تعبت اقوم واطيح :

ياقلبي وسعي الخاطر واذكري الله وقولي الحمد لله انا قالوا لي عين وحسد ومس وسحر قولي الحمد لله وسعي الخاطر ياقلبي انتي توك صغنونه والحمد لله ربي دلك علينا عشان نعلمك وش تسوين غيرك يفوت عمره كله ولا يعرف وش علته وضايع بالطوشه الله يفرج همج وغمج حبيبتي اسمعي نصيحتي انا تميت سنين طووووووويله افكر بالتشخيص هو سحر ولا حسد هو عين ولا مس بس التفكير بالتشخيص مارجعني الا لورى مافادني تدرين ليه لاني اجلس افكر واوسوس من اللي يكرهني انا طيبه انا حبوبه ليه سوو لي سحر طيب انا كنت بزر يوم تعبت معقوله يكرهوني وانا بزر وفي دوامه الافكار بس هل فادني لا تميت عشر سنين واكثر وانا بس افكر اتخذت موقف لا بس جالسه واتحسب والمريض الروحي دوم اللي حوله يقولون له انت مريض نفسي انت مافيك شي يعني لاتحاتين كلنا مثلك اسمعيني ياحلوه انا بعطيج برنامج خفيف وممتاز وكلنا تقريبا ماشين عليه والحمد لله اللي تعاني من الوسواس خف كثير وراح تشوفين بنفسك النتائج ولاتلجأين إلا الى الله عز وجل ولاتوسوسين هذا شيطان ذليل كلام الله ينزل عليه يحرررررررررقه حرق اعتبريه سجين عندك ذوقيه من نفس الكاس بل بكأس اقوى واشد كلمات ربي قرآنه وهل بعد القران شي وانا كنت مثلك بالنومه الوحده الجاثوم يجيني خمس مرات ماانام وحالتي حاله لدرجه حتى الوظيفه تركتها ونفس كلامك بالضبط انتي اول وحده بتتزوجين ولا انتي ماعليج خوف انتي بتززوجين بس حنا ومن هالكلام وتأكدي وإيقني ان ربي مابلاك الا لانه يحبج وماأخر الخير لج الا لخير لج عسى تكرهو شيئا وهو خيرا لكم وانتي توك صغنونه ورده مشاء الله تبارك الله وباين عليج قويه وفاهمه وضعج انت بديتي اول خطوه من العلاج وانا بعطيج الخطوه الثانيه والاخيره اذا اتبعتيها الجاثوم والكوابيس والوسواس والضيقه كلها بتروح واهم نقطه من العلاج من النقاط اللي بقولج تتبعينها قبعة المسك هاذي روعه انا ماوقفت الكوابيس الا يوم لبستها هاذي تخلي العارض ينزل من راسج ولا يوسوس لج انا في بداية العلاج لبستها 24ساعه وبعد ماتمكنت من نفسي وصرت احسن صرت البسها وقت النوم بس ومهما تعبتي قولي سو اللي تسويه ماراح اخليك تتم في جسمي دقيقه فهمتي التقنيه شلون يعني جسمك خلاص من هاللحظه لن يكون فندق له راح يكون عذاب في عذاب وان شاء الله سيخرج او يحترق الله ينتقم من كل ظالم واللهم امين والقبعه اذا ماقدرتي تلبسينها طول اليوم في بداية الايام رشي حق الصلاه احنا نسميه جلال الصلاه مادري وش تسمونه من جهة الراس بمسك اسود عشان تركزين بالصلاه ياقلبي وقبل الوضوء انا افضل تلبسينها واتصلين فيها افضل البرنامج هو اولا: كوني على وضوء 24 ساعه ثانيا : اكثري من سبحان الله الحمد لله لا اله الا الله الله اكبر ثالثا : تصدقي كل يوم واذا ماعندك اشتري نبته ولا سمكه زينه ان شاء الله اسقي النبته ولا اكلي السمكه المهم اعتبريها صدقه لوجه الله وصلي الضحى فهي صدقه عن كل مفصل بأذن الله رابعا :سورة البقره خليها شغاله في بيتكم 24 ساعه المسجل اللي يقلب الحالها والتلفزيون خليه على قناة المجد خليه يختم القران في بيتكم كل ثلاث ايام مره خامسا: خذي مرش وخذي ماي واقري فيه الرقيه الشرعيه العامه والمعوذات وحطي فيه ملح خشن ومسك ابيض ورشيه في غرفتك وبيتكم وادخلي موقع عبدالله الخليفه واقري عن تحصين المنزل سادسا: تمعني في نفسك توبي عن سماع الاغاني مثلا شوفي وين اللي مو صح فيك وعدليه وقولي يارب انا تبت لك توبه نصوحا ربي مابلانا الا لحكمه ربي اذا حب عبد ابتلاه ربي يبيك تغيرين من نفسك حاولي تتقربين من الله عز وجل ومن توكل على الله ماخاب اسمعي محاضرات عن حسن الظن بالله والتوكل على الله ومن ترك شيئا لله عوضه الله خيرا منه شوفي لحد الان ماقلت لك سوي كله اقولك اسمعي اسمعي اسمعي كبدايه سابعا: قبعة المسك هاذي ضروري تستخدمينها لانها بتوقف مثل ماقلت لج الوسواس الدوخه والهبوط وشعور الاغماء الاكتئاب الجاثوم الكوابيس وبتريحك واااااجد بتحسين براحه مو طبيعيه اذا استخدمتيها بترتاحين وااااجد بتلقين موضوعها في المنتدى وفيه منتدى الشيخ عبدالله الخليفه بتريحك وااااجد بتخلي العارض ينزل من راسك ولا راح يثقل عليك الطاعات وبتحسين نفسك خفيفه وانا في البدايه صرت البسها 24 ساعه بعدين صرت البسها وقت النوم بس انتي شوفي اللي يريحك وسويه كبدايه لاتبدين بدايه قويه الا اذا انتي معزمه ابدي بالتدريج عشان ماتتركين العلاج ودوم احتسبي الاجر لله ثامناَ: عليج اختي بعد ماتعملين اللي قلته لك فووق انك تبدين بعدها لو بأسبوع تقرين البقره ولو صفحه باليوم ولا قسميها على ثلاث ايام كبدايه لين تقدرين تقرينها مره باليوم وماتقرينها الا داهنه جسمك بزيت مقري ولابسه قبعة المسك وخلي جنبك مرش وحطي فيه ماي مقري وصبي معاه ماي ورد وخليه بالثلاجه ووقت ماتقرين طلعيه وكل ماحسيتي بحراره بوجهك ولا الخوف رشي على وجهك وصدرك بللي نفسك عادي وكملي لاتوقفين تاسعا: ادهني جسمك بالزيت المقري المخلوط مع مسك اسود ربع توله وادهني وقت النوم جسمك كااااااااااامل ويفضل تخلطينه بزيت حبة البركه والشذاب بترتاحين واجد عاشرا : وهذا اهم شي (( الدعااااااااااااااء)) ألحي بالدعاء اعتصمي بالله لاتوقفين علقي قلبج بالله عز وجل ربي ماراح يخليك احنا بنشجعك اليوم بكره بعدها كل وحده بتروح في حال سبيلها انتي معاك الله الرحمن الرحيم احن من قلب الام على ضناها والله اذا تعلق قلبج بالله لن تحتاجين لاي وحده فينا توقف معاج اختي اسمعي وأيقني ان الله راح يجيب دعائج ربي عند حسن ظن عبده به فأحسني الظن بالله وموفقه ياااااااااااارب الله يشفيج ويشفي جميع مرضى المسلمين وطمنيني عليج وسعي الخاطر ياقلبي

ياقلبي وسعي الخاطر واذكري الله وقولي الحمد لله انا قالوا لي عين وحسد ومس وسحر قولي الحمد لله وسعي...