منو؛؛ :

مرحبا بنات أشكر كل وحده نصحتني فديتكم ربي يبعد عنكم الاحزان والهموم اتصل علي امس وجلست نص ساعه ورجع دق مره ثانيه ورديت عليه بس الحمدلله كان يكلمني بأسلوب حلو سألني وقال كيف حالك انا وقتها ارتحت مررررررررره بعدين سأل عن ابنه بعدين قالي ارسلتي مسج تقولين تبيني بموضوع قولي ابي اسمع وتكلمت معه كذا دغري وقلت بهدوء انا وانت غلطنا ,, انت غلطت علي كثير وانا جرحتك كثير وكلنا اذينا بعض والناس ماترحم وكبرت السوالف وزعلوك وانت كنت تصدق اي شي ينقال لك قام قاطعني قال انتي خليتيني اسمعهم لو ما رحتي وتركتي بيتك كان ما اسمع لاحد ابد قلت له المهم هذا ماضي ( انا ما حبيت انبش بالماضي لانه طويل) قلت له احنا اولاد اليوم ولو بنتكلم بالماضي صدقني ماراح نخلص عشان كذا انا داقه عليك ابي اصفي النفوس وتسامحني وانا عن نفسي مسامحتك من زمان وكل يوم ادعي لك قال بس هذا اللي عندك؟ قلت ايه وانربط لساني قال فكرتك ندمانه وتبين نصلح كل شي ونرجع لبعض قلت له ليه انت توك تبيني <<<<قلبت السالفه على راسه هعع قال اصلا يهمك؟ لو يهمك ماتركتيني من اول قلت لا تتهرب وتجاوبني بسؤال انت توك تبيني او لا؟ قال وان قلت لك لا؟ قلت يعني لا قال ان قلت لك ابيك اكون كذاب وان قلت لك ما ابيك برضوا كذاب قمت انا جلست اتريق قلت مرجيحه هذي قام ضحك قال لا ونفسيتك صارت زينه وتمزحين واول نظره ما تعطيني قلت له يا ابن الحلال نهاية الكلام <<<<يقال اني عصبت دامك ما تبيني انا اقولك اللي ما يبيني انا ما ابيه بس انا اسفه على كل شي سويته بحقك وسامحني والله يعوضك ويعوضني وسكتت ابيه يقولي مع السلامه اتاري الرجال مطول قلت فيه شي؟ قال انا فيني قولون عصبي واعالج عند دكتور نفساني نسيت الضحك من يوم طلعتي ولا حطيتي لي اي اعتبار ورحتي لاهلك عصبي وارمي كلام انا ما احس فيه تقدرين تصبرين علي؟ اول انا كنت بخير ولا تحملتي اي شي مني الآن انا انسان مريض ويجيني تشنج بالمعده مافهمت قصده جاوبي تقدرين تصبرين علي بكره بجي اكلم ابوك واخذك معي قلت له سلامتك والقولون عند امي زيك بس لا تزعل نفسك ابعد عن المشاكل وتصير بخير <<طبعا ضيعت السالفه مابي اوعده بشي كنت ناويه اصلي الاستخاره قبل كثير قلت له انا بطلب منك طلب ابيك بس تصلي الاستخاره في رجعتك لي او رجعتي لك كذا مره والف مره وابيك تدعي ربي ان كان فينا خير لبعض نرجع احسن من اول وانا زيك بصلي وابيك تحط براسك شغله دامك تبيني وشاريني انا لك ولا عمري بكون لغيرك قام فرح واستانس وقال انا ما كنت ابي اطلقك بس ابوك قال لي انك متردده ترجعين لي او لا وتحطمت وطلقت ولا انا كنت ابيك قال مابي احد يتوسط ويجي يكلمني عنك مابي اختك ولا بنت عمي ابي انتي هالحكي اسمعه منك كنت استناك اهلي كانوا يبوني اتزوج <<<<<<ارجع واقول كل الرجال اطفال صغار وقال وانا رفضت اتزوج الا بعد ما اسمع خبر زواجك كان حيظل عندي امل وقال اسمعي انا بصراحه للآن ما صفا قلبي من ناحيتك قلت له وش هالتناقض بكلامك ساعه تبيني وساعه قلبك مو مصفى قال جزاي اقولك كل شي براسي؟ قلت زين اذا منت مسامحني على كل شي خلاص روح الله يسعدك انا اعتذرت وغير الاعتذار ما املك الا ان كان تبي فلوس رضوه ؟ ولا شرايك اجيب لك هديه سياره اما ترجعني لك عشان اتعذب واعذبك معي لا ما ابي قال لا وربي بس احس في قلبي زي ودي انتقم انتي ضحكتي كل الناس علي وخليتهم يأشرون ويقول زوجته ماتبغاه ورامي نفسه عليها قلت تنتقم وقتها انا صحت قلت تبي تذبحني مثلا وتخلي ابني يتيم انا بعد الله اطالع ابني هالوحيد عين لربي وعين لابني حتى نفسي اهملتها حرام عليك بعدين قال مو قصدي قلت الا قصدك بس انت كذا خوفتني منك قال وربي انا اعالج عند دكتور وصاير اقول كلام ما اقصده وغصب عني قلت تتعذر بالدكتور هذا شي جواتك ناحيتي قال لا وربي ما دريت قلت لا والله وانا ابكي يعني بكره لا ذبحتني ومت وتيتم ابني بتقول للناس ذبحتها وما دريت؟ و بتكتب على قبري مادريت وش هالعذر ما دريت <<<عاد انا طبعي حقت استهبال دايم ضحك هو وقال لا بس قصدي انه ما توصل للذبح اعوذ بالله قلت ماقصرت اجل وش توصل له؟ يعني مثلا تعلقني زي يوم يذبحو الخروف ؟ قال ايه وبخلي احمد يدفك انا سكتت وجالسه اضحك بنفسي وهو ميت ضحك بعدها اعتذرت منه وطلبت انهي المكالمه لاحظت انه عجبه الوضع وبصراحه خفت من كلامه وشرايكم يا بنات انا رأيي اني تسرعت ومفروض كان ما اخذ كل هالوقت معاه مفروض يكون كلامي رسمي بس الكلام اخذني معه دون احس وكلامه خوفني من ول مكالمه يقول لو سويت زي ما سويتي جبتك وعشت معك شهرين ورحت تركت البيت لك وقلت لك انا بطلقك وش بتحسين؟؟؟ انا جاتني ضيقه ما ارتحت بس رحمته مره حبيت ارد عليكم عشان تفاعلكم معاي مشكوره كل وحده عالمرور وعلى كل الدعوات الحلوه

مرحبا بنات أشكر كل وحده نصحتني فديتكم ربي يبعد عنكم الاحزان والهموم اتصل علي امس وجلست نص...