيفكم
أشكركم لدخول موضوعي , بس حابة أسألكم سؤال راح يتحدد فيه مصير حيااااااااااااااااتي مع زوجي

بنات حواء أنا متزوجة ولي ولدين وبنت ,زوجي لا يطااااااااااااااااااااق لسانه بذئ , قليل أدب , تعامله تحقير وبس , يضربني في أي نقاش وتختلف درجات الضرب حسب النقاش , ما استمتع معاه في شيء , حتى في الطلعة نطلع نتنكد , حتى السفر نسافر نتهاوش يقول(لاتقولين ابغى اروح اي مكان ) يعني مالك رأي نهائيا , يدخل فيكل شي في حياتي في نومي وقومي في عيالي في كل شي , يحاول يمنعني من العالم الخارجي مع اني احب الناس واموت في الاجتماعات , أمي مااروح لها الا مرة في الاسبوع , وامه نازل عندها كل يوم , بيتي ما يفظى من عزايمه رجال داخل ورجال طالع وغصبن عليك تتفنين ( لاحظوا غصب مو فضلا أو الله يعافيك ) , يبدي أهله علي في كل شي , يطقني عشان عيالي , وعيالي يشوفون ضربه لي ومشاكلنا , وصاروا يحتقروني, لي متزوجة 8 سنوات والحمل غصب عني تخيلوا من اطلع من النفاس وانا اتهاوش معاااااااه على موضوع الحمل , يعني انا عنده آلة تفريغ وتفريخ ,

هذي حياتي
طبعا أنا موظفة ولله الحمد , وأمي قرة عيني تقولي تعالي عندي وتطلقي منه , وانا خلاااااااااص أكرهه من كل قلبي , بس اقول ابقعد عشان عيالي ,مع ان عيالي بيكونون عند اهلي معززين مكرمين , بعد آخر مرة ضربني عشان عيالي ليش ولدك نام 10 ليش مانام 7 , خلاااااااااص ,

انا الآن قلت له ابقعد عشان عيالي بس , يعني انت بغرفة وانا بغرفة ومسؤؤلةعن عيالي والطبخ, طبعا الحين مشينا على هالنظام وكل شوي يسأل الشغالة والعيال من لبسكم من حط الفطور من من من ؟


السؤال اللي أبسألكم إياه بعد هالمقدمة الطويييييييييلة

للي تطلقت واو في طورالطلاق قولوا لي شلون اقدمتم على هالخطوة , أختيتقولي انت جبانة ماتبغين تقدمين على خطوة وانا اقولها لا منيب جبانة بس يوم فكرت في كلامها اكتشفت اني جبانة فعلا انتم علموني شرايكم وكيف اقدمتوا وللعلم عيالي بيستفيدون الدلع من الطرفين بدل حياة الطقاق اللي يشوفونها , عاد انا قلت له ان رفعت يدك مرررررررة ثانية خلاااااااااااااص وهذا فعلا نيتي اني اتطلق , انا عمر ي25



كلامي مو مرتب اعذروني بس ابغى احطكم في الصورة يالله دلووووووووووني