يممممممممممممممممممم يمي

السلام عليكم ورحمة الله وبركاته


تقبل الله طاعاتكم ..

سويت لكم عيش بالماش او رز بالماش والدجاج ..

المقادير

دجاجه
رز مغسول ومنقوع
شبت يابس
اذا ما عندكم يابس عادي جيبوا الشبت الطازه مفرومه طبعا
ملح وبهارات مثل ثوم بودره وكركم وبزار واللي تحبون
ماش منقوع ومسلوق

الطريقه
تغسل الرز وتنقع في الماء
وتنقع الماش في الماء

وبعدين تقطع الدجاج بعد غسلها وتنظيفها الى 8 قطع

نسلق الماش في الماء وراح تاخذ وقت تقريبا 20 دقيقا المهم راقبوا الماش الى ان تستوي

نجيب مقلاة التيفال ومن غير ما نحط اية نقظه زيت نسخن المقلاة ونبهر الدجاج تبهيرا جيدا وما نخلي بهار الا نحط فيه ( على كيفكم طبعا ) بس مو وايد يعني تبهرون الدجاج عدل ..
ونحط الدجاجة في مقلاة التيفال ونغطيها بالغطا وهي راح تطلع ماي وزيت ونخلي الدجاجه لين ما تستوي وتتبخر الماي ويتم بس الزيت وتتحمر بالزيت لاحظو ان احنا لا حطينا ماي ولا زيت هي اصلا راح تطلع الماي والزيت ..











خلاص اوكي لحد هني ..

الحين عندج الماش والدجاجه ..
نروح للرز .. نغلي ماي وملح ونحط الرز في الماي اذا عندج الشبت يابس نصبر اشويه اما اذا الشبت طازه فنحط الشبت مع الماي والرز .. وقبل لا يستوي الرز بدقايق نصب الماش على الرز ونحركه اشوي وبعدين نصفي الرز اوكي ..

اوكي تجيبين قدر او طنجره وتحطين طبقه رز واذا الشبت يابس تحطين الشبت على الرز وتحطين الدجاج وطبقة اخرى من الرز والشبت هذا اذا ( ما حطيتي شبت طازه )
يعني يا شبت طازه حطينه مع الرز والماي او شبت يابس وتنثرينه فوق الرز بعد ما تصفينه من الماي
واخيرا كم من ملعقه من الزيتوتحطينه على نار هاديه لتستوي الرز .. واخليكم مع الصور