يمه يادنيا بالفرح تزهر

كبر هذا الفضا واكبر .. عدد هذا الرمل واكثـر
احبك كثر ما قلبك يحب صمت مـن الخاطـر


يا قلب الطير يا يمـه يـا دنيـا بالفـرح تزهـر
يا ريح العطر في ثيابي .. يا يومي وامسي وباكر


انا مشتاق لك شـوق الصحـارى لسمـا تمطـر
من اللهفه صحيت اليوم انادي اسمـك الطاهـر


انادي باسمها ":. يمه .:".. يا يمه والله ما اقـدر
افارق شوفتك لحظـه صعـب يمـه ولا قـادر

ترى فرحي انا شوفك وايذا غبتـي انـا اتكـدر
احـس بغيبتـك ضيقـه تمزقنـي وانـا صابـر

لانك فرحتي وملـح الحيـا والعـذب والسكـر
بدونك شاحت ايامي وايذا جيتي المطـر هامـر


انا وربي معي شاهد معـك ضيقـي انـا اتغيـر
بديت افرح بديت احلـم بمستقبـل حلـو زاهـر


منو الي غيرك في بعّدي يحاتي غيبتـي ويسهـر
منو غيرك فديتك موووت انا لجلك نعـم ساهـر


تعالي شوفي وش كاتب احاسيسي وسـط دفتـر
وربي ما تساوي شي .. انا في قلبي حكي شاعر


انا قلبي طفل شافـك تعلـق فيـك مـا يصبـر
لمح روح الحنان الـي اشوفـه اصبـح النـادر

انا يامي الحبيبه":. موت .:" احبك فوق ما تصّور
عشانك ارخصه روحي .. تحت امرك انا حاضر


اخيرا .. ما بقى عندي سوى دمعي على الاسطر
بقولك شي يا يمه .. يـا قلبـه ولـدك الشاطـر


ولا عمري بكيت بشـي وعينـي لحبهـا تمطـر
احبك حب ما يقدر علـى وصفـه ابـد شااعـر




/
\

/


عساك بدنيتي دايم ..

يمـه يـا دنيـا بالفـرح تزهـر ....


:39: أختم في الله:
أكبر همي رضاأمي