يمين بالله قلبي يحترق ....💔

بسم الله الرحمن الرحيم
السلام عليكم اخواتي
انا بكتب لكم قصتي وياليت احد يساعدني لأني أحس اني يائسه ومحطمه 💔
انا تزوجت وعمري 16 كانت اول سفره لي شهر العسل وكان زوجي يشرب خمر وانا ماكنت اعرف انه خمر كنت اشوفه لمن ياخذه يتغير علي وكان يوديني محلات مراقص ويرقص مع بنات ويقول لي عيب لا تتكلمين معاي هناك ولا يحب اني امشي معاه ( اعتذر على الشفافيه ولكن ابي افضفض لكم ) وكنت ما اعرف هذي الأمور لأنا انا تربيت في بيت اهلي لا نطلع ولا نروح ولاشي حتى عيال عمي لو اشوفهم بالشارع ما عرفتهم المهم اني عقب فترة حملت اول طفل لي وبعدين ساءت حالتي وحتى انا حامل في اول طفل يضربني ويسهرني على يومين متواصلين و يشرب الخمر في البيت ويهربه من واحد يجيبه له المهم ان كل يوم ضرب ومعاناة والم انجبت اول طفل وثاني طفل وثالث طفل وانا اعاني نفس المعاناة بعدها رحت لأهلي ابغاهم يساعدوني و ابي حل ماقدرت اصبر كل يوم ضرب بضرب ويضرب عيالي وهو سكران ، ابوي قال لي لك حلين يا انك تروحين تكملين حياتك مع زوجك لأن ما عندنا بنات مطلقين او انك تتركين عيالك عنده وتجين انا ما اتحمل عيالك ابوي الله يرحمه كان قاسي علينا ورجعت علشان عيالي لأني مستحيل اخليهم وبعدها زوجي يسافر ويعاشر النساء ويصرف مبالغ كبيييييرهه بشكل غريب !! واحنا بالبيت ما نحصل لنا شي ناكله لولا امي تجيب لنا خبز وبيض ومن هذي الأشياء البسيطة لدرجة ان لمن يجي زوجي من السفر يقهررررني ويوريني ارقام تلفونات البنات اللي عاشرهم و اساميهم و صور لهم وهم عاريات ويقول لي شوفي اجسامهم مو جسمك انتي مقرفة انتي دبه ومن هذا الكلام اللي يجرح قلبي ومع هذا كان وزني 75 وبعض الأحيان ياخذنا نسافر برا وياويلي ان قلت لا ما ابغى اسافر ويضربني بالسفر كثيير ويعذبني من الضرب وعيالي يصيحون ويرتعبون يخافون منه ويعزم اجانب ويخليني اطبخ مثل الخدامة و يقعد البنات على رجلينه ولا يبالي فيني ابداً ولا كان يصلي تحملت كل هذي الأشياء الين كبروا عيالي وترك زوجي الخمر في عام 2009 ولكن ما ترك الكلمات البذيئه و بعض من الضرب بس الحين خف شويه علشان ايش ؟ تخيلوا يقول لأن ابوك وامك ماتوا وصرتي يتيمه مراح اضربك .. ولكنه مستمر بالكلام الوصخ و مكالمة النساء و المغازلة وللعلم احنا منفردين هو بغرفة وانا بغرفة من اول طفل انجبته ويكره اني انام جمبه او حتى امشي جمبه ويقول لي في بنات قبايل في مخيمات اصدقائه من اجمل البنات اللي يجون من قبائل معروفين !!! ححححرق قلبي يااناااس 💔💔 قلت له طيب تزوووج احسن من الحرام وياليتني ما تكلمت جاني شي ماشفته بحياتي هو من ضرب ولا كلام ولا ايش 💔💔💔 قالي لو ابغى اتزوج كان تزوجت من زمان بس انا ما ابغى افتح بيت ثاني مصاريف وطلبات وللعلم الآن انا عمري 51 وهو 63 تتتتتخيييلووووووو كل ذا السنين وراح شبابي وانا اعاني منه !!!!!! من قبل ماكان يزور اخته الا بالست شهور مره و الحين صار داااااايما يزورهم علشان مرت ولد اخته مثقفه ودارسه وعندها شهادات ويقول لي لمن يجي البيت انا ما يهمني جمالها اهم شي انها عليها جسم حلو وعندها شهادات ومثقفة مو مثلك بليده ما تعلمت ولا درست . ودائما يكلمني عنها ويقول انا معجب فيها كثير معجب في البنت كثير ..... وبعدها تزوج اخوه الصغير وخذاله اربع اشهر وهو يحن علي ويقول كلمي زوجة اخوي ابغى اشوفها هي حلوه ولالا !!!!!! وانا اقول له ما اعرف رقمها ويهاوشني ويصرخ علي ويقول لي اذا رحتي لأمي شوفيها اذا موجودة دقي علي علشان اجي وكأنه بالصدفه اشوفها !!! 💔💔 وانا لمن اشوفها ما اقول له واقول ماجات اقسم بالله ان تعب قلبي منه لدرجة اني انصبت بالسكر و الضغط ولا يطلعني ولا يمشيني ولا شي ، و بالبيت بس قدام عيالي يقول احبك ولكن من وراهم يجيني منه سم ويقول لي لا تصدقين بس انا اقول كذا قدام عيالي ... يالله قد ايش قهرني ووجع قلبي وجاب لي المرض ولا اطلع من البيت واربعة وعشرين ساعه انا بالمطبخ طول حياتي وانا اطبخ فطور غداء و عشاء له واذا هو مرض شلته بقلبي قبل يدي 💔 وانا اذا مرضت صرت ما اقدر اوقف على رجولي يهاوشني ويلعن خير خيري ويقول انتي كسوله ودبة ومريضه وعجوز وشينه .. وللعلم ما امدح نفسي بس هذا كلام الناس اني جميله ولدرجة اني لمن اطلع يقول غطي رجلينك ويدينك لا يطلع منك شي يويلك ومع كذا يسيئ لي ولدرجة اني لا مرضت يقول لي شوفي لك واحد من عيالك يوديك المستشفى انا مالي دخل المهم الحين صاير يروح مدينة مولازم اقول اسمها يقضي فيها يومين او ثلاث ايام ويجي مبسوط و قبل لا يروح يعطيني كم كلمه توجع قلبي ويطلع من البيت مستانس والأبتسامه شاقة وجهه مع اني البي له جميع طلباته ولا احصل منه كلمة حلوه ولا يعطيني فلوس عالأقل اشتري لي شي مع اني وثقت فيه واعطيته كل حلالي من ابوي علشان اكسب زوجي ولكنه للأسف خدعني مع ان امه واخته حذروني لكن بغيت اكسبه مع انهم قالوا لي هذا ناكر المعروف لا تصدقينه ومن قوة طيب قلبي اقسم بالله اني كنت واثقه فيه لكن للأسف خدعني 💔💔 انا الحين ما عندي اي احد يفهمني ولا احد بجمبي يواسيني غير بنتي 💔 مدري وش اسوي امس و اليوم وبكرا وكل يوم يحرق قلبي 💔 عالأقل ادعولي 💔 لاتنسوني من دعائكم 💔