يمه وش الدنيا بدونك

السلام عليكم ورحمة الله وبركاته كيفكم يابنات ****لله بخيرلي فتره مادخلت المنتدى ماادري من وين ابتدي موضوعي قبل فتره نزلت موضوع ان امي مصابه بالسرطان طبعا كان منتشرونفسيتي جدا تعبانه وطلبتكم تدعون لها وانتم ماقصرتوا مادري وش اقول بس ابن ادم ماله الا المكتوب بعد عناء ثلاث سنوات والمرض مااكتشفناه الا من سنه وحده بس امي حبيبتي توفت يوم الخميس ليلة الجمعه الاسبوع اللي راح وصلوا عليها الجمعه اااااااااااااه يابنات ماتتخيلون الموقف اللي صارلي لما وصلني خبروفاتها احس بسكينه دخلت بقلبي لحد هالحين ماني مصدقه ان امي ماتت احس انها فالمستشفى وبترجع كل مادخلت غرفتها اتخيلها تصدقون لحد هالحين ماشلت اغراضها وملابسها كل مافتحت الدولاب اشوف اغراضها اقعد اصيييييييح اتخيلها فالبيت اذادخلت المطبخ احسها واقفه وراي مادري كيف اوصف شعوري فقدان الام صعب صعب واللي فاقدها امها بتحس باللي انا احس فيه مابي اطول عليكم بس كلام بقلبي ابي اقوله اول ماكتشفنا ان امي فيها سرطان جلسنا 8شهور نبي ندخلها واحدمن مستشفيات الرياض تخيلوا مافي ولا مستشفى استقبلناالا بواسطه طيب اللي ماعنده واسطه وش يسوي يموت من المرض المهم اخر مستشفى راحت له الجامعي قاموا يتفلسفون ويقولون مافيه سرير وليه ماجبتوا تحويل المهم ماعطونا وجه ورجعت البيت بعدها بشهرواحد من الاقارب جاب واسطه ودخلت المستشفى نفسه الجامعي تخيلوا دخلوها ماقالوا ولا حرف عشان الواسطه مافي ذمه وين الخوف من الله المهم بعدماكشفواعليها طلع منتشرفالقولون والكبد واللامعاء والمعده والرئه واكتشفوا جلطه فالرئه الدكتور يقول وينكم عنها من زمان ليه ماجبتوها قلنا كل مارحنا مستشفى يرفضون الا بواسطه حسبي الله ونعم الوكيل فيهم طلعت البيت وجلسنا في حال مايعلم فيه الا الله امي عانت كثير واللي مجرب مرض السرطان راح يدري باللي انا اقوله واحس فيه ااااااااااااااااااه يابنات اشوف امي تتالم وتذبل يوم من يوم قدام عيني وانا مابيدي شي اسويه قبلماتتوفى بثلاث اسابيع معاد كلت اكل ولعاد تقدر تتكلم اغصبها يمه لازم تاكلين مافيه تعباااااااااااانه مره قلنا تروحينالمستشفى رفضت جبنالهاالدكتور فالبيت صاريعطيها كل يوم مغذي بس يقول هذي تعبانه مررررررررره لازم تروم المستشفى المهم بعدها بيومين يوم الثلاثاء استفرغت قطع صغيره مثل قطع الكبده شفتها خفت بغيت انهبل قلت يمه تروحين المستشفى قالت ايه اول مره توافق سبحان الله مكتوب انها تتوفى فالمستشفى وديناها نفس المستشفى اللي تراجع فيه تدرون خلوها ليله وقالوا بنطلعها في مريض احق بالسريرهذي مالها علاج هذي الله يتولاها برحمته هاوشناهم قلنا حرام متخافون من الله الحرمه تعبانه عالاقل خلوها عالمغذي من 3اسابيع ماكلت شي بعدها بيوم توفت ماجلست عندهم الايومين خلهم يشبعون بسريرهم توفت وارتاحت من العذاب اللي هي فيه الله يرحمك يايمه ويجعل مثواك الجنه امي مبطونه والمبطون شهيد لما شفت امي وهي ميته سبحان الله رجع نفس وجهها الاول اللي قبل المرض ومبتسمه وكانها نايمه وهي مريضه شعرها صارابيض من المرض مع ان امي سنها في الاربعينات وهي ميته رجع شعرها اسود مافيه ولا حبة شعره بيضه سبحان الله اللي غسلتها تمدحها تقول من اهل الجنه بنات امي توفت وابوي راضي عنها ومحللها وباييحها ابوي مريض فيه جلطه من 6سنوات وهي اللي قامت بخدمته ماقصرت فيه ماخلت احدغريب يقوم فيه اويتكشف عليه ابوي يدعيلها ليل ونهاربنات صح فراااااااق الام صعب بس داخلي مرتاحه للاني قمت بحق امي وهذاواجبي ناحيتها طول مرضها ترفع يدينها وتدعيلي ياالله اذا سمعتها تدعيلي انبسط واحس برااااااااحه نفسي اعطيها عيوني راضيه عني والحمدلله هذا اللي انا ابيه بنات ادعوا للامي بالرحمه والمغفره والله يطول بعمر ابوي ويشفيه ويخليه لي ماعندي فهالدنيا الاالله ثم هو لااخوان ولاخوات ويخلي لي زوجي وعيالي ويصلحهم ويهديهم