زي ما كتبت بالعنوان هذي الصينيه خذتها معي لاهل زوجي وكانت لذيذه وهذي الصينية اخذتها من كتاب امل الجهيمي وغيرت وبدلت في بعض الاشياء..
اول شي تاخذين 3 بطاطسات وتقطعينهم وتقلينهم وتنشفينهم من الزيت وتحطينهم بالصينيه زي كذا
بعد كذا تحمسين لك بصل مقطع انصاف دوائر وثوم مع شوي ملح وفلفل اسود
وبعد كذا تكونين مقطعه دجاجه كامله او صدور اذا حبيتي الى قطع صغيره
وتحمسين الدجاج مع البصل والثوم
وبعد ما يستوي الدجاج تحطينه على البطاطس
وبعد كذا المفروض تحطين مخلل خيار بس انا ما كان عندي فحطيت خبز محمص
بعد كذا تخلطين بالخلاط ( ملعقتين طحينه + ملعقتين زبادي+ بودرة ثوم+ ملعقتين جبن سايل+ نصف علبة قشطة+ نص الى ثلاثة ارباع كاس ماء)
وبعدها تصبينها على الصينيه
وبعدها تدخلينها الفرن على درجة 350 (كهرب) ولما تجمد الخلطه تحمرينها من فوق شوي وترشين عليها سماق
وبالعافيه على قلوبكم
ما شاء الله تبارك الله لا حول ولاقوة الا بالله
:)