تاني طبق إلي هون
اللفت المحشي بالخطوات والصور
رح أبدأ بالموضوع مباشرة وبلا مقدمات
أول شي اختاري حباي اللفت مابين الوسط والصغيرة...الكبيرة خليها للمخللات مو للحشي
قشريها من برة بالقشارة واحفريها بحفارة الكوسا
لا تخلي طبقتها رقيقة كتير
بتكوني جهزتي الحشوة اللي هيي عبارة عن
رز مصري منقوع
ملح وفلفل
كزبرة مطحونة
لحمة مفرومة كميتها قريبة من كمية الرز
3 ملاعق كبيرة زيت زيتون
ممكن تضيفي بقدونس مفروم ناعم
نبدأ بحشي حبات اللفت
هيك بنكون أنهينا كل الكمية
طنجرة على النار وفيها زيت....نسخن الزين ونضع فيها حبات اللفت
اذا شفتي الزيت غلي منيح نهدي النار على الآآآآآآخر وغطي الطنجرة
بعد فترة بكون بدأ يتحمر ....اقلبيهم وارجعي غطيهم
وهاي بعد ما جهزت الكمية
لا أحد يرد......
:
:
:
بهاي الأثناء بنكون حضرنا المرقة وهيي عبارة عن
ملعقتين كبار طحينية وعلبتين زبادي((ممكن استبدال احداهم بالقليل من جميد الكسيح))
عصير حبة ليمون
ملح
فلفل
نخلطهم في وعاء بعدها نصبهم في طنجرة وعلى النار مع التحرك المستمر حتى يغلى
نضع حبات اللفت المحشية والمقلية في الطنجرة ونهدي النار لما تغلى عليهم
نتركها مابين الثلث ساعة والنصف ساعة حتى تستوي حبات اللفت
وهاي لما جهزت وزينتها بالنعنع الناشف
وهاي صورة أقرب
ملاحظات:
اذا كان اللفت مر ممكن بعد الحفر والتقشير تنقعيع بالماء والملح ما يقارب الساعة
وممكن تنقعيه وتتركيه بالثلاجة ليلة كاملة وتاني يوم احشيه واقليه
........
اذا كان عندك شوربة منسف ممكن تعملي اللفت فيها بكون طيب كتيييير بإضافة ملعقة طحينية
.............
لما تحفري اللفت ....اللي بتكوني حفرتيه وطلعتيه من كل حبة...انقعيه بماء وملح وحطي معه قرن فلفل وحطيه بالتلاجة
تاني يوم صفيهم من المي وحطيهم بمرتبان وحطي فوقهم ماء وملح وقطعه شمندر ليصير مخلل بعد اسبوع
وصحتييييييييين وعافية يااااارب
أي سؤال أنا جاهزة للرد