لاتكلمينه ولاتكرين
اذا هو اللحين شايف نفسه عليك ومومعطيك وجهه
تبين اذا كلمتيه يرجعك
انتي بنت ناس لاتهينين نفسك
والله يفرج همك ولاتنسين سهام الليل

لا اختي والله بيدلك دل بعدها عليك بالدعاء وبس ...............معاد فيه رجال والله فيهم خير

طمنينا عنك الله يكبتلك اللي في الخير

هذا اكبر دليل انه متعلق فيك ويحبك تعبت نفسيته عقب ماتركتيه وبعدين يااختي ترك بيتك وروحتك لاهلك ماتحل مشكلة بالعكس تتعقد الامور اكثر وتتسع الفجوة
اذا ربي قدر ورجعتي غيري اسلوبك معه لان واضح يااختي انك عنيده اسمحيلي ومتعجله وهالاسلوب مايمشي ابد
الحياة اخذ وعطى وخلو بينكم شعرة معاوية
وغير كذا الزواج استقرار وسكن ومو معقوله كل ماصار شي هجيتي وتركتي البيت وازعجتوا اللي حولكم بمشاكلكم انتو كبار وعاقلين وفاهمين وتقدرون تحلون مشاكلكم بينكم
ويكون في علمك كل البيوت مليانه مشاكل ووجع راس بس الفرق بينكم وبينهم انهم يعالجون امورهم بحكمة وتفاهم وتسامح وعفو وسرية تاااااامة
اذا انتي تبين السعادة في حياتك لاتتكررين تصرفك وتتركين البيت صدقيني هذا اسلوب العاجز
عمر المشاكل ماتعالجت بالعباطة والقوة واهو انقهر من اسلوبك

هو قالك هالكلام علشان تعيشين الموقف وتحطين نفسك في مكانه وتحسين بشعورة واهو صادق تصرفك غلط بغلط يوم تركتي البيت وكبرتي السالفة وخليتي اللي مهوب شاري يتفرج ودخلتي وسايط بينك وبين زوجك !!!!!غيرك يااختي يعيش في ظروف اصعب منك يتعرضون للضرب والاهانة والطرد من ازواجهم ومع كذا متشبثين ماحاولوا يتركون بيوتهم ويطلعون وصابرين على امل تتحسن المعاملة ويصلح الحال
وانتي الحمد لله ماوصل معك زوجك لهالدرجة الحمد لله اللي بينكم مجرد مشاكل تصير في كل بيت بامكانكم تقضون عليها او تخففون منها بالتفاهم وحسن التصرف
انتي اللحين جربتي مرارة الطلاق والتفكك الاسري
وحسيتي بشعور الندم فاتمنى تاخذين اللي صار درس لك في المستقبل اذا ربي كتب لكم رجعه لبعض والتم الشمل باذن الله وتحرصين على بيتك ومستقبلك ومستقبل عيالك وتحتوين مشاكلكم بشكل افضل وتتركين التسرع والعناد اسمحيلي اذا قسيت عليك ولكن هذي هي الحقيقة الحرمه عزامة ندامة تتسرع في الخطا وبعدين ترجع تتحسف وتدور مخرج او حل والله يهدي سركم

اتقوا الله يابنات في ردودكم وتذكروا (ليس منا من خببَّ امرأة على زوجها.)
انتو ماتدرون الغلط من مين ولا تدرون عن تفاصيل الامور