السلام عليكم ورحمة الله وبركاته
صباحكم/مسائكم فرح وسروور
اللي مستعجله وماتبغى تقرا تاخذ الرابط بالاخيييير:p
حبيباتي....ما اروع لو فعلنا شي يرضي الله وشعرنا ان مافعلناه كان سهلاً جدا جدا جدا
فما ارحمك يارب العالمين
كلمات وافعال بسيطه جدا وتهد الجبال من عظمتها
ولكن نستهون بها
ترى احنا ما ندري متى نموت....وانا ما اتفائل على احد بالموووت لكن هذا شي مالنا مفر منه...
بأقولك حاجه بسيطه صارت معاي ويمكن الامهات جربوها.....طبعا هالشي اثر فيني وانا والله مو حابه اذكره لان اتعب اذا اتذكرت بس عشان تستفيدوا ويمكن يكون هالموضوع في ميزان حسناتي
انا الحين عندي ولله الحمد ولد توووه داخل 6 شهور
الله يحفظه ويحميه
بأيام نفاسي كنت عند امي طبعا اول مولود وما اعرف شي....المهم ان بيوم كنت نايمه وتاركه ولدي مع اختي....وفجأه صحيت من النوم وابـــــــــكي ومتجننه.....كنت حاسه بضييييييييقه غريبه....مو الضيقه اللي تعرفونها ومجربينها......هذي ضيقه غييييييييييييير....كنت احس بشي غريب .....كنت احس ان اكره بعض الاشخاص اللي اتسببوا لي في تغيير حياتي طبعا اللي هما زوجي وولدي......يااااعمري عليهم
المهم....ان كنت عالسرير وابكي ومو قادره اقوم من السرير....الا دخلت اختي تبغى تعطيني ولدي لان كان يبكي......ويوم شافتني حولت على امي وتقولها....وانا اجري للصاله ومو عارفه اش اسوي....واجلس على الكنب.....وابككككي....:06:
طبعا البكا من حق زمااان اللي بصوووووت
واشوي الا امي جات تجري وتقرا وتسمي عليه وانا مو طايقه شي.....واشوف اختي واقفه ومعاها ولدي ويبكي جيعان...جلست اخاصمها اقول ابعديه عني.....اكرهه....ما عاد ابغاه
(((يقول انها كأبة نفاس))))
طبعا وانا اقول هالكلام قلبي يتقططططع......واحس ان ابغى اقوله وبنفس الوقت ما ابغى
ماكنت فاهمه شعوري لحظتها
اخذتني امي وفتحت الدش بالحمام وحطت مويه داااافيه في المغطس وطلبت مني ان اشيل ملابسي وادخل واسترخي....وانا اسوي اللي تقوله وانا ابكي:06:
المهم...سويت اللي قالت ودخلت بالمغطس وانا ابكككي:06:
واسمعها من عند الباب...يابنتي استرخي واهدي واستغفري بقلبك
المهم ان خلصت ولبست ولقيتها مجهزه لي كوب حليب عليه خلطات نفاس:eek:
وانا مااااا احبها
وكنت اشوف اختي واقفه بعييييد تتفرج ومعاها ولدي وانا حزيييينه
بس مو قادره اتحمل ان اشوووفه....
كان يجي في بالي اشياء
ومنها::
ليش ولدته.....الحين يتعب في هالحياه..؟؟
باقي كثيييير لين يكبر..؟؟
ليتني اموووت بس اش ذنبه...؟؟
ليش اتزوجت....ليش ماجلست عند ابويه..؟
اش الحياه هذي كللللها ذنووووب..؟؟
يمكن انا ما ادخل الجنه...؟؟
يمكن بأدخل النار..؟؟؟؟
يمكن يوم القيامه قرب..؟؟؟
و.....و....و............الخ
اعوذ بالله
وجلست امي تشربني ويدها على راسي تقرا علي وتكبس رجلي ويدي وتدفيني بالبطانيه
يااااعمري عليها
المهم.....واشوي الا ابويه دخل الغرفه وقد سمع السالفه من اخواتي
دخل وهو مصدووووم......اول مره يسمع او يشوف كذا
وماعرف اش يقول:22:.....قال زوجك جاي...يبغى يضحكني او يفرحني..((طبعا زوجي كان مسافر))
انا بكييييييييت....لان متضايقه من اسمه واسم ولدي......
ورجعت :06:
امي طالعت في ابويه وقالت يالله كللللكم برا
وانا ابكككي واقول ما ابغاه...خليه ياخذ ولده ويروح
ما ابــــــــــــــــــــغاه
ما ابغــــــــــــــــــــــــــــــــاه
وماعاد حسيت بنفسي الا وانا ناااااايمه وكاني كنت مررررهقه
لان فعلا كنت تعباااااانه
طبعا هالشي صار معاي 3 مرات خلال فترة نفاسي....
المستفاد واللي حسيته مع وبعد هالقصه....
ان الحياه ماتسوى شي
وربي ماتسوى شي
صحيح ان انا مو ذااااك الملتزمه ولكن نحاااول نمحي بعض من ذنوبنا ولو بشي بسيييييييط
انا ما ادري الى متى اعيش:16:
المهم يابنات.....لاتنتظرون ان تجربون اللي جربته لانه وربي مو ضيقه عاديه....وربي تعععععععب
والحين احس متنكده لان اتذكرت......بس عساني الاقي اجر باللي اسويه يااااارب
انا قلت كل هالكلام بس عشان تشوفون هالرابط....وبتلاحظون انكم تسووون زيه
وزعوه عالايميلات.....والمنتديات...لعلنا نستفيد منها بيوم حاجتنا لها
اسفه عالاطاله
وهذا الراااابط
http://www.youtube.com/v/30DABi-Fino?fs=1&hl=ar_EG
يلزم عليك تسجيل الدخول أولًا لكتابة تعليق.
الصفحة الأخيرة
وعلينا أن نعمل لآخرتنا قبل ان نندم يوم لاينفع الندم
سلمتي وبارك الله فيك وحفظ الله لك ولدك وجعله من الصالحين البارين بوالديه.