يمه علامك ردي الصوت تكفين
ردي علي الصوت لا تذبحيني
اصرخ وانادي واتبع الصوت صوتين
يمه و يمه لين باح الكنيني
قالوا علامك لاتخلي المصلين
بوسط الجنايز مايجوز الونيني
امك خذوها من رجوه المصلين
شف دارها مابين رمل وطيني
خذاني الهاجس وانا بين نارين
قبل آصله مابين شك ويقيني
استغفر الله ليه ياحظي الشين
حتى المنيه ماتبيها تجيني
يمه حياتي ارهنه بين كفين
كفينك اللي عطفها محتويني
يمه حياتي لو تساوي ملايين
فدوه .. و فدوه مابقى من سنيني
يمه وداعك زود الهم همين
هم يروح وهم بعده يجيني
يمه وداعك زود الهم همين
هم يروح وهم بعده يجيني,,
.
.
يمه عساني ما أزعجتـك يـا يمـه
أحس في صدري عذاب وحرقه
يضمني حزني وأنا حيـل أضمـه
كأنه ضناي وشوفته شوف ضيقة
يمه وأنا بنتك وإذا قلت يمه
شوفي لحزنـي والمواجـع طريقـة
ضميني لصدرك ثمانين ضمه
ضمة عشيـق ٍ مايفـارق عشيقـه
وكانك سألتي خاطري ويش همـه
بعلمك وأبي جواب الحقيقة
ليه الزمن اليوم مافيه ذمة ؟!!
وليه الطعون اللي بظهري عميقة ؟!!
وليه الولد يبوق في بنت عمه ؟!!
وليه الرفيق يخون عشرة رفيقه ؟!!
وليه أنخدع في ناس كانت مهمة ؟!!
ويوم أكتشفها وهم ماله حقيقة ؟!!
وليه الذي وقت الرخا كان قمة ؟!!
و وقت الشدايد مالقينا طريقه ؟!!
وليه الحسد يمي من عيون عمه ؟!!
وليه الخطأ لو قلت كلمة رقيقة ؟!!
أزيد يمه ولا كافي مغمه ؟!!
أشوف عينك من هماها غريقة
يمه دخيلك آسف آآآآآهـ يمه
كـنـي جرحتك وأنتي أغلى حبيبهـ
.
من ايميلي
يعطيك العافية اختي عالنقل ..