ينطبق عليهم كلام ابن القيم

مرحبا
سبحان الله بعض البشر مدري كيف اسميهم اذا شافت فيك عيب الا لازم تقوله واذا تخلصتي من هذا العيب لا يمكن تمدحك مثلا انت زاد وزنك تجي وحده اول ما تشوفك تبقق عيونها وتقول يوه يا فلانه سااااامنه وبعد ثم ما شافتك الا بعد فتره طويله بعد ما سويتي حميه ونزل وزنك وتشوفك ولا تعلق ولا شي وتسوي نفسها مو ملاحظه أيضا الي تشوف وحده وتقول يوه وجهك مليان حبوب واذا شافتها بعد فتره وقد تعالجت ووجهها صار صاف مره ابدا ما تعلق ولا تمدح أيضا مثال اخر انت تأخرت في الحمل وها الموضوع تتحسسين منه الكل اذا شافك يسئلك ما حملتي والي تنصحك بطبيب الفلاني ووووو اذا الله أكرمك وحملتي ابدا هذيك الي كانت مزعجتك ولا باركت ولا حتى يوم ولدتي كذالك الي تزعج الغازيات برمي الكلام إذا تزوجت ها العازبه والله اكرمها ابدا ولا كنها تعرفها الخلاصه ليش بعض الناس لا بل أكثرهم يركزون على عيوب الناس ويقولون في وجيههم لكن ابدا ما يمدحونهم اذا زالت ها العيوب منهم شعارهم انتقد ولا امدح ينطبق عليهم كلام ابن القيم بعض الناس ما الذباب لا يقع الا على الجرح فهل مره عليكم ناس زي كذا