يمه....تكفين إسمعيني ...

السلام عليكم ورحمه الله وبركاته


..×( يمه مريولي توسخ )×..
.... يمه....تكفين إسمعيني ...

يمه بسألك شئ ..

جاااوبيني ..

هو صحيح اللي مات ..داخل القبر يصير حي .؟!.......

يمه ....أسمع أنا صوتك ..كل يوم أسمعه ..

وإذا أحاكيك هاوشوني ..

قالولي إنسي ...يلا روحي إلعبي ...يمه تعالي ارجعي...

والله خلاص بسمع كلامك .

ما أخرب ألعابي...

وإن قلتي يلا روحي نامي ...أروح حتى ماتزعلي ...

* يمه تكفين ارجعي * اليوم حطت لي المديرة !!..نجمة من فوق جبهتي ..

سمعتها تقول: مسكينة ها البنت صارت يتيمة ...قالت لها أبله { منيرة } مسكينة توها صغيرة ...

يمه وش كانوا يقصدون ..؟!...يمكن عشاني صرت عاقلة ...ولا عشاني دايم اسرح ..؟!......

يمه توسخ ...ماكان قصدي اوس خ ه ...بس تذكرت انك تقولي ...بعد شهرين.....بشتري

لك لبس ثاني...يمه تعالي اشتري...

يمه عرفتي مها ..؟!....صديقتي اللي معي ..!! زاعلتني !!...تقول صرت ما أضحكها ...راحت تدور

غيري ...عشان تلقى أحد ...

يمه ..يلا خلاص لا تمزحي ...يلا قومي ....تعالي معي للبيت ارجعي ....... يمه ...يمه نسيت

شئ ..بقولك ترى بيتنا صار فاضي ...وكل اللي فيه أنا وأخواني ...ليه وين أقاربنا ..؟!...وين

خالتي .؟!...اللي كانت تجينا ..

.يممه قومي يالله تعالي ...تكفين يالله تعالي .....ماودي ارجع .. والله خايفة ..

ترى أمس جيتك ... مارديتي ...حسبتك نايمة ...

أو أقولك ...خلاص خلاص ..أنا بجيك * بكرة *إذا راحو الناس من هنا ...تكفين يمة ....

تكفين يمه ارجعي ....