حلاه العرس بدون اطفال
هم خراب العروس

اللي ما عندها مكان لاطفالها عادة ما تحضر المناسبه لان اهل العرس ما تكلفوا عشان عيالك يجون يحوسون ويقطعون الورد

ثانيا الحريم لحالهم حوسه واقل عرس 300 حرمه يعني فوضى و اهل العرس مو فاضين لهم عيالك فوق هم الصبابات والطقاقات والاضاءه والمصوره والماكييره والكوافيره والشوكولاته والبوفيه و مديرةالصاله وسوالفها و ادارة الاوتيل و شروطهم و دخلة العروس وزفة العروس و ترحيب بالضيوف و تعديلات اخر لحظه والشاي خلص و مويه حاره و فلانه متشرهه عشان ما قالوا لامها وفلتانه طاحت و تفشلت وتعالي يا راعية العرس طيبي خاطرها و بندول و صداع و اضحكي حتى للي تتريق على عرسكم بوجهك !!

تتوقعين ولدك او بنتك .. بيكون اضافه حلوه للعرس ؟؟

يختي محد بيروق يطارد ورا عيالك ولا تضحكين على نفسك وتقولين انا بانتبه والا عيالي مؤدبين !! نكته قديمه هذي !!

مره صارت بعرس اختي وحده الله يهديها جايبه بنتها ((على اساس عيال الخالات والخوال والعمات والاعمام عادي يجون حتى الصغار وهالشي خطأ ترى))

بنت عمي هذ كانت يمكن 7 سنين !! و شيطانه وتركض ستاندات الديكورعلى طول الممر قزاز و فيها ديكور واسماك و جل و ورد وشموع وخرابيط... و كل ما وديتها لامها ما الاقي مرت عمي تسوي شي بس تقول لي يوووووووه الله يقطع شرها .. مريم عيب يا ماما تتشيطنين!!

يعني الحين مرا حلت المشكله وانا ما لي خلق و اتحرك من هنا لهناك واوجب واسلم و اركض فوقاعطي اختي شوكولاته عشان تعطيها طاقه
وندق عالماكييره ما جات
و الراقصات بالعرس ما جاوا ولا استعدوا
والتصوير
و صديقاتنا
واهلنا ((اللي جايتك تتميلح .. اخوي يقول خلوا الطقاقه تغني على امي !! واللي تقول نبي الطقاقه تغني على خطيبه ولدنا واللي تقولك نبي الاغنيه الفلانيه
واللي تقول لك اختي ناسيه بطاقتها كلمي الرسبشن يدخلونها !! واللي تقول لك عادي ولدي يدخل ؟؟ تراه والله مؤدب))


ساعتها انا بدوامه وصرت احقر الناس ولا اسمعهم وانا امشي عشان صكوا راسي
وبنت عمي مريم ضربتها على يدينا ووديتها لامها تبكي .. انا ما احب الضرب بس امها خلتني اضربها
زعلت او ما زعلت .. مرت عمي على عيني وراسي بس اللي يحشم نفسه الناس تحشمه .. واللي يبي يحفظ عياله يحافظ عليهم!!

و مرت عمي ترى ما زعلت بس تفاجأت لكن ما قدرت تقول لي ربع كلمه .. و انا اعتمد هالطريقه حتى بالعزايم الكبيره بالبيت
يجون حريم و تطلعين شوكولاته و حلى وموالح وبوفيه وتجي عمتي بولدها الى الان وهو رجال عمره 8 سنين وسطنا .. لا معليش
بينضرب على يده ضربه يتذكرها لكن ما تؤذيه .. لان امه بالتصريح ما فهمت.. فمضطره انا احافظ على عزومتي او حفلتي ..

و الام اللي تسوي نفسها تطنش و تمرر السالفه .. صارت تراجع نفسها و تحترم وضعها .. يختي لا تجين ..!! تصير جيتها كريهه ونقول متى بس تطلع!!

احس حركة الاطفال بالزواجات خلاص صار كل واحد يعرفها من نفسه حتى بزواجات الاقارب او عزايم البيوت ماحد ياخذ ولا طفل لان الناس متكللللفة والاطفال يتصرفون ببراءه وتلقائية ومايقدرون هالتكاليف وخاصة اذا كانو مجموعة اطفال راح يتلاقون بالزواج يعني ابو الفلة :o

بصراحه الام مالها ذنب في شقاوه عيالها،لانهم اطفااااااال لو ينضربون لو تهددينهم .او تعطيهم مكافأه بيسون اللي يعجبهم ،،واللي تلومهم اقولها باقي يجي يوم ويحرجك طفلك بشقاوته :p

والله حاله مشكلت الاطفال مشكله انا اتكلم عن نفسى اذا ما كانو عيالى بايدى امينه ماروح الفرح عندى الاول كرامتى انا وعيالى ومحنا ميتين اذا ما حضرنا الفرح بس اهم شى اهل الفرح لايشرهو على الناس الى ما تجيهم وعندهم اطفال هما مايبغو اطفال وكمان ما يبغو الناس ما تجى يالله حلوها00000000وكمان انا ايدالفرح بدون اطفال000ماقلكم صعبه